Муҳим ҳисобланмаган муҳим гаплар, дили бошқа тили бошқа

بِسْمِ اللهِ الرَّحْمٰنِ الرَّحِيم

Бир вақтлар эшитгандим, куч органларига қарашли махфий фаолият олиб борадиган ходимларга қалбда кулиб турган бўлса ҳам юзи йиғлай олишини, қалбда йиғлаб турганда ҳам юзи кула олишини ўргатишар экан. Бу ҳолат яширин фаолият олиб борадиган ходимга керак бўлиши ҳаммамизга маълум, лекин бугунги кунда оддий одамларда ҳам шундай «талантлар» мавжуд бўлиб қолганлигини қандай тушуниш мумкин?

Жамиятимиздаги инсонлар саноқли инсонлар билангина қалбда қандай бўлсалар шундай очиқча суҳбат қуришади. Аксар ҳолатда  эса, қалбни яшириб, аслий ўзлигини беркитиб муомала қиладилар. Бу ҳолат ҳатто динга муносабатда ўз таъсирини кўрсатмай қолмади. Яъни манфаати бўлган вақтда ўзини Исломга амал қилувчи инсон сифатида кўрсатади, куфр амалларни бажаришдан манфаат бўлганда эса, куфр амални қилади. Бу сифат каттаю кичикда шаклланди.

Аввало, бу сифат жамиятда хатардан қочиш борасида оммалашган бўлса, бора-бора ҳар бир амалга аралашадиган сифатга айланди. Шунинг учун ҳар бир инсонда бошқасига нисбатан шубҳа, ёмон гумон кучайди. Жамиятда бошқа инсон, оилада бошқа бўлиш каби иллатга эга бўлган инсонлар кўпайди. Ўз шахсиятини яшириш учун ёки савдода фойда кўриш учун ёлғон ишлатиш оддий ҳолга айланди. Хуллас бундай ҳолатни акс эттирган иллатларни санаб тугатиб бўлмайди. Хўш, бу сифат қаердан пайдо бўлди?

Капиталистик нуқтаи назарда эътибор фақат моддий манфаатгагина қаратилади. Бошқа жиҳатлар эътиборга олинмайди. Мисол учун, жамият асосланиши керак бўлган қийматлар омили мавжуд. Унга кўра, жамиятда қачонки тўрт қиймат, яъни руҳий, инсоний, ахлоқий, моддий қийматлар бир вақтда рўёбга чиқсагина фаровонликка эришилади. Фақат моддий жиҳатгагина эътибор қаратиб, қолган қийматларга эътиборсизлик қилиниши бу жамиятни ахлоқсиз, инсонийлигини йўқотган, руҳий жиҳатдан бебаҳра жамиятга айлантиради. Худди бугунги кундаги жамиятлардаги сингари.

Бу борада асл тартиботни мукаммал тарзда жорий қилиш Исломда мавжуд. Яъни Ислом жамиятда бу тўрт қийматнинг рўёбига катта эътибор қаратади ва жамиятда фаровонлик бўлишини кафолатлайди.

Ҳизб ут-Таҳрирнинг Ўзбекистондаги медиа офиси. Абдуллоҳ

04.08.2019й