بسم الله الرحمن الرحيم

Роя газетаси:

Саудия Арабистони подшоҳи АҚШ раҳбарининг йиллик маошидан икки минг баробар кўп маош олади

Ҳижрий 1439 йил 21 жумодус­соний, милодий 2018 йил 9 март жума куни «Арабий­21» веб-сайти нашр қилган хабарда бундай дейилади:

«Лондондан тарқалувчи «Middle East Eye» номли Яқин Шарқ янгиликларига доир веб-сайтда билдирилишича, британиялик таниқли ёзувчи Дэвид Хирстнинг Саудиядаги исрофгарчилик ҳақидаги мақоласида шундай дейди: «Менга Саудия Арабистони девонида ишловчи яқин бир манбанинг маълум қилишича, ҳозирда Саудия қиролининг ҳар ойда оладиган маоши 3 миллиард риял (800 миллион доллар)га тенг. Ҳеч ким ёзувда хато қилинган, деб ўйламасин, ҳақиқатдан шундай: ҳар ойда саккиз юз миллион доллар маош олади».

Хирст Саудия қиролининг ойлик маоши билан Британ бош вазираси ва АҚШ президентининг ойлик маошини солиштириб, бундай дейди: «Британия бош вазираси ҳар йили 150402 фунт стерлинг миқдорида маош олади ва бунга хоним яшаётган «Downing Street»даги президентлик қароргоҳи ва бошқа расмий қароргоҳлардаги уйларнинг ижара қиймати кирмайди. АҚШ президентининг йиллик маоши 400 минг доллар ва бошқа бир қатор имтиёзлардан иборат. Энди, Саудия қиролига келсак, унинг ҳар ойда оладиган маоши АҚШ президенти йиллик маошидан икки минг баробар кўпни ташкил қилади».

Бу маълумот Саудияда амирлар, масъуллар, йирик ширкатлар эгалари, бойлар ва бизнесменлар устидан коррупцияга қарши кенг кўламли хавфсизлик чоралари кўрилаётган ҳамда улардан кўпчилигининг маблағи қоқиштириб олинаётган бир пайтда чиқди».

Роя газетаси шарҳи:

Бу фош этилган нарсалар, холос. Ҳали махфий қолаётган нарсалар бундан­да катта, бундан ҳам кўп. Ҳа, исломий юртлардаги рувайбиза, малай ва жинояткор ҳукмдорлар ўзларини мусулмонлардан устун қуйиб, уларнинг бойлик ва потенциалларини ўзлаштиришди ҳамда бу бойликларга ўзлари, болалари ва набираларининг шахсий мулки, сифатида қараб келишди. Ўзларига бу бойликлардан хоҳлаганича тасарруф қилиш ҳуқуқини бериб, уларни мустамлакачи кофир Ғарбдаги хўжайинларига ҳадя ва совға сифатида, ҳатто ўлпон ва қурбонлик сифатида сарфлашмоқда. Бундан ҳам ёмони, бу кимсалар Ислом Уммати бойликларини исломий юртлардаги мустамлакачилик умрини узайтиришга, Ислом ва мусулмонларга қарши курашга, Исломнинг қудрат тепасига келишини олдини олишга сарфлашмоқда. Шунинг учун, эй мусулмонлар, булар сизнинг молу жонингиз ишониб топширилган ҳукмдорларнинг энг сўнггиси бўлиб, сизларга уларни қулатиш учун жидди­жаҳд билан қаттиқ ҳаракат қилиш вазифасини юклайди. Бас, Пайғамбарлик минҳожи асосидаги рошид Халифалик давлатини барпо этишга бор кучингизни сарфланг. Зеро, бу давлатда то сизнинг қорнингиз тўймагунча халифа туз тотмайди, то сизнинг хавфсизлигингиз таъминланмагунча кўзлари мижжа қоқмайди.

Роя газетасининг 2018 йил 14 март чоршанба кунги 173-сонидан

+4

0