بِسْمِ اللهِ الرَّحْمٰنِ الرَّحِيمِ

Яманда курашаётган икки томон ҳам мустамлакачи хўжайинларининг хизматкоридир

Санъодаги Парламент БМТга мактуб юбориб, унда Адандаги Ҳодий ҳукуматининг «нефть ва газ бўйича шартнома ва битимлар тузиб, одамларнинг бойлик ва потенциалларини сотаётгани»дан шикоят қилди. Бу қилмишлари ҳеч бир қонунга тўғри келмайдиган бемаъни иш ҳисобланишини билдирди. Парламент ушбу нефть шартномалари ва битимлари Конституция қоидаларига мувофиқ ратификация қилиниши кераклигини таъкидлади.

Шунга биноан, Ҳизб ут-Таҳрир – Яман вилояти матбуот бўлими баёнот чиқариб, унда қуйидагиларни маълум қилди:

«Яман аҳли юрт бойликларидан, шу жумладан, нефть ва газдан бир кун ҳам фойдаланган эмаслар. Бунга малай ҳукмдорлар сабабчи. Чунки улар айни бойликлардан келадиган даромадларни ўз чўнтакларига уришяпти ва хорижий компанияларга имтиёзлар яратиб беришмоқда. Бу янги ҳукмдорлар ҳам ёмонлик ва жиноятда аввалги ҳукмдорлардан фарқ қилишмайди».

Баёнотда ушбуларга диққат қаратилди:

«Британия Яман нефтини ўзи истагандек идора қилиб келди, ўзи истаган томонга имтиёзлар берди, истаган томонини ундан маҳрум қилди, Парламент борлик пайтида ҳам, йўқлик пайтида ҳам шундай бўлди. Дарҳақиқат, бугун бу Парламентдан Ҳусийлар фойдаланишяпти, у ердаги депутатлар Санъо ҳукмдорларининг Америка малайига айланишларига кўз юмиб туришибди. Шу боис энди Қизил денгизнинг Шарқий Соҳилида истагандек имтиёзларга эга бўлиш навбати Америкага келди».

Матбуот баёнотида бу ишониб бўлмайдиган сиёсатчиларга мурожаат қилинди:

«Агар ростгўй бўлсангиз, насиҳатни аввало ўзингизга олинг, кейин бировга йўлланг. Бугун Ямандаги курашаётган томонлар ҳар иккиси ўз хўжайинларига хизмат қилишмоқда: бири нефтни Британия иқтисоди фойдасига йўналтириб келган бўлса, иккинчиси Америка иқтисоди фойдасига йўналтирмоқчи!».

«Собиқ ҳукмдорлар ҳам, бугунги ҳукмдорлар ҳам иқтисод ва бошқа соҳаларда ҳаётий ишларни идора қилиш учун капиталистик тузумни қабул қилишган. Улар нефть ва газнинг Исломдаги ҳукмини билишмайди, билишни ҳам исташмайди. Нефть ва газ омма мулкидир, давлат улардан истаганидек тасарруф қилиши жоиз эмас. Балки давлат нефть ва газнинг шаръий аҳкомларга мувофиқ одамларга етиб боришини назорат қилади ва бу Пайғамбарлик минҳожи асосидаги рошид Халифалик давлати соясида бўлади.

Роя газетасининг 2020 йил 22 июл чоршанба кунги 295-сонидан