بِسْمِ اللَّـهِ الرَّحْمَـٰنِ الرَّحِيمِ

(هَذَا بَلَاغٌ لِلنَّاسِ وَلِيُنْذَرُوا بِهِ)

«(Қуръон) одамлар огоҳлантирилишлари учун (Аллоҳ тарафидан нозил қилинган) бир баёнот-хабардир»

Муборак Шом қўзғолони бошланганидан бери беш йил ўтди. Бу қўзғолон оғир жароҳат ва зарбаларни олганига қарамай, орзу-умид ва севинчли хабарларни ҳам кўрсатди. Чунки унда Умматнинг анча вақтдан буён кўзга ташланмай келаётган асл табиати кўринди. Зеро биз Шомда хорларча бўйин эгмайдиган бир Умматга гувоҳ бўлдик. У ўз дини ғалабаси учун борини сарфлади, тубанликка рози бўлмади ва жиноятга индамай, сукут қилиб туравермади. Уммат шуни билмоғи лозимки, унинг энг яхши умматлиги буюк иш замирида яширинган. У шу ишни амалга оширса энг яхши Уммат деган сифатга ҳақли равишда эга бўлади. Агар уни тарк этса ҳалокатга учрайди. Зеро Аллоҳ Ўз Китобида шундай дейди:

كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّـهِ

«(Эй Уммати Муҳаммад), одамлар учун чиқарилган миллатларнинг энг яхшиси бўлдингиз. Зеро сиз маъруф амалларга буюрасиз, мункар амаллардан қайтарасиз ва Аллоҳга имон келтирасиз»    [Оли Имрон 110]

Қўзғолон кўтариб чиққан бундай Уммат маъруф ишга, яъни Аллоҳ нозил қилган шариат билан бошқаришга ҳамда энг катта мункарни, яъни Аллоҳ нозил қилмаган қонунлар билан бошқаришни йўқ қилишга албатта чақиради.

Шунга қарамай баъзилар бу қўзғолон ҳақиқатидан ҳамон жоҳил қолмоқда ва унинг қуёшини қарамлик ва хорларча бўйин эгиш «ғалвири» билан беркитишга уринмоқда. Чунки у ўзининг ва Умматининг муаммоларидан халос бўлиш йўли БМТ хартияси ва халқаро қонундадир, деб биляпти. У кўзи кўр бўлгани учун Ғарбнинг ҳақиқий башарасини кўролмаяпти. Шунинг учун уларнинг ҳузурига, ечимларига ва конференцияларига елиб-югуриб бормоқда. У Шом еридаги кураш аслида кофир Ғарбнинг «илмоний фуқаролик давлати» деган лойиҳаси билан Умматнинг ўз ақидасидан келиб чиққан «Пайғамбарлик минҳожи асосидаги Халифалик» лойиҳаси ўртасидаги кураш эканидан кўз юмиб, буни  билмасликка оляпти. Кофир Ғарбнинг ана шу лойиҳаси куфр ҳукмронлиги ва унинг манфаатлари, бу қонхўр режимни қайтадан ишлаб чиқиб унга янгидан қонуний тус бериш, хавфсизлик кучлари ва армияни сақлаб қолишдан иборатдир. Уммат лойиҳаси эса Роббимизни рози қиладиган, ўзгармас қийматларимизни рўёбга чиқарадиган, кўксимизни яйратиб, бизни яна одамлар учун чиқарилган энг яхши Умматга айлантирадиган лойиҳадир. Анави кимсалар эса буни билмасликка оляпти. Улар Шом қўзғолонига қарши тил бириктираётган давлатлар ва энг аввало Америка, Россия ва уларнинг югурдак қуроллари тиқиштираётган сиёсий ечим аслида бу қўзғолонни ва унинг лойиҳасини йўқ қилиб, Ғарб лойиҳасининг ғалабасини таъминлаш учун қилинаётган навбатдаги макр эканини ҳам билмасликка оляпти. Аллоҳ

Таоло деди:

وَلَا يَزَالُونَ يُقَاتِلُونَكُمْ حَتَّىٰ يَرُدُّوكُمْ عَن دِينِكُمْ إِنِ اسْتَطَاعُوا

«Улар (кофирлар) қўлларидан келса то динингиздан қайтаргунларича сизлар билан уришаверадилар»    [Бақара 217]

Улар сиёсий ечимни ва БМТ ҳомийлигидаги музокараларни инсоний фалокатлар ниҳояси, деб чиройли қилиб кўрсатишга уринишди. Аслида бу биз уни сув деб ўйлашимиз учун саробни чиройли қилиб кўрсатишга ҳамда уни даво деб ҳисоблашимиз учун захарни ўтказишга уринишга ўхшайди!

Ўзларини мухолафат вакили дея даъво қилаётган музокаралар делегациясига ҳамда ушбу жиноий музокараларда иштирок этаётганларга бирров назар ташланса, уларнинг йирик давлатлар хизматкорлари эканликлари кўринади. Улар эса сохтакорларча “биз Шом қўзғолони вакилларимиз” дея даъво қилишмоқда. Ахир жиноятчи режимнинг собиқ бош вазири Риёз Ҳижоб Шом қўзғолони вакили бўла оладими?!! Яқиндагина жиноятчи режимнинг маданият вазири бўлиб турган Риёз Наъсон Аға бу қўзғолон вакили бўла оладими?!! Қуръон Каримдан бошқа сақофатга ва Ақсони босиб олган босқинчи яҳудийлар билан мусулмонлар ўртасидаги «биродарлик»ка чақираётган Басма Қазмоний холис мужоҳидларнинг ва Аллоҳ ҳузуридаги ажрни умид қилаётган сабрли аҳлимизнинг вакили бўла оладими?!! Бу тил бириктирув моҳиятини соқол қўйган Муҳаммад Аллушни музокарачи делегацияга аъзо қилиб қўшиб қўйиш – ҳатто уни бу делегацияга бошлиқ қилиб қўйишган тақдирда ҳам – асло ўзгартиролмайди! Масалан илгари коалициянинг ҳақиқий башарасини «шайх» Муоз Хатиб ўзгартиролмаган эди. У шу коалиция бошлиғи бўлган ва Москвадан чиқадиган «қуёш» ҳақида башорат берган эди. Унинг бу башорати ўзи бажарган ишнинг асл моҳияти очилиб, шармандаси чиқишидан бир дарак бўлди!

Биз билишимиз лозимки, Американинг сиёсий ечимига мувофиқ юрган бундай заиф кишилар ўз динларига ҳамда муборак Шом қўзғолони бўлмиш бизнинг қўзғолонимиз асосларига юзаки муносабатда бўлдилар. Бу қўзғолон Аллоҳ масжидларидан бошланиб «у (қўзғолон) Аллоҳ учун, у Аллоҳ учун» ва «Йўлбошчимиз абадул-абад Саййидимиз Муҳаммад» деб хайқирган пайтда ўзининг ўзгармас, мустаҳкам асосларини аниқ белгилаб олди. Бу ўзгармас, мустаҳкам асослар Шом аҳли учун исбот талаб қилмас асосларга айланди. Улар музокаралар юритишга ижозат берадиган асослар эмас. Аксинча бу музокараларга киришишни ҳаром қиладиган мустаҳкам асослардир. Улар режимни бутун таянчлари, рамзлари ва жиҳозлари билан қулатиб унинг ўрнига ўзининг конституцияси ва жиҳозларида бу режимга бутунлай тескари бўлган низомни, исломий низом Пайғамбарлик минҳожи асосидаги рошид Халифаликни ўрнатишни талаб қиладиган мустаҳкам асослардир. Чунки ўшанда Ислом ва мусулмонлар азиз, куфр ва кофирлар эса хор бўлади. Ўшанда Уммат Ғарбга қарамликдан озод бўлади ва Аллоҳ Субҳанаҳунинг:

وَلَن يَجْعَلَ اللَّـهُ لِلْكَافِرِينَ عَلَى الْمُؤْمِنِينَ سَبِيلًا

«Ва Аллоҳ ҳаргиз кофирлар учун мўминлар устига йўл бермагай» [Нисо 141]

деган қавли рўёбга чиқади.

Мухолафатнинг музокара олиб борувчи делегацияси эълон қилган алдамчи позициялар – масалан Башар учун сиёсий амалиётда ҳеч бир ўрин йўқ, деб жар солишлари, ўтиш даври кенгашини талаб қилиб туриб олишлари, режимнинг сулҳни бузганига норозилик сифатида музокаралар вақтини кечиктиришни талаб қилишлари – Умматнинг холис ўғлонларини асло алдай олмайди. Бу алдамчи позициялар бу сиёсий ечимни Шом аҳлининг матлабига асло айлантира олмайди. Бу сохта позициялар музокара олиб борувчи делегацияга ҳеч қандай қонуний тус беролмайди. Чунки биз музокара олиб борувчи делегация қўзғолон вакили эмаслигини яхши биламиз!

Эй Ислом диёрининг маркази бўлмиш Шомдаги мусулмонлар:

Сизлар жуда катта қурбонлар бердингиз ва улкан меҳнатлар сарфладингиз. Бу қурбонлар ва меҳнатлар юксак баҳоланишга албатта арзийди. Шунинг учун Пайғамбарлик минҳожи асосидаги рошид Халифаликдан бошқа унга тенг келадиган баҳо йўқ. Қўзғолоннинг яримида тўхтаб қолиш уни ўлдириш эканлигини билишингиз лозим. Зеро сизлар бу музокаралар қўзғолондан олдинги аҳволга қайтиш эканини яхши биласизлар!! Демак бу қўзғолонни давом эттириш ва унинг мустаҳкам асосларини сақлаб қолиш зарур. Бу қўзғолонда ўйин қилмоқчи ёки унинг ўғлонлари қонларини беҳуда кетказмоқчи бўлаётган кимсаларни тийиб қўйиш зарур. Бирортангиз ҳаргиз «менга нима қизиғи бор» деб айтмасин. Чунки Абу Бакр Сиддиқ РАдан унинг шундай деганлиги ривоят қилинган: «эй одамлар, сизлар мана бу

يَا أَيُّهَا الَّذِينَ آمَنُوا عَلَيْكُمْ أَنفُسَكُمْ ۖ لَا يَضُرُّكُم مَّن ضَلَّ إِذَا اهْتَدَيْتُمْ

«Эй мўминлар, ўзингизни билингиз! (Яъни гуноҳлардан сақланингиз!) Модомики, ҳақ йўлни тутган экансиз, адашган кимсалар сизларга зарар етказа олмас»    [Моида 105]

деган оятни албатта ўқийсизлар, мен Росулуллоҳ САВнинг:

«إِنَّ النَّاسَ إِذَا رَأَوْا الظَّالِمَ فَلَمْ يَأْخُذُوا عَلَى يَدَيْهِ أَوْشَكَ أَنْ يَعُمَّهُمُ اللهُ بِعِقَابِهِ»

«Одамлар золимни кўриб туриб унинг қўлидан ушлаб, тийиб қўймасалар Аллоҳ уларнинг ҳаммасига Ўз иқоби (азоби)ни юбориши аниқдир» деганларини эшитганман».

Бу ҳадисни Аҳмад чиқарди (ривоят қилди). Ибн Ҳиббон ҳам ўз саҳиҳида шунга ўхшаш ҳадисни чиқарган. Бугунги золимларнинг башаралари хилма-хил, исмлари ҳам турлича. Лекин уларнинг ҳаммаси жиноятда баробардир. Чунки золим берилган қурбонларга хиёнат қилаётган, ўзининг ва аҳлининг хору зор бўлишига рози бўлаётган кимсадир. Шунинг учун бугунги вожиб вазифа бу қўзғолонни – уни заиф ва қўрқоқ кимсалар ўғирлашидан – сақлаб қолишдир:

«فَإِنْ تَرَكُوهُمْ وَأَمْرَهُمْ، هَلَكُوا جَمِيعًا، وَإِنْ أَخَذُوا عَلَى أَيْدِيهِمْ، نَجَوْا جَمِيعًا»

«Агар уларни ўз ҳолларига ташлаб қўйсангиз ҳамма ҳалок бўлади, агар уларни қўлларидан ушлаб тийиб қўйсангиз ҳамма нажот топади». Бу ҳадисни Аҳмад чиқарди. Бу вожиб борасида қосирлик-бепарволик қилиш дунёю охиратда Аллоҳнинг азоби ва қаҳру ғазабини келтиради. Аллоҳ Таоло деди:

لُعِنَ الَّذِينَ كَفَرُوا مِن بَنِي إِسْرَائِيلَ عَلَىٰ لِسَانِ دَاوُودَ وَعِيسَى ابْنِ مَرْيَمَ ۚ ذَٰلِكَ بِمَا عَصَوا وَّكَانُوا يَعْتَدُونَ* كَانُوا لَا يَتَنَاهَوْنَ عَن مُّنكَرٍ فَعَلُوهُ ۚ لَبِئْسَ مَا كَانُوا يَفْعَلُونَ

«Бану Исроил орасидан кофир бўлган кимсалар Довуд ва Исо ибн Марям тилида лаънатлангандирлар. Бунга сабаб уларнинг қилган исёнлари ва тажовузкор бўлганларидир. Улар бир-бирларини қилган нолойиқ ишларидан қайтармас эдилар. Бу қилмишлари нақадар ёмон иш!»    [Моида 78-79]

Биз Ҳизб ут-Таҳрир-Сурия вилояти аъзолари сиз ҳақингизда яхши гумондамиз. Шундай экан ўз ўрнингизни эгалланг ва вожиб вазифангизни бажаринг. Қўзғолон йўналишидан бурилиб эгри йўлга кетаётган кимсаларни тўғрилаб қўйинг. Қўзғолондагиларга «Аллоҳ йўлида ҳеч бир маломатчининг маломатидан қўрқманг», «Қўзғолонимиз сотилмайди», «Қўзғолонимизнинг собит турган эр кишилари  бор», «Қўзғолонимиз Пайғамбарлик минҳожи асосидаги рошид Халифаликдан камига асло рози бўлмайди» деб баралла айтинг. Биз сизларга Аллоҳнинг ушбу оятларини эслатамиз. Уларга қаттиқ амал қилинг, уларни унутманг ёки улар борасида лоқайдлик қилманг. Аллоҳ Таоло деди:

وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ ۚ يَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ

«Мўмин  ва  мўминалар бир-бирларига дўстдирлар. Улар маъруфга буюрадилар, мункардан қайтарадилар»    [Тавба 71]

فَلَمَّا نَسُوا مَا ذُكِّرُوا بِهِ أَنجَيْنَا الَّذِينَ يَنْهَوْنَ عَنِ السُّوءِ وَأَخَذْنَا الَّذِينَ ظَلَمُوا بِعَذَابٍ بَئِيسٍ بِمَا كَانُوا يَفْسُقُونَ

«Бас, қачон улар (яъни итоатсиз кишилар) ўзларига эслатма қилиб берилган нарсани унутишгач, бу гуноҳ ишдан қайтарган зотларга нажот бердик ва золим кимсаларни итоатсиз бўлганлари сабабли қаттиқ азоб билан ушладик»    [Аъроф 165]

Эй Ислом диёрининг маркази бўлмиш Шомдаги мусулмонлар:

Биз Ҳизб ут-Таҳрир-Сурия вилоятидаги биродарларингиз бу кураш аслида фақат икки лойиҳа ўртасидаги кураш эканини яхши биламиз. Имон лагери ўз хусусиятлари билан мунофиқлик лагеридан аниқ ажралиб туриши лозим. Шом қўзғолони Аллоҳ фазли билан фош қилиб очиб ташловчи қўзғолон бўлди. Биз Аллоҳ Азза ва Жаллага Исломнинг ишончли қўриқчилари бўлишимиз тўғрисида аҳд берганмиз. Ислом фикрларини тиниқ тушунтириб беришимиз ва Исломга қарши тил бириктираётганларнинг режаларини фош қилиб ташлашимиз тўғрисида аҳд берганмиз. Аллоҳ йўлида ҳеч бир маломатчининг маломатидан қўрқмай ҳақ сўзни айтишимиз ва Умматимизнинг холис ўғлонлари билан биргаликда Пайғамбарлик минҳожи асосидаги рошид Халифаликни тиклаб исломий ҳаётни қайта бошлаш учун Росул САВ тариқатига мувофиқ ҳаракат қилишимиз тўғрисида аҳд берганмиз. Халифалик бирорта ҳизб ё жамоат ёки гуруҳнинг халифалиги эмас, балки бутун мусулмонларнинг Халифалигидир. Халифалик дунёю охиратда азиз бўлишимизни, зафар қозонишимизни ва халос бўлишимизни рўёбга чиқариш учун ҳаракатларни бирлаштиради.

وَيَوْمَئِذٍ يَفْرَحُ الْمُؤْمِنُونَ*  بِنَصْرِ اللَّـهِ ۚ يَنصُرُ مَن يَشَاءُ ۖ وَهُوَ الْعَزِيزُ الرَّحِيمُ

«Ўша кунда мўминлар Аллоҳ нусрат бергани сабабли шодланурлар. (Аллоҳ) Ўзи хоҳлаган кишига нусрат берур. У қудрат ва раҳм-шафқат эгасидир»    [Рум 4-5]

Эй мухлис ўғлонлар сизларни Пайғамбарлик минҳожи асосидаги рошид Халифалик лойиҳасига ёрдам бериш учун биз билан бирга ҳаракат қилишга чақирамиз.

Ҳизб ут-Таҳрир                                                                     12 ражаб 1437ҳ

Сурия вилояти                                                                      19 апрел 2016м