بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Валади Шайх: Бу Яманда тинчликка эришиш учун сўнгги имконият босқичидир

Ўтган шанба кечқурун Кувайтда Ямандаги томонлар ўртасидаги тинчлик маслаҳатлари қайта бошланди. Муштарак йиғинда «қонуний» ҳукумат билан «инқилобчилар» делегацияси БМТнинг Ямандаги вакили Исмоил Валади Шайх Аҳмад раҳнамолиги остида ҳозир бўлди.

У йиғиннинг очилиш нутқида барча томонлардан одамларга ўзларининг Яман лойиҳалари борасида самимий ниятда эканлигини исботлаш орқали миллий масъулиятларига риоя қилишни талаб қилди. Валади Шайх ушбу маслаҳат босқичи келишилган халқаро асосларга мувофиқ тинчликка эришишдаги сўнгги имконият эканини таъкидлади.

БМТ вакили – қарорлар Хавфсизлик Кенгашининг 2216 қарори билан умумий тарзда уйғунлашишини, шунингдек Кўрфаз ҳамкорлик кенгаши ташаббуси сифатида шунга алоқадор қарорлар ва уларнинг ижроий механизми билан ҳамда Миллий диалог конференцияси хулосалари билан ҳам уйғунлашажагини таъкидлади.

Делегатлар олдида қилган нутқида Валади Шайх Кувайт маслаҳат йиғинининг иккинчи босқичи муддати фақат икки ҳафта бўлажагини ҳамда бу вақт мобайнида ҳарбий амалиётларни тўла тўхтатиш, тинчлик комиссияси ташкил қилиш ва маҳаллий комиссиялар билан мувофиқлашиш масалаларига диққатни қаратишни таъкидлади. Шунингдек, қўшинни олиб чиқиб кетилишини ва қуролсизланишни назорат қилувчи ҳарбий комиссия тузиш, қамалдаги ерларга инсонпарварлик ёрдамлари етиб боришини таъминлаш учун хавфсизлик йўлаклари очиш каби масалаларга ҳам эътибор қаратишни таъкидлади.

Ўз навбатида, бош вазир ўринбосари, ташқи ишлар вазири, ҳукумат делегацияси раиси Абдулмалик Михлофий ҳам ҳукуматнинг Яманда хавфсизлик, барқарорликни қайта ўрнатиш ва қон тўкилишини тўхтатиш йўлида тинчлик қўлини узатаётганини таъкидлади. Ушбу маслаҳат кенгашининг очилиш йиғини тугагандан сўнг БМТ вакилининг Яман президенти Абдуроббиҳ Мансур Ҳодий ва ҳукумат қонунийлигини қўллаб-қувватловчи сиёсий кучлар билан учрашиш учун Риёзга бориши кутилмоқда. (Арабия нет).

Роя газетаси шарҳи:

БМТ вакили Валади Шайх юқорида баён қилганимиздек, ишлар тизгинини ўз қўлида ушлаб туришга қаратилган Американинг Ямандаги сиёсатини ижро этувчи вакилдир. У ўзининг бу баёноти орқали иштирокчиларни қўрқитмоқчи бўляпти. У шунингдек, Яман аҳли музокарачиларга – Америка хоҳлаган келишувга боришлари учун – босим ўтказмаган тақдирда, улар олдида қўрқинчли муҳитни пайдо қилишга ҳаракат қиляпти. Шунинг учун ҳам у «Бу сўнгги имконият босқичи», деб айтяпти. Бошқача ибора билан айтадиган бўлсак, у гўё «Ё АҚШ сиёсатини бажарасиз ёки Яманда мана шундай уруш балоси давом этаверади…», деяпти.

Шубҳасиз, Яман аҳли халқаро вакиллар ва уларнинг режаларини улоқтириб ташлашни талаб қилмоқдалар. Шунингдек, Яман аҳли уларни ҳалокат жари ёқасига олиб келган раҳбарлар Яман устида ўзаро кураш олиб бораётган Ғарб давлатлари қўлидаги қўғирчоқ бўлганлиги сабабли, улардан қўлларини ювиб, қўлтиққа урганлар. Улар ўз вазиятларининг тубдан ўзгаришини, кофир Ғарб давлатларининг мутлақо нуфузи бўлмаслигини истайдилар. Бу эса Пайғамбарлик минҳожи асосидаги рошид Халифалик давлати барпо этилмагунча, ҳаргиз амалга ошмайди.

Роя газетасининг 2016 йил 20 июл чоршанба кунги 87-сонидан

0

0

Related posts:

Ҳодий Маърабда бундай деди: Яманда форслар давлати тикланишига асло йўл қўймаймиз Халқаро соғлиқни сақлаш ташкилоти: Яманда 6 мингдан зиёд одам ҳалок бўлган 32 минг одам  жароҳат олган Михлофий Эрондан Яман ишларига аралашишни бас қилишни талаб қилмоқда АҚШ Яманда Саудия етакчилик қилаётган коалицияни қўллаб-қувватлашни қайта кўриб чиқишга қарор қилди