بِسْمِ اللهِ الرَّحْمٰنِ الرَّحِيمِ

Шом аҳли шунча қурбонликларни илмоний конституция учун берганмиди?!

Устоз Аҳмад Абдулваҳҳоб

Ҳизб ут-Таҳрир – Сурия вилояти матбуот бўлими раиси

Женевада БМТ ҳомийлигидаги конституциявий қўмитанинг кичрайтирилган йиғинининг олтинчи сессияси ўз ишини, аввалгилари каби, муваффақиятсиз якунлади. Яъни БМТнинг Суриядаги махсус вакили Гейр Педерсен берган баёнотга кўра, йиғилишда на бирорта янги тушунчага эришилган ва на кейинги сессия вақтига келишиб олинган. Педерсен қўмитанинг иш услуби бўйича кулишувга эришилгани ҳақида илгари баёнот берган эди.

Делегациялар иштирокида бўлиб ўтган сўнгги сессия билан ушбу олтинчи сессия ўртасида тўққиз ой ўтган экан, олтинчи сессия ишларига «дастурни ислоҳ қилиш», деган атама киритилгани янгилик бўлди. Илгари дастурни ўзгартиш ёки янги дастур ёзиш ҳақида гапирилар эди.

Мана шундай чалкаш-самарасиз ишлар ва бекорчи вақт ўтказишларнинг барчаси Шом қўзғолонини йўқ қилишга қаратилган эса-да, биз конституция билан боғлиқ айрим тушунчаларга тиниқлик киритиб ўтмоғимиз даркор. Чунки бу мусулмонларга ҳақиқий бахт-саодат ва барқарор ҳаёт сари ҳаракатларига ёрдам беради.

Дастур давлатнинг шакли, аппарати ва бошқарув тузуми ҳамда ҳар бир аппаратнинг вазифа ва ваколатларини белгилаб берувчи қонунлардир. Ушбу дастурнинг манбаи ё ваҳи бўлади, ёки инсон ақли бўлади. Манбаи ваҳи бўлган дастур Ўзи яратган нарсаларининг қандайлигини яхши биладиган Латиф, уларга нима яроқлию нима яроқсизлигидан хабардор бўлган Хобир ва Алим томонидан келади.

﴿أَلاَ يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾

«(Ахир) яратган зот (Ўзи йўқдан бор қилган нарсаларни) билмасми?! У меҳрибон ва (ҳар нарсадан) хабардор зотдир»                                  [Мулк 14]

Манбаи инсон ақли бўлган дастур эса, тубан дастурлар бўлиб, унга ишонганларни танг-бахтсизликка, разил ҳаётга олиб боради:

﴿وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكاً﴾

«Ким Менинг эслатмамдан юз ўгирса, бас, албатта унинг учун танг-бахтсиз ҳаёт бўлур ва Биз уни қиёмат кунида кўр ҳолда тирилтирурмиз»   [Тоҳа 124]

Зеро, инсон ақли зиддият, ихтилоф ва қарама-қаршиликларга нишон бўлади ва вазиятдан таъсирланади ва ўз навбатида бундай ақлдан келиб чиққан конституция ҳам ўша сифатларни ўзида акс эттиради. Бу ҳали у, ҳали бу жамиятларда ихтилофлар пайдо қилаётган, дам ўзгартирилиб, дам ислоҳ қилинаётган дастур-конституциялардан кўриниб турибди. Усмоний Халифалик қулатилишидан сал аввал 1920 йилги мустақиллик, деб аталган даврдан бери то бугунги кунимизгача бир қанча конституциялар ишлаб чиқилди. Масалан: «подшоҳ Файсал» дастурига атиги 15 кун расман амал қилинди. Кейин мандат даври конституцияси (1930 йилда эълон қилинган 1928 йилги конституция). Кейин инқилоблар конституциялари (1950 йилги конституция, 1952 йилги Шишакли конституцияси, 1957 йилги Миср билан бирлик конституцияси, сўнг 1960 йилги бўлиниш конституцияси). Кейин Баас даври конституциялари (1964 йилги конституция, 1966 йилги конституция, 1969 йилги конституция, 1971 йилги конституция, 1973 йилги конституция). Сўнг Башар Асад эълон қилган 2012 йилги конституция.

Бу конституцияларнинг барчаси аҳолини бахтсиз қилиб, одамларга бадбахтликдан ўзга нарса олиб келмагач, одамлар уларни ўзгартиришга мажбур бўлишди ва ўзгартиришнинг қиммат бадалини тўлашди.

Биз бугунги кунда Шом ва бошқа диёрларда кофир Ғарб малайларига қарши қўзғолон қилиб, жиноятчи илмоний режимларни фақат ўзига чакланмай, балки конституцияларию барча аркон ва башаралари билан қўшиб ағдариш йўлида улкан қурбонликлар бермоқдамиз. Кофир Ғарб ҳаммага маълум бўлган барча услуб ва воситаларини ишга солиб бу жиноятчи режимларни ҳимоя қилишга уринди. Натижада, Шом қўзғолонини йўлдан адаштиришга муваффақ бўлди. Ҳозир у қонхўр режимни ағдариш йўлида берилган қурбонликларни конституцияни ислоҳ қилиш учун берилган қурбонликларга айлантиришга ҳаракат қиляпти. Чунки шаклан ўзгартирилган ва Ғарб қолипида тузилган бу конституция унинг манфаатларини сақлаб, Шом заминидаги босқинчилигини муқаддаслаштиради, ҳокимиятдаги малайларини сақлаб қолишига хизмат қилиб, Ғарбнинг динни ҳаётдан ва жамиятдан ажратишга асосланган дунёқараши ва турмуш тарзини, яъни давлат илмонийлигини зўрлаб тиқиштиради. Бунинг учун кофир Ғарб янги малайлар, асосан конституциявий қўмитани ташкил қилди. Бу конституциявий қўмитани Шом аҳли эмас, балки кофир Ғарбнинг ўзи тузган. Ғарб «Сурия кризисининг сиёсий ечими», деган нарсани шиор қилиб, айни қўмитанинг барча йиғинларини ўз юртида туриб назорат қилмоқда.

Мусулмонлар, шу жумладан Шом аҳли шуни яхши билиши лозимки, манбаи ваҳи бўлган дастурсиз уларнинг ҳаёти асло ўнгланмайди. Биз Ислом билан ҳукм юритиб, уни тўғри татбиқ қилган вақтимизда дунёнинг хўжайинлари эдик, олдимизга ҳеч бир рақиб чиқа олмасди. Исломни ёмон татбиқ қилиб, аҳком ва қонунларидан воз кечганимизда эса, худди сел натижасида пайдо бўлган кўпикларга ўхшаб қолдик. Еб тўймас очофатлар ўз товоғига ташлангани каби миллатлар барча тарафдан устимизга ташланди… Натижада, юртларимиз Ислом душманлари томонидан босиб олинди. Улар бойликларимизни талон-торож этиб, ўзимизни қул қилишди, конституциялар ишлаб чиқиб, келажагимизни белгилаб беришадиган бўлди.

Ҳеч шубҳа йўқки, Аллоҳ Азза ва Жалла сизларга тўғри яшаш тарзини баён қилиб, бундай деган:

﴿وَنَزَّلْنَا عَلَيْكَ الْكِتَابَ تِبْيَانًا لِكُلِّ شَيْءٍ وَهُدًى وَرَحْمَةً وَبُشْرَى لِلْمُسْلِمِينَ﴾

«Сизга ҳамма нарсани баён қилиб берувчи, ҳидоят, раҳмат ва мусулмонлар учун хушхабар бўлган Китобни нозил қилдик»                                 [Наҳл 89]

Мусулмонларга Ўзнинг шариати, минҳожи ва қонунлари билан ҳукм юритишни вожиб қилиб, бундай деди:

﴿وَأَنْزَلْنَا إِلَيْكَ الْكِتَابَ بِالْحَقِّ مُصَدِّقًا لِمَا بَيْنَ يَدَيْهِ مِنَ الْكِتَابِ وَمُهَيْمِنًا عَلَيْهِ فَاحْكُمْ بَيْنَهُمْ بِمَا أَنْزَلَ اللَّهُ وَلاَ تَتَّبِعْ أَهْوَاءَهُمْ عَمَّا جَاءَكَ مِنَ الْحَقِّ لِكُلٍّ جَعَلْنَا مِنْكُمْ شِرْعَةً وَمِنْهَاجًا﴾

«Сизга (эй Муҳаммад), ўзидан олдинги китоб(ларни) тасдиқлагувчи ва у (китоблар) устида гувоҳ бўлган бу Китобни ҳаққирост нозил қилдик. Бас, одамлар ўртасида Аллоҳ нозил қилган нарса билан ҳукм қилинг ва Сизга келган Ҳақдан юз ўгириб, уларнинг ҳавойи нафсларига эргашманг! Сизлардан ҳар бир миллат (яъни дин) учун (алоҳида) шариат ва минҳож-йўл қилиб қўйдик»

                                                                                                    [Моида 48]

Аллоҳ сизнинг бахтли-саодат бўлишингизни динингизга, унинг тузум ва аҳкомларига қанчалик амал қилишингизга боғлиқ қилиб қўйди. У зот бундай деди:

﴿فَإِمَّا يَأْتِيَنَّكُمْ مِنِّي هُدًى فَمَنِ اتَّبَعَ هُدَايَ فَلاَ يَضِلُّ وَلاَ يَشْقَى﴾

«Бас, сизларга Мен тарафдан ҳидоят келганида ким Менинг ҳидоятимга эргашса, йўлдан озмас ва бахтсиз бўлмас»                                     [Тоҳа 123]

Бас, Аллоҳ Азза ва Жалланинг бошқарувига қарши чиқиб, кофир Ғарб тузган конституцияни қабул қилиш ва унга эргашишдан сақланинг. Чунки Аллоҳ Таоло сизни Ўзининг азобидан огоҳлантириб, бундай деган:

﴿يَوْمَ تَجِدُ كُلُّ نَفْسٍ مَا عَمِلَتْ مِنْ خَيْرٍ مُحْضَرًا وَمَا عَمِلَتْ مِنْ سُوءٍ تَوَدُّ لَوْ أَنَّ بَيْنَهَا وَبَيْنَهُ أَمَدًا بَعِيدًا وَيُحَذِّرُكُمُ اللهُ نَفْسَهُ وَاللهُ رَءُوفٌ بِالْعِبَادِ + قُلْ إِنْ كُنْتُمْ تُحِبُّونَ اللهَ فَاتَّبِعُونِي يُحْبِبْكُمُ اللهُ وَيَغْفِرْ لَكُمْ ذُنُوبَكُمْ وَاللهُ غَفُورٌ رَحِيمٌ﴾

«Ҳар бир жон ўз қилган яхши амалларини ҳозиру нозир ҳолда кўрадиган, ёмон амалларининг эса олис-олисларда қолиб кетишини истайдиган кунни (эсланглар)! Аллоҳ сизларни Ўзининг (азобидан) огоҳ қилур. Аллоҳ бандаларига меҳрибондир. Айтинг (эй Муҳаммад): «Агар Аллоҳни севсангиз, менга эргашинглар. Шунда Аллоҳ сизларни севади ва гуноҳларингизни мағфират қилади. Аллоҳ (гуноҳларни) мағфират қилгувчи, меҳрибондир»                                                                                        [Оли Имрон 30-31]

Биз Ҳизб ут-Таҳрир аъзолари мусулмон биродарларимизга Аллоҳ Азза ва Жалланинг изни ила, яқинда барпо бўлажак Халифалик давлати учун дастур лойиҳаси тайёрлаб қўйганимизни эслатмоқчимиз. У минтақавий давлатнинг ҳам, миллий давлатнинг ҳам, ватанпарварлик давлатининг ҳам дастури эмас. Йўқ, балки у мусулмонлар давлатининг исломий дастури бўлиб, Ислом ақидасидан балқиб чиққан дастурдир, бундан бошқача эмас. Ундаги моддаларнинг ҳар бири Аллоҳ Азза ва Жалланинг Китоби ва Росули ﷺнинг суннатларидан ҳамда саҳоба розияллоҳу анҳулар ижмои ва мўътабар шаръий қиёсдан истинбот қилинган. Барча мусулмонларни ушбу дастурни Пайғамбарлик минҳожи асосидаги рошид Халифалик давлатини барпо этиш орқали амалда татбиқ қилишга даъват қиламиз.

Роя газетасининг 2021 йил 3 ноябр чоршанба кунги 363-сонидан