بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Дунё мусулмонларини ҳимоя қилишга ким жавобгар?!

Дунё нега мусулмонларга ёрдам бериш у ёқда турсин, ҳатто уларнинг ноласига ҳам қулоқ солмаяпти?!

Нега маданият ва инсонпарварлик ҳақида оғиз кўпиртирилаётган дунёда энг кўп репрессияга мусулмонлар дуч келмоқдалар?!

Нега обрўли давлатлардан бири озгина озорга учраса, Хавфсизлик Кенгаши фавқулодда йиғинлар ўтказиб, тезкор чоралар қабул қилади, аммо мусулмонлар улкан фалокатларга учраса жим тураверадилар?! Аввало ва энг муҳими, Исломий Ҳамкорлик ташкилотига аъзо бўлган эллик етти нафар мусулмон давлати нима учун дунё мусулмонлари репрессиясига қарши курашмаяпти?! Покистон, Индонезия, Туркия, Малайзия, Миср, Эрон, Бангладеш ва бошқа исломий юртлардаги сон-саноқсиз армиялар, нима учун мусулмонлар масаласига нисбатан ўз бурчларини адо этиб, чор атрофдан қуршовга олаётган душманга қарши курашмаяпти?! Кейин, Форс Кўрфази мамлакатлари миллиардлаб долларларини АҚШ ва Европани рози қилиш учун совуряпти-ю, нега мусулмонлар масаласида бахиллик қиляпти, ҳатто уларга қарши душман билан тил бириктиряпти, уларнинг бирортаси ҳам Бирма билан дипломатик ва иқтисодий муносабатларни узишга журъат қилолмаяпти?! Бироқ, биз ўз динини сотган, даъват аҳлини қамоққа ташлаган, динни қоим қиламан, деганларга қарши шафқатсиз уруш олиб бораётган бир ҳукмдордан, аслида, шу айтганларимизни кутишимиз мантиққа тўғри келадими?! Ҳа, бу кимсалар қандай ҳам бу ишларни қилишсин, ахир, ҳаммаларининг қалблари бошқа-бошқа, ниятлари турли хил бўлса, истаклари доим Ғарб томонга қараб, Ғарб уларнинг қалбларидан олдин, тахтларига хўжайинлик қилаётган бўлса?!

Шунинг учун ҳам, мана шу ҳақиқатлар олдида жиддий ўйланмоғимиз даркор. Бу ҳақиқатлар бизга заифни ҳурмат қилиш нималигини билмайдиган оламда яшаётганимизни, сўнгги асрларда пайдо бўлган режимлар заифларни қул қилиш, кучлиларни ҳимоя қилиш учун келганини кўрсатиб беряпти. Шунингдек, халқаро тизим Усмоний Халифаликни ағдаргач, унинг харобалари устига сохта давлатчаларни бино қилганини, шу орқали мусулмонларни қул қилиб, қонларини ҳалол қилиб олганини бизга фош этмоқда.

Шунинг учун мусулмонлар уларнинг бирортасидан ёрдам кутмаслиги лозим. Чунки анави БМТ уларга қарши ҳаракат қилаётган бўлса, Хавфсизлик Кенгаши уларнинг хўжайинлиги ва салтанатини топтамоқда, манави рувайбиза ҳукмдорлар эса,  БМТ билан Хавфсизлик Кенгашига малайлик қилишяпти.

Умматнинг нажот йўли, шубҳасиз, Пайғамбарлик минҳожи асосидаги рошид Халифалик давлатини барпо этишдир. Ушбу давлат қайта мусулмонларни бирлаштиради, кучларини жамлайди, ўзи эса, буюк қудрат сифатида уларни ҳам, бутун дунёдаги заифҳол инсонларни ҳам мудофаа қилади.

Роя газетасидан олинди

0

0