Матбуот баёноти

سْمِ اللهِ الرَّحْمٰنِ الرَّحِيم

АҚШнинг IREX ташкилоти мустамлакачилик воситаларидан биридир

Адлия вазирлиги 2021 йил 14 апрель куни қуйидаги хабарни тарқатди:

Ўзбекистон Республикаси Адлия вазирлиги томонидан 2021 йил 12 апрель куни бош қароргоҳи АҚШда жойлашган Халқаро тадқиқотлар ва алмашувлар кенгаши (IREX) нинг Ўзбекистон Республикасидаги филиали давлат рўйхатидан ўтказилди.

Филиалнинг асосий мақсад ва ғоялари:

– Ўзбекистонда гуллаб, яшнаган ва адолатли жамият қурилишига ҳисса қўшиш, Ўзбекистон ёшларининг имкониятларини кенгайтириш ва бўлажак раҳбарларни тарбиялашга, сифатли таълим ва ахборот олиш имкониятларини оширишга кўмаклашиш;

– Ўзбекистон Республикасидаги ўқитувчилар малакасини инглиз тили соҳибларини жалб қилган ҳолда оширишга ҳамда талабаларни инглиз тилини интенсив равишда ўрганишини таъминлашга кўмаклашиш.

Изоҳ: Ҳеч кимга сир эмаски, тил сақофат (ҳаёт ҳақидаги фикрлар) беришнинг воситаларидан бири ҳисобланади. Буни яхши тушунадиган АҚШ ўзининг сақофатини IREX каби ташкилотлари орқали дунёнинг қолган қисмига, хусусан мусулмонлар орасида тарқатиб, уларда ғарбча дунёқараш ва турмуш тарзини шакллантиришга ҳаракат қилади. Ушбу хабарда айтилганидек, у асосан ёш авлодни нишонга олади. Ёшларга инглиз тилини ўргатиш баҳонасида уларга ғарбча фикр ва тушунчаларни сингдириб боради. Токи, ушбу ёшлар келажакда турли соҳаларидаги раҳбарлик мансабларига келганларида АҚШ манфаатлари учун хизмат қилишсин. АҚШ юртимизда ўз кадрларини етиштириш орқали ғарбпараст сиёсий элитани шакллантириб олишга ҳам ҳаракат қилади.

Биз мусулмонлар фарзандларимизнинг таълим-тарбияси бузилиб кетаётганидан шикоят қилаётганимизда мана шу ишларни ҳам ҳисобга олайлик. Ғарбнинг бузуқ сақофати фарзандларимизни ғарбча турмуш тарзига ҳавас қиладиган, ўз юртидаги муаммолар ҳақида бош қотиришга, ўз динини ўрганишга эса эътиборсиз бўлган, аксинча ундан юз ўгиришгача бориб етадиган авлодни тарбиялаб етиштираётгани ҳақида фикрлайлик!

Агар таълим соҳаси Исломга асосланганда эди, биз фарзандларимизнинг билими ва ахлоқи борасида хотиржам бўлишимиз мумкин эди. Чунки Исломий таълим программаси инсоннинг ақлияси ва нафсияси Ислом асосида шаклланган Исломий шахсиятларни етиштириб чиқаради ҳамда математика, физика, биология каби фанлар бўйича чуқур билимга эга етук мутахассисларни тайёрлаб беради. Асосийси эса, ёшларимизни ҳар қандай бузуқ сақофатдан ҳимоя қилади.

Абу Халил

Ҳизб ут-Таҳрирнинг Ўзбекистон бўйича матбуот бўлими

+1

0