بسم الله الرحمن الرحيم

Ҳалол ва ҳаром амалларимиз ўлчови бўлсин

Ҳар бир инсон ўзи иймон келтирган ақида бўйича амал қилиши оддий ҳол ҳисобланади. Лекин агар инсон ўз эътиқодига зид равишда амал қилса, унда шу эътиқоддаги бошқа инсонлар эмас, ҳатто бошқа эътиқоддаги инсонлар ҳам таажжубга тушади. 

Афсуски, бугунги кундаги мусулмонларнинг кўплари ана шундай таажжубга сабаб бўладиган тарзда ҳаёт кечирмоқда. Шу ўринда табиий савол туғилади, нега айнан мусулмонларнинг аксари шундай бўлиб кетди?!

Ислом шариатининг ҳаётимиздан узоқлашгани айнан амалларимизда ҳис қилинади. Исломнинг ҳаётимизда мавжудлиги ҳам худди шундай. Демак, аввало ақидамизни тушуниб иймон келтирганимиздан кейин шу ақидага мувофиқ амал қилишимиз керак бўлади. Бунинг учун эса, амалларимизга шу ақида талаби бўйича ўлчов белгилаб олишимиз шарт. Йўқса ҳаётдаги амалларимиз, умумий қилиб айтганда, ҳаётимиз ўзимиз эътиқод қиладиган ақидага мос бўлмай қолади.

Ҳаёт тарзини (тўғри ёки нотўғри бўлса-да) шакллантиришга яроқли бўлган ақидаларнинг амаллар учун ўлчови мавжуд. Шу нарсага эътибор қаратилмаса, мусулмон инсон ҳам бошқа ақиданинг амаллар ўлчовига мос равишда амал қилиб яшаш хавфи туғилади. Мисол тариқасида айтишимиз мумкинки, бугунги воқелигимизда кўп учрайдиган фойда ва зарар бўйича амал қиладиган мусулмонлар ўзлари амал қилаётган ўлчовнинг Ислом ақидасига зид эканлигини тушунмайдилар. Фойда ва зарар капиталистик ақиданинг амаллар ўлчови бўлиб, Исломга умуман алоқаси йўқ. Бу каби ҳаётимизга кириб кетган куфрий унсурлар кўплаб топилади. Шунинг учун тезлик билан ақидамизни тушунишга ҳаракат қилайлик ва ақидамизни тушунган ҳолда унга махкам ёпишиб олайлик. Ҳаётимизнинг ҳар бир соҳасига Ислом ақидасидан келиб чиққан тўлиқ ва мукаммал ечимларни татбиқ қилайлик.

Ҳизб ут-Таҳрирнинг Ўзбекистондаги медиа офиси. Абдуллоҳ

11.12.2018