Жиддийликка жиддийлик билан жавоб берилади, қоралаш ва норозилик билан эмас!

Туркия, Миср, Саудия Арабистони, Қатар, БАА, Иордания, Индонезия ва Покистон ташқи ишлар вазирлари қўшма баёнотда фаластинликларни Ғазодан кўчиришга қаратилган ҳар қандай уринишни рад этишларини таъкидладилар. Шунингдек, улар яҳудий вужудининг «миллий хавфсизлик вазири» деб аталмиш Бен-Гвир ва ҳарбий вазири Катснинг аҳолини мажбуран кўчириш ҳақидаги баёнотларини «энг кескин шаклда» қораладилар.

Одатдагидек, масала мусулмонлар манфаатларига дахл қилганда ёзилган сиёҳига ҳам арзимай қоладиган халқаро ташкилотлар ва расмий қонунларга ҳавола қилиш билан чекланиб, улар мазкур ғаламисона баёнот ва таклифларни халқаро ҳуқуқ, жумладан, халқаро гуманитар ҳуқуқ тамойилларининг очиқ-ойдин бузилиши ҳамда Фаластин халқининг қонуний ва ажралмас ҳуқуқларига бевосита таҳдид деб баҳоладилар.

Аллоҳнинг душмани Бен-Гвир 1,86 миллион нафар Ғазо аҳолисини етти йил давомида кўчиришга асосланган, этник тозалаш режаси тайёр ва амалга оширишга шай тургани ҳақида гапирган бир пайтда, бу иш учун масъул бўладиган вазирлик ташкил этилишини айтди. Катс эса бундай режа мавжудлигини тан олди, бироқ унинг вақтинча тўхтатиб турилганини билдирди. Унинг айтишича, бунга араб давлатларининг Америка президенти Трампга ўтказган босими ва унга тақдим этган инвестиция таклифлари сабаб бўлган.

Буларнинг барчасига қарамай, саккизта исломий юртнинг ташқи ишлар вазирлари қоралаш ва норозилик билдириш билан чекланмоқда. Улар яҳудий вужудининг жиддийлигига, тайёрланган ва амалга оширишга шай турган режаларига — бу режалар унинг жойлардаги кундалик тажовузкор чора-тадбирлари ва амалиёти билан тасдиқланаётган бўлса-да — қуруқ қоралаш ва норозилик иборалари билан жавоб бермоқда. Бу эса уларнинг жиддийликдан мутлақо маҳрум эканини фош қилиб, мусулмонларнинг кўзига кул сочиш сиёсатини давом эттираётганини кўрсатмоқда!

Шу муносабат билан Ҳизб ут-Таҳрирнинг Марказий матбуот бўлими томонидан тарқатилган матбуот баёнотида шундай дейилади:

«Яҳудийларнинг Фаластиндаги халқимизга нисбатан тажовузи ва ваҳшийлиги кундалик манзарага айланиб қолди: суиқасдлар, портлашлар, ҳибслар, босқинлар, аҳоли турар жойларига тажовузлар, янги мустамлакаларни кенгайтириш ва яна кўпроқ мустамлакалар барпо этиш. Бу билан бир вақтда Ғарбий Соҳилнинг бўлакларга ажратилиши ва у ердаги аҳолига, ҳатто кундалик ризқ-рўзини топиши ва тирикчилигигача босим ўтказилиши давом этмоқда. Натижада уларнинг ҳаёти дўзахга айлантирилди. Буларнинг барчасидан мақсад — уларни кўчиб кетишга мажбурлашдир. Шу тариқа Аллоҳнинг душманлари бўлган яҳудийларнинг «агар Фаластиндан ташқарида уларни қабул қиладиган жой топилса, Фаластин аҳолисининг 80 фоизи кетишга тайёр» деган даъвоси ростдек кўриниш олмоқда».

Баёнотда яна шундай дейилади:

«Барча бу тажовуз, режалаштириш ва амалга оширишларга қарши мусулмонлар ҳукмдорларидан йиғилишлар, қоралов ва норозилик баёнотларидан бошқа нарсани кўрмаяпмиз. Улар яна масалани Бирлашган Миллатлар Ташкилоти уясига ва халқаро қонунларга қайтармоқдалар. Ҳолбуки, улар мустамлакачилик ва буюк давлатларнинг доимий таянчи бўлиб келган ва ҳануз шундай бўлиб қолмоқда!»

Матбуот баёнотида таъкидланишича:

«Фаластин аҳлига ёрдам бериш, уларни мажбуран кўчиришга бўлган уринишларни тўхтатиш ва бутун Фаластинни озод қилиш — агар саккиз давлат ёки улардан айримлари, ҳатто улардан биттаси ҳам бу ишга азм қилса, осон ва имконли ишдир. Ҳукмдорлар яҳудийларга қарши жангга чиқишдан тўсиб турган мусулмон қўшинлари эса бу ишни талаб қилиш, унинг масъулиятини ўз зиммасига олиш ва уни амалга оширишга қодир кучдир. Уммат эса бу ҳақиқатни англаб, кўра бошлади ва ҳукмдорларнинг саҳналаштирилган томошалари ҳамда заиф позициялари энди уни алдай олмайди.»

Баёнот сўнгида қуйидагилар баён қилинди:

«Ҳукмдорлар Аллоҳнинг хитоби ва Фаластин аҳлининг ёрдам сўраб қилган фарёдини эшитишдан қулоқларини беркитган экан, энди ягона йўл — Уммат қўшинларидаги холис кишилар Ҳизб ут-Таҳрирга нусрат бериб, Рошид Халифаликни барпо этишидир. Зеро, айнан у мусулмонларни бирлаштиради ва Фаластинни озод қилади.»

Аллоҳ таоло айтади:

﴿وَمَا لَكُمْ لَا تُقَاتِلُونَ فِي سَبِيلِ اللَّهِ وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيّاً وَاجْعَل لَّنَا مِن لَّدُنكَ نَصِيراً﴾

«Сизларга нима бўлдики, Аллоҳ йўлида ва: “Эй Роббимиз! Бизларни аҳолиси золим бўлган ушбу шаҳардан чиқаргин, бизларга Ўз ҳузурингдан бир валий бергин ва бизларга Ўз ҳузурингдан бир ёрдамчи бергин”, деб айтаётган заифҳол эркаклар, аёллар ва болалар йўлида жанг қилмаяпсизлар?» (Нисо сураси, 75-оят).

Роя газетасининг 2026 йил 23 сентябр чоршанба кунги 618-сонидан