Матбуот баёноти

Яҳуд вужудининг ваҳшийлиги ва хоин ҳукмдорларнинг сукути

 بِسْمِ اللهِ الرَّحْمٰنِ الرَّحِيمِ

Яҳудий вужуди Кнессети томонидан фаластинлик маҳбус биродарларимизга нисбатан ўлим жазосини қўллаш тўғрисидаги қонуннинг Ғазода давом этаётган мислсиз қирғинлар ва муқаддас Ақсо масжиди ёпиб қўйилган бир пайтда қабул қилингани – бу “ғазабга дучор қилинган” яҳудларнинг нақадар ҳаддидан ошганини, қутурганини кўрсатади. Дарҳақиқат, бу жиноий қонун айни шу паллада қабул қилингани янада мудҳишдир. Бу шунчаки ҳуқуқий ҳужжат эмас, балки бу Муборак Замин – Фаластин ва унга қўшни минтақаларда мусулмонларга қарши олиб борилаётган қатлиом(геноцид)ни қонунийлаштиришига уринишдан бошқа нарса эмас.

2026 йил 30 март куни қабул қилинган ушбу қонун Кнессет залларида Миллий хавфсизлик вазири, деб аталмиш Итамар Бен-Гвир бошчилигидаги бир гуруҳ малъунлар томонидан мусулмон биродарларимизга нисбатан қабул қилинган мазкур қонун шарафига қадаҳ кўтариб, байрам қилинди. Бен-Гвирнинг ёқасига дор арқони шаклидаги нишонни тақиб келиши ва буни “миллий ғурур” деб аташи – икки миллиардлик Ислом уммати устидан кулиш бўлиб, мусулмонларга нисбатан нафратнинг энг жирканч кўринишидир.

Бироқ энг аламлиси, яҳудий вужуди Ғазони қонга ботириб, Ақсони ёпиб, 6 минг атрофидаги фаластинлик маҳбуслар учун дор арқонларини тайёрлаётган бир пайтда, мусулмон юртларидаги хоин режимларнинг ҳамон ўликлардек сукут сақлаётганидир. Улар мазлумларнинг қони оқиб турган бир пайтда, яҳуд вужуди билан дипломатик алоқаларни, расмий учрашувларни ва савдо-сотиқни, гўё ҳеч нарса бўлмагандек, давом эттиришмоқда ва бу билан улар ушбу қирғин ва зулмга шерик бўлишмоқда. Уларнинг қуруқ “қоралаб” қўйишлари эса, шунчаки халқ ғазабини бостириш учун ишлатилаётган ниқобдир.

Ушбу хиёнат занжирида ўзбек режими ва унга тобе муфтий бошлиқ диний идоранинг ўрни ва роли ҳам аниқ намоён бўлмоқда. Ўзбек режими мазлум мусулмонлар манфаатини қатъий ҳимоя қилиш ўрнига, яҳудий вужуди билан сиёсий-иқтисодий ҳамкорлик ва дипломатик алоқаларни изчил давом эттирмоқда. Халқни ҳақ сўз билан уйғотиши, мазлумлар учун ҳаракатга чорлаши керак бўлган “уламолар” эса, Фаластиндаги қирғинлар ва ўлимга ҳукм қилинган фаластинлик биродарларимиз ҳаққини ҳимоя қилиб гапириш ўрнига, президент ишларига дуо қилиш ва шукрона келтириш ҳақида ваъз ўқишдан нарига ўтмаяптилар.

Биз ўбек режими ва муфтий бошлиқ диний идорага шуни айтамизки, сизларга ҳеч қандай узр ҳам, баҳона ҳам йўқ! Сизлар аллақачон бу қизил чизиқларни босиб ўтиб бўлгансиз! Сизлар лаънати яҳудий вужуди билан ош-қатиқ бўлишни танлаганингиздаёқ бу чизиқларни босиб ўтиб бўлгансиз! Айниқса, диндан гапирувчи “салла-чопонлар” – сизлар Аллоҳнинг динини арзимас дунё матосига алмаштириб, ҳукмдорларингизни ўзингизга “Аллоҳдан ўзга арбоблар” қилиб олганингиз оқибатини икки дунё шармандалиги ва хорлиги мисолида кўрасиз! Шуни билиб қўйингки, улар сизлардан фойдаланиб бўлгач, осонгина воз кечишади, Аллоҳнинг олдидаги ҳисоб-китоб кунида эса, нега ҳақни айтмадинг, дея ёқангиздан олишади, бунга ҳеч қандай шубҳа йўқ. Чунки уларнинг аҳволи ўша кунда, агар тавба қилмасалар, янада аянчли ва аламли бўлади.

Юртимиздаги мусулмонларга айтамизки, муборак Фаластин масаласи бутун уммат масаласи бўлиб, яҳудийлар қўлида тутқунликда қолаётган биродарларингиз нафақат сизларнинг дуоларингизга, балки амалий ҳаракатларингизга ҳам муҳтождирлар. Бугун босқинчи яҳудий вужуди уларга ўлим ҳукмини ўқиган пайтда, фақат дуо ва офият сўраш билан чекланиш зиммангизни поклашга кифоя қилмайди! Балки сизга қўлингиздаги бор имкониятни сарфлашингиз вожибдир! Жумладан, бошингизда турган ўзбек режими, муфтий ва диний идорага бевосита ва билвосита ёки ижтимоий тармоқлар орқали бўлсин, босим ўтказиб, уларни ҳаракатга келтиришингиз лозим. Энг камида, уларнинг тутган позицияси сизнинг позициянгиз эмаслигини, балки сиз Фаластиндаги биродарларингиз тарафида, яъни иймон ва адолат тарафида эканлигингизни намойиш қилишингиз шарт!  

Энг муҳими, кофир мустамлакачи Америка ва яҳудий вужуди томонидан Ғазо, Ливан ва Эронда мусулмонларга нисбатан чўққига чиқаётган қирғинлар, зулму зўравонликларга нуқта қўйишнинг ягона йўли – Халифалик давлатини қайта тиклаш эканини ва бу нақадар зарурлигини англаб етинг! Ана шунда Муборак Давлатимиз Ақсонинг занжирларини парчалайди, минтақадаги қирғинларга чек қўяди ва мусулмон биродарларимизнинг бўйнига осилган дор арқонларини ўша малъунларнинг ўзининг бўйнига осади. Расулуллоҳ ﷺ марҳамат қилганларидек: “Имом (Халифа) қалқондир, унинг ортида туриб жанг қилинади ва у билан ҳимояланилади”.

Ҳизб ут-Таҳрир Ўзбекистон Матбуот бўлими