بِسْمِ اللهِ الرَّحْمٰنِ الرَّحِيم

Ақл ва Ҳаёт

34

Мабдага эътибор қаратиш, уни ўрганиш ва тушуниш давлат тўғрисидаги тасаввурни аниқ ва ёрқин тарзда шаклланишига омил бўлиб хизмат қилади. Афсуски, бугунги кунда мусулмонлар давлат тўғрисидаги тасаввурлардан шунчалик узоқлашиб кетишдики, Исломий давлатни тушунишдан йироқлашиб, ҳатто бугунги кунда устиларида сиёсат олиб бораётган давлатлар тўғрисида ҳам тўла тушунчага эга эмаслар. Бу эса, уларнинг нафақат ташқи давлатлар иш бошқарувини ёки халқаро сиёсатни тушунмасликларига, балки ўз давлатлари иш бошқарувини ҳам тушунмаётганликларига сабаб бўлмоқда. Бунинг натижасида эса, мустамлакачи кофирларнинг мусулмонлар яшайдиган минтақалар устидан ўрнатган мустамлакачилик сиёсати мустаҳкамланмоқда.

Бундай ҳолат албатта ботил фикрлар бизнинг ҳаётимизга кириб келиб, сингдирилиши билан содир бўлди. Мисол учун кофирларнинг дин ҳаётдан ажратилиши керак, деган фикрлари асосида, дин давлатга аралашмасин ёки дин бошқа, сиёсат бошқа қабилидаги фикрлар мусулмонлар тилидан янграмоқда. Афсуски, бундай фикрларни уламолар минбаридан эшитилиши энг ачинарли ҳолатдир. Бу ҳолат, албатта мабда тушунчаси йўқлигидан содир этилди. Чунки мабда нима эканлигини ўрганмоқчи бўлган инсон унинг учта эканлигини, улар капиталистик, социалистик ва Ислом мабдаси эканлигини билади. Яъни мусулмонлар давлатлар томонидан тўлиқ татбиқ қилинганлигига гувоҳ бўлган социализм ва бугунги кунда ҳам татбиқи воқеликда кўриниб турган капитализм каби Ислом ҳам ўз тузумига эга бўлган мабда эканлигини, ваҳоланки бу мабда бошқаларидан кўра тўғри ечимларга эгалиги ва айнан адолатлилиги билан ажралиб туришини англаб етадилар.

Исломнинг ўз тузумига эга бўлган мабда эканлигини инкор этувчилар, яъни Ислом давлат томонидан татбиқ қилинишга яроқсиз ёки бу дин татбиқи жамиятни орқага қайтишига сабаб бўлади, деб даъво қилувчилар ўзлари билган ёки билмаган ҳолда бу фикрлари билан кофирларга хизмат қилмоқдалар. Аллоҳ ҳар қандай ҳолатда ҳам улардек бўлишдан Ўзи сақласин.

Буюк юкни Аллоҳ учун елкаларига олган даъватчи биродарларимиз, аввало, ўзлари мабда борасидаги етук тушунчаларга эга бўлиб, бошқа мусулмонларга ҳам бу тушунчаларни етказмоқлари вожибдир.

Ҳизб ут-Таҳрирнинг Ўзбекистондаги медиа офиси. Абдуллоҳ

18.03.2019й.