Ҳизб ут-Таҳрир – Фаластин Рамаллоҳдаги Халифалик юришини бекор қилди
بسم الله الرحمن الرحيم
Роя газетаси:
Ҳизб ут-Таҳрир – Фаластин Рамаллоҳдаги Халифалик юришини бекор қилди
Ҳизб ут-Таҳрир – Фаластин ҳижрий 1439 йил 5 шаъбон, милодий 2018 йил 21 апрел шанба куни ўтказиш белгиланган юришни бекор қилганини маълум қилди. Усмоний Халифалик ағдарилганининг 97 йиллиги хотираси муносабати билан ўтказилиши белгиланган «Халифалик Умматнинг куч-қудратини, Қуддуснинг мақомини тиклайди» номли бу юриш, Бира шаҳридаги катта масжиддан бошлаб, Манора шаҳарчасигача бориши керак эди.
Ҳизб ут-Таҳрир – муборак Фаластин замини матбуот бўлими шанба куни ўзининг электрон сайтида чиқарган матбуот эълонида юришни бекор қилишга Фаластин режими томонидан қилинган ваҳшиёна зўравон чора-тадбирлари сабаб бўлганини маълум қилди. Дарвоқе, режим ўша куни намойишни эрта тонгдан бошлаб тақиқлашга ва бостиришга киришди. Шаҳарнинг асосий ва иккинчи даражали кириш қисимларига тўсиқ қўйиб, Рамаллоҳ қишлоқларига ҳамда Ғарбий Қирғоқдаги Халил, Байтлаҳм, Қилқилия, Жанин каби катта шаҳарларга чиқиш йўлларини ҳам тўсиб қўйди. Шунингдек, Абидия ва Водинор шаҳарларига ҳам тўсиқ қўйиб, Жанубий Қирғоқ билан Рамаллоҳни ажратиб қўйди… Режим Халил, Жанин, Рамаллоҳ ва Бира ичкарисига кўплаб постлар ўрнатди… Машиналарни бирма-бир тинтув қилиб, тадбирда қатнашиш учун келаётганларни қидиришга тушди… Бу билан транспорт қатновида улкан тиқилинч пайдо қилиб, одамларга моддий ва маънавий зарар келтирди, на каттага ва на кичикка риоя қилди… Булар ҳам етмагандек, ҳамма ёқни режимнинг ҳарбийлари ва маскали ходимлари босиб кетди, маскали одамларнинг юриши Рамаллоҳ шаҳрида хавотирли муҳит пайдо қилди, масжид билан Манора атрофи гўё ҳарбий казармага айланиб кетди…
Мана шулардан келиб чиққан ҳолда, Ҳизб айни юришни бекор қилишга қарор қилиб, қуйидагиларни таъкидлайди:
1 –Режимнинг Ислом ва мусулмонларга душманлигини таърифлашга тил ожиз. У яҳуд вужуди ва Ислом душманлари билан биргаликда ҳаракат қилиб, Ислом овозининг кўтарилишига йўл қўймаслик ҳамда асирликдаги Фаластинни босқинчилардан озод қилиш учун армияларга йўлланаётган мурожаатлар уларга етиб бормаслигини олдини олиш учун ҳаракат қиляпти.
2 –Фаластин режими Ислом душманларига шу қадар боғланиб қолганки, бу нарса уни инсонлар ва Фаластин аҳли ҳақ-ҳуқуқини менсимайдиган, аёллару болалар ва ёшу қари ҳақида қайғурмайдиган қилиб қўйди. Бу эса, режим бошига худди Од ва Самуд бошига етган оқибат етишидан, у ҳам Қаззофий, Муборак ва Ибн Али… кабилар тақдирига дучор бўлишидан дарак бермоқда. Бас, энди бу режим Умматнинг ва Фаластиндаги улуғ аҳолининг ғазабини кутаверсин… Росулуллоҳ A
«إِنَّ اللهَ عَزَّ وَجَلَّ يُمْلِي لِلظَّالِمِ، فَإِذَا أَخَذَهُ لَمْ يُفْلِتْهُ»
«Аллоҳ Азза ва Жалла золимга муҳлат бериб қўяди, уни ушлаганда эса, ҳаргиз қочиб қутулолмайди», дедилар ва ушбуни тиловат қилдилар:
﴿وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ﴾
«Роббингиз (аҳли-эгалари) золим бўлган шаҳарларни ушлаганида, мана шундай ушлар. Унинг ушлаши-азоби аламли ва қаттиқдир» [Ҳуд 102]
3 –Юриш қонуний эди. Бироқ режим ғарблик хўжайинлари буйруғига бўйсуниб, ўз қонунини ўзи оёқ ости қилди. Хавфсизлик хизмати этиклари билан бу қонунни депсаб ташлади. У билиб қўйсинки, ўзи оёқ ости қилган қонунини биз ҳам ундан олдин ҳеч иккиланмай оёқ ости қиламиз!
4 –Хуллас, бу режим, биз ҳам қараб турмаслигимизни, яъни даъватни етказишдаги бурчимиз ва ҳуқуқимизнинг бузилишига рози бўлмаслигимизни билиб қўйсин. Уммат бизни Аллоҳ йўлида ҳеч кимдан қўрқмайдиган эр кишилари сифатида танийди ва доим шундай танишда давом этади, эртанги кун эса, уни кутаётган киши учун яқиндир.
﴿وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ﴾
«Золим кимсалар қандай оқибатга қараб кетаётганларини яқинида билиб қолурлар» [Ҳуд 102]
Роя газетасининг 2018 йил 25 апрел чоршанба кунги 179-сонидан
