بِسْمِ اللهِ الرَّحْمٰنِ الرَّحِيم

Роя газетаси:

Туркия парламенти яҳудийлар давлати билан ярашиш битимини тасдиқлади

Ўтган шанба куни Туркия парламенти Туркия билан «Исроил» ўртасида битим тузиш хусусидаги қонун лойиҳасини тасдиқлади. «Исроил» 2010 йил 31 май куни «Мовий Мармара» кемасига қилган ҳужуми қурбонлари оилаларига товон тўлайдиган бўлди.

Битимда «Исроил» битим кучга киргандан бошлаб 25 кун ичида «Мовий Мармара» қурбонлари оилаларига 20 миллион доллар маблағ тўлаши ҳамда бу маблағни Туркия томони очадиган банк ҳисобига бир дафъада ўтказиб, дипломатик каналлар орқали етказиб бериши айтилган.

Берилган айни товонлар қурбонлар яқинларига тақсимлаш йўли орқали Туркия жавобгарлиги остида амалга ошириладиган ва бу масалада «Исроил»га ҳеч қандай масъулият берилмайдиган бўлди.

Қонун лойиҳасига кўра, айни битим «Исроил» ва унинг «фуқаролар»ини оддий ёки эътиборли шахслар талаби билан Туркия жумҳурияти номидан қилинадиган ҳар қандай жавобгарликдан соқит қилади, «Мовий Мармара» кемаси ҳодисаси хусусида бевосита ва билвосита Туркияда қонунан суд қилишни тақиқлайди.

Битим икки томоннинг ўзаро дипломатик каналлар орқали унинг татбиқи билан боғлиқ ёзма чора-тадбирлар кўрилгандан сўнг кучга киради.

Туркия бош вазири Бинали Йилдирим Тель-Авив 2010 йил Ғазо секторига қўйилган қамални очиш учун озодлик флоти доирасида йўлга чиққан «Мовий Мармара» кемасига «Исроил армияси» томонидан ҳужум қилиниши ортидан таранглашган муносабатларни нормаллаштириш учун барча шартларни амалга оширганини таъкидлади.

Туркия эса ўзаро келишув доирасида фуқаровий мақсадларда истеъмол қилинадиган, шу жумладан, инсонпарварлик ёрдамлари доирасидаги моддаларни Ғазо секторига киришини таъминлаш, сектордаги инфраструктурага инвестиция ётқизиш, аҳолисига уй-жойлар қуриб бериш, 200 нафар беморга хизмат қилувчи Турк-Фаластин дўстлик касалхонасини мумкин қадар тез вақт ичида очиш ва жиҳозлар билан таъминлаш билан шуғулланади. (Онадўли ахборот агентлиги).

Роя газетаси шарҳи:

Яҳудийлар давлати билан музокаралар бошлангандан бошлаб Туркия ҳукмдорлари Ғазо секторини қамал қилишга чек қўйишни талаб қилиб келмоқда. Бироқ айни талаб бу давлат билан алоқаларни нормаллаштириш эвазига бўлмаслиги керак эди. Аксинча, бу талаб Туркия ҳукмдорлари ва бошқа исломий юртлар ҳукмдорлари томонидан амалга оширилиши шарт эди. Талаб фақат Ғазо секторидан қамални очишгагина чекланмай, балки Фаластиннинг ҳамма ерларини озод этилишини ва анави яҳудийлар давлатини эса йўқ қилинишини ҳам ўз ичига олиши лозим эди. Буларнинг барчаси ўрнига, Туркия ҳукмдорлари Ғазо сектори қамалини очиш талабидан ҳам воз кечишди ва яҳудийлар давлатининг сув, электр, касалхона… каби ўзларига ҳеч қандай хавф туғдирмайдиган чора-тадбирларни кўриб беришларигагина рози бўлишди, холос.

Шундай қилиб, Туркия ҳукмдорлари ўз муносабатларида Исломдан нақадар воз кечганларини кундан-кунга исботлаб, бу босқинчи давлат билан муносабатларини янада афзал суратда амалга оширишяпти ва бу масаладаги Ислом ҳукмига парво қилишмаяпти. Ҳолбуки, Ислом ҳукми яҳудийлар давлатини йўқ қилишни тақозо қилади, улар билан алоқаларни мустаҳкамлашни эмас!!!

Роя газетасининг 2016 йил 24 август чоршанба кунги 92-сонидан