Туркия ўз кучларини Ироқ шимолидан кўчирмоқчи эканини билдирди
Роя газетаси:
Туркия ўз кучларини Ироқ шимолидан кўчирмоқчи эканини билдирди
Ўтган шанба куни Туркия ташқи ишлар вазирлиги ўз баёнотида турк кучлари Ироқ шимолидаги Башик лагерида жойлаштирилгани сабабли Ироқ билан «алоқалар ёмонлашгани»ни тан олди.
Вазирлик Туркия лагерлари жойлашган Ниневия муҳофазасидан айрим кучларини кўчирмоқчи эканини қўшимча қилди. Аммо бу кучлар қай тариқа ва қаерга кўчирилишини очиқламади.
Маълумки, Анқара жорий декабр ойи бошида Башикка кучларини жойлаштириб, бу Ироқ кучларига машқ ўргатиш ва уларни Исломий Давлат ташкилотига қарши курашга тайёрлаш мақсадига қаратилган халқаро миссия доирасида бўлганини айтган эди.
Ўтган ҳафта Анқара айрим кучларини Ироқнинг Курдистон вилояти ичкарисидаги бошқа бир базага олиб чиқиб кетган бўлса-да, бироқ Бағдод уларнинг ҳаммаси олиб чиқиб кетилиши зарурлигини таъкидлашда қаттиқ турибди.
Туркия ташқи ишлар вазирлиги баёнотида бундай дейилган: «Туркия … ўз ҳимоячи кучларининг жойлаштирилиши сабабли Ироқ ҳукумати билан муносабатлар ёмонлашганини тан олади», «Туркия Ироқнинг хавфсирашини эътиборга олиб ҳамда ИШИДга қарши кураш талаблари билан мувофиқлашган ҳолда ҳарбий кучларини Ниневиядан кўчирмоқчи…» (Рейтер ахборот агентлиги).
Роя газетаси шарҳи:
Туркиянинг айрим кучларини Башикдан олиб чиқиб кетиши ва айримларини «кўчирмоқчи» бўлаётгани унинг Америка талабларига итоат қилаётганига далолат қилади. Бу эса Америка президенти Барак Обаманинг Туркия «У ердаги қўшинларини олиб чиқиб кетиши ҳамда Ироқ суверенитети ва ҳудудий яхлитлигини ҳурмат қилиши керак» дея, Туркия президенти Эрдоганга қилган талабидан очиқ кўриниб турибди. Аслида, Америка маъмуриятига қуллуқ қилувчи Ироқ ҳукмдорлари ҳам агар Америка томонидан кўк чироқ ёқиб берилмаганда, овозларини кўтаришмаган бўларди, албатта.
Роя газетасининг 2015 йил 23 декабр чоршанба кунги 57-сонидан
