بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Эй Ливия қўзғолончилари

Наҳот орангизда тўғри йўлга юрувчи киши йўқ бўлса?!

Лондонда чиқадиган «Ҳаёт» сайти ҳижрий 1438 йил 8 Рамазон, милодий 2017 йил 3 июн куни қуйидаги хабарни келтирди:

«Кеча жума куни Ливия шарқида жойлашган «Ливия миллий армияси» кучлари Жафра чўл зонасидаги стратегик аҳамиятга молик шаҳарларга кириб, минтақани ҳаво ҳужумига тутиши ортидан у ердаги душман гуруҳлари билан тўқнашувлар бўлиб ўтди.

«Ливия миллий армияси» бу босимларни Ливия маркази ва жанубида янада мустаҳкам жойлашиш мақсадида амалга оширмоқда, у ерларда ҳукуматга тарафдор бўлган ҳамда БМТ томонидан қўллаб-қувватланаётган кучлар билан ва бошқа рақиблар билан ҳукмронлик талашмоқда.

2015 йил охирида БМТ воситасида ўтиш даври режасига эришилган эди. Бироқ бунга қарамасдан ҳарбий ҳаракатларнинг кескинлашиши Ливиянинг шарқи ва ғарбида ҳокимият устида рақобатлашаётган сиёсий ҳамда ҳарбий лагерларни бирлаштиришга қаратилган халқаро саъй-ҳаракатларга хавф солади.

Кечаги тўқнашув «Миллий армия» тарафдорлари билан «Бенғозини мудофаа қилувчи отрядлар ўртасида» бўлиб ўтди. Бу отрядлар ўтган йилидан бери юрт шарқидаги Бенғози шаҳрида ютуққа эришаётган «Миллий армия» олдида чекинган исломчилар ва жангарилардан ташкил топган.

«Ливия Миллий армияси» матбуот воизи Аҳмад Мисморий, тўқнашувда ҳар икки томондан олти нафардан иборат 12 нафар инсон ҳалок бўлганини маълум қилди. Унинг қўшимча қилишича, «Миллий армия» Вадон, Ҳавн ва Савкана шаҳарларини ўз назорати остига олган, бироқ Вадон ғарбидаги Жафра ҳаво базасини ҳануз назорати остига ололгани йўқ.

Кеча «Ливия Миллий армияси»га қарашли «Зовия» катибаси Вадонга кирган эди. Тармоқларда шу шаҳардан олинган видео лавҳа пайдо бўлди. Унда машиналар йўл четида ёнаётгани ва ерда ўлиб ётган бир неча жасадлар тасвирланган.

Бундай олға силжиш, ҳарбий масъуллар ва аҳолининг –  «Миллий армия» кучларига қарашли қирувчи самолётлар Пайшанба кечаси Жафрага қаттиқ ҳаво ҳужуми уюштирди, деганларидан сўнг амалга ошди.

Шундай қилиб, Ҳафтар Ливиядаги минтақаларни бирма-бир ўз назоратига ола бошлаётган бўлса-да, бироқ БМТ томонидан қўллаб-қувватланаётган Триполидаги ҳукумат буни инкор қилмоқда. «Ливия Миллий армия» пойтахтни ҳам ўз назоратига олишини башорат қилаётган бир пайтда, кўпчилик бунга шубҳа билан қараб, буни уддалашга унинг кучи етмаслигини айтмоқдалар.

Шунингдек, Ливиянинг чўл зонасидаги зўравонлик амалиётларининг бу даражада кескинлашуви, ўтган ой «Миллий армия» тарафдорларидан ўнлаби ҳалок бўлиши ортидан кучайди. Ўшанда армия Жафранинг жанубий ғарбидаги Сабҳо яқинида жойлашган «Барак Шотий» ҳаво базасига ҳужум уюштирган эди.

Роя газетаси шарҳи:

Қачонгача Ливияда мусулмонлар қони дарё бўлиб оқизилади?! Қачонгача бу қўзғолончилар Британия-Американинг Ливияда ўз нуфузларини ёйиш ва унинг бойликларини талаш устида олиб бораётган курашларига тайёр қурол бўлиб қолаверадилар?! Қачонгача адаштирувчи нафс-ҳаво ва сохта манфаатнинг қурбони бўлиб қолаверадилар?! Асл манфаатлари Америка ва Европага қарамликдан қутулишда ҳамда уларнинг режаларига тупуришда эканини тушуниш вақти келмадими?! Асл манфаатлари ягона лойиҳа бўлмиш Пайғамбарлик минҳожи асосидаги рошид Халифалик атрофида бирлашишда эканини, ушбу лойиҳани амалга ошириш билан бу дунёю охират азизлигини қўлга киритишларини англамоқ они келмадими?!

Роя газетасининг 2017 йил 7 июн чоршанба кунги 133-сонидан