بسم الله الرحمن الرحيم

Роя газетаси:

Мавритания президенти Муҳаммад Валад Абдулазиз Исломга қарши курашдаги салибчилик кампаниясига қўшилмоқда

Ҳизб ут-Таҳрир марказий матбуот бўлими раиси доктор Усмон Баххош матбуот баёнотида бундай деди:

«Мавритания президенти Муҳаммад Валад Абдулазиз юрт конституциясига ўзининг келаси йилда учинчи муҳлатда ҳам президентликда қолишига рухсат берувчи ўзгартиришлар киритишга замин тайёрламоқда. Шунинг учун экстремизмга (яъни Исломга) қарши кураш, деган ваҳимани дастак қилиб, репрессив зўравон муҳитни пайдо қилишга уриняпти! У ўзининг баёнотида «Динни сиёсийлаштириш, босқинчи яҳудийлар қилмишларидан ҳам ёмон балолар келтирди, Араб давлатларини ҳам сиёсий ислом парчалаган, бундай парчалашни баасчилар ҳам, носирийлар ҳам, коммунистлар ҳам қилолган эмас», дея иддао қилди».

Доктор Баххош яна бундай қўшимча қилади:

«Азбаройи ҳокимиятга ўчлиги сабабли ҳаром нарсаларга қўл уриш ва қон тўкишни ўзига мубоҳ қилиб олган бу Валад Абдулазиз ўзининг мустабид бошқарувини салибчилар томонидан қўллаб-қувватланишини истамоқда. Бу қўллаб-қувватловга эса, Исломга қарши курашиш билан эришмоқчи. Унинг баёнотига шайх Муҳаммадҳасан Даду Нуакшотдаги масжидларнинг бирида ўтган жумада қилган хутбасида раддия билдирди. Шунда Валад Абдулазиз Даду назорат қилувчи Уламолар ташкилоти марказини ёпиб қўйишга буйруқ берди. Ёпиш ҳақида олдиндан огоҳлантирув ҳам тақдим этмай, балки марказ экстремистик фикрлар тарқатмоқда, деган нарсани дастаклади! Шундай қилиб, Валад Абдулазиз ҳам Ислом ва мусулмонларга макр қилаётган салибчилик кампаниясига, Аллоҳ ва Росулига қарши уруш эълон қилаётган тоғут ҳукмдорлар карвонига очиқдан-очиқ қўшилмоқда».

Баёнот сўнггида тоғут Валад Абдулазиз Жаббор Аллоҳнинг ғазабидан огоҳлантирилиб, Мавританиядаги ростгўй мўмин аҳлимиз бундай кимсани тийиб қўйишга чақирилди.

Роя газетасининг 2018 йил 3 октябр чоршанба кунги 202-сонидан