بسم الله الرحمن الرحيم

Роя газетаси:

Ҳизб ут­-Таҳрир марказий матбуот бўлими «Асирликдаги Жаннат Беспаловани қўллаб-қувватлаш» номли кампания бошлади

Рус режимининг мусулмонларга қарши содир этаётган даҳшатли жиноятлари манзарасида юзлаб мусулмонлар Ҳизб ут­-Таҳрир сафида фаолият қилганлари туфайли турмаларда ётибди. Уларга 2003 йилда Россия Федерацияси олий суди томонидан чиқарилган шармандали қарор асосида «терроризм» айблови ёпиштирилган. Ҳизб ут­-Таҳрир ҳам ушбу қарорга асосан «террорчи» ташкилотлар рўйхатига киритилган бўлиб, бундай ҳолат ҳеч қайси бир давлатда кузатилмаган. Мана шундан бери, сиёсий фаолият билан шуғулланиб келган исломий бир партия салибчи Россия режими наздида «террорчи» партияга айланди! Унинг аъзоларига қарши Россия қонунлари кучайтирилиши натижасида, айбловлар конституциянинг «фундаментал» қонунлари асосида эмас, балки «терроризм» қонунларига асосан қўйиладиган ва Ҳизб аъзолари йигирма йилга қадар узоқ муддатли жазоларга ҳукм этиладиган бўлди!

Бу «қонун»ни татбиқ этиш – Россиянинг барча минтақасида, шу жумладан, Санкт­Петербург шаҳрида ҳам очиқдан­очиқ репрессияга олиб келди. Масалан, ўтган яқин йилларнинг ўзида шаҳарда даъватни етказаётган мусулмонлардан ўнлаби қамоққа ташланди. 2017 йил 24 ноябрда федерал хавфсизлик хизмати 12 йил муддатга ҳукм этилган ва ҳозирда қамоқда бўлган Ҳизб ут-­Таҳрир аъзоси Исо Раҳимовнинг рафиқасини ҳам ҳибсга олди. Асл миллати рус бўлган, Аллоҳнинг инояти билан Исломни қабул қилган ва Алла исмини Жаннат Беспаловага ўзгартирган бу синглимизнинг ҳибсга олинишига унинг Ҳизб ут­Таҳрир сафида фаолият олиб боргани сабаб бўлди. 2018 йил январда синглимизнинг ҳибсда сақлаш муддатини яна икки ойга узайтиришди, яъни у жинояткорлар турмасида жорий йилнинг 16 мартига қадар­судгача қоладиган бўлди. Аллоҳ Таоло айтади:

﴿قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ قَدْ بَيَّنَّا لَكُمُ الآيَاتِ إِنْ كُنْتُمْ تَعْقِلُونَ﴾

«Уларнинг сизларни ёмон кўришлари оғизларидан ошкор бўлди. Дилларидаги адоватлари эса янада каттароқдир. Агар ақл юргизсангизлар сизлар учун оят-аломатларни аниқ-равшан қилиб бердик»      [Оли Имрон 118]

Шулардан келиб чиқиб, Ҳизб ут­-Таҳрир марказий матбуот бўлими ҳижрий 1439 йил 15 жумодус­соний, милодий 2018 йил 3 мартдан «Асирликдаги Жаннат Беспаловани қўллаб-қувватлаш» номли халқаро кампания бошлади. Жиноятчи рус режимининг заифа муслималарга қарши бундай хатти­ҳаракатларига жавобан бошланган айни кампания, Пайғамбарлик минҳожи асосидаги рошид Халифалик давлатини барпо этиш учун Ҳизб ут-­Таҳрир сафида жиддий фаолият олиб бориш билан амалга оширилади.

Эй мусулмонлар!

Биз сизни ушбу давлатни барпо этишда Ҳизб ут­-Таҳрир билан бирга Росулуллоҳ A тариқатлари бўйича ҳаракат қилишга даъват қиламиз. Бугун Аллоҳ Субҳанаҳу ва Таолонинг ризосига эришмоқнинг ягона йўли мана шу. Зотан, Ислом билан бошқармоқ мусулмонларни куфр қонунлари ва золим режимлар ёвузлигидан қутқариб, уларнинг қалбига ором баҳш этади. Аллоҳ Таоло айтади:

﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ﴾

«Эй мўминлар, Аллоҳ ва Росули сизларни абадий ҳаёт берадиган нарсага даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар»         [Анфол 24]

Аллоҳим, биз Сендан ёрдам сўраймиз, синглимиз Жаннатга, унинг турмуш ўртоғига ва тоғут зиндонларида ётган асирликдаги барча мусулмонларга ҳамда исломий даъватни етказганлари сабабли қувғинга учраган мусулмонларга Ўзинг ғамхўрлик қил. Аллоҳим, биз Сендан Ўзингнинг ёрдаминг билан биз мусулмонлар қайта ер юзида исломий бошқарувга эришадиган ва ушбу улуғ Уммат фарзандларига адоват қилган ҳар бир кимсани жазога тортадиган кунни тезроқ ато этишингни сўраймиз. Аллоҳим, дуоимизни ижобат айла, омин.

Роя газетасининг 2018 йил 14 март чоршанба кунги 173-сонидан