بِسْـــمِ اللهِ الرَّحْمٰـــنِ الرَّحِيـــم

Роя газетаси:

Мустамлакачилар бизнинг бойликларимиз билан ҳузур-ҳаловатда яшасаю, қачонгача биз очликдан қорнимизга тош бойлаб юрамиз?!

Ҳижрий 1439 йил 3 ражаб, милодий 2018 йил 21 март чоршанба куни «Ал­Жазира нет» веб-сайти қуйидаги хабарни нашр қилди:

«Сешанба куни АҚШ президенти Дональд Трамп Саудия валиаҳди Муҳаммад ибн Салмон билан учрашуви чоғида икки томон ўртасидаги баъзи ҳарбий битимларни кўриб чиқди. У миллиардлаб доллар миқдоридаги айни битимларнинг баъзиларини оз, деб баҳолаб, янада кўпайтиришни талаб қилди. Ҳар икки томон Саудиянинг Қўшма Штатлардаги йирик инвестициялари ҳақида суҳбатлашди.

Трамп – Саудия валиаҳди ва сафарда унга ҳамроҳлик қилган делегация учун «Оқ уй»да ҳозирланган тушлик чоғида, «Саудия жуда бой мамлакат. Бу бойликлардан бир қисмини иш ўринлари ва ҳарбий техника битимлари шаклида беради, деган умиддамиз», деди.

АҚШ раҳбари ўз мамлакати билан Саудия ўртасидаги қурол­аслаҳа ва савдо битимининг муҳимлигини ҳамда Қўшма Штатларда иш ўринларини яратиш нуқтаи назаридан бу нарса жуда ҳам фойдали эканини таъкидлади.

Трамп Америкадаги Саудия инвестицияси яна ҳам кўпайтирилишини айтиб, Вашингтон билан Риёз ўртасидаги муносабатларни ҳар қачонгидан кўра яхши, дея баҳолади.

У Саудия инвестициясидан катта фойда олиши мумкин бўлган кўплаб Америка компаниялари борлигини қўшимча қилиб, учрашув чоғида Муҳаммад ибн Салмонни «яқин дўст», дея мақтади ва унга Саудияга сотиладиган 12.5 миллиард доллар қийматидаги Америка қуроллари тасвирланган суратни кўрсатди.

Саудия валиаҳди эса, ушбу муносабатлар Қўшма Штатларда бевосита ёки билвосита тўрт миллиондан зиёд иш ўринларининг яратилишига сабаб бўлганини, шунингдек Саудияда ҳам кўплаб иш ўринларини яратишга ҳисса қўшганини маълум қилди.

Саудия Арабистони инвестициясининг 35 %и бир йилнинг ўзида АҚШда 400 миллиард доллар қийматида реализация қилинганини, қолган қисми эса, келаси ўн йил ичида реализация қилинишини айтди. Шунингдек, икки давлат ўртасида ҳарбий битимлар 50 %и реализация қилинганини ҳам таъкидлади».

Роя газетаси шарҳи:

АҚШ президенти Трамп ғоят такаббурлик, одобсизлик ва бадбўй капиталистик бизнесменлик менталитетидан келиб чиқиб, ниятини очиқ айтяпти. Яъни унинг нияти Саудия оиласи ҳукмдорлари билан тузган савдо битимлари ниқоби остида мусулмонларнинг қолган­қутган бойлик ва потенциалларига ҳам эга чиқишдир. У Риёзга келганида ярим триллион долларлар билан ҳам кифояланмай, янада кўпроқ ундиришни истамоқда. Унинг мақсади – Нажд ва Ҳижоз юртини, қолаверса мусулмонларнинг хоссатан бой юртларини мусулмонлар зўрға пул топиб кун кечирадиган қашшоқ юртларга айлантиришдир.

Аслида, бу битимлар Ибн Салмон Америкага тўлаётган ўлпондан ўзга нарса эмас. У буларни саудлар оиласи тахтини сақлаб қолишига рухсат бериши учун тўламоқда. Шунингдек, бу нарса Сауд ҳукмдорларининг малайлик ва тобелик учун қилган Оқ уй остонасидаги қурбонликларидир. Ваҳоланки, ўзларининг фуқаролари оғир солиқлар солиниб, турмуш даражалари қийинлаштирилгани учун қаттиқ азоб чекмоқда. Бундан ташқари, ер юзидаги аксар мусулмонлар қашшоқ аҳволда кун кечирмоқдалар. Буларнинг барчасига сабаб уларнинг бойликлари мана шу мустамлакачилар томонидан ўзлаштирилаётганидир. Савол шуки, Уммат бу рувайбизаларга қачонгача сукут қилишда давом этаркин?!

Роя газетасининг 2018 йил 28 март чоршанба кунги 175-сонидан