Қозоғистон ва яҳудий вужуди ўртасидаги визасиз режим: «Иброҳим келишувлари»нинг Марказий Осиёга ёйилиши ва Американинг стратегик тузоғи

بِسْمِ اللهِ الرَّحْمٰنِ الرَّحِيمِ

Остона ва Тель-Авив ўртасида 2027 йил бошидан эътиборан визасиз режимни жорий этиш ва тўғридан-тўғри авиақатновларни қайта тиклаш бўйича олиб борилаётган якуний музокаралар шунчаки икки томонлама туризм ёки савдо алоқаларини ривожлантиришга қаратилган техник қадам эмас. Ғазо, Ғарбий Соҳил – Муборак замин Фаластинда қирғинбарот жиноятлар, ерларни очиқчасига тортиб олиш ва аннексия сиёсати ҳамон авжида бўлиб турган бир шароитда, мусулмон юрт бўлмиш Қозоғистоннинг бундай қадам ташлаши АҚШ томонидан  режалаштирилган стратегик тузоқнинг Марказий Осиё минтақасига кириб борганини кўрсатади.

​Ушбу ҳодисанинг асл сиёсий илдизлари ва мақсадларини очиб берувчи муҳим геосиёсий омиллар мавжуд.

​1. «Иброҳим келишувлари»нинг мусулмон заминларига ёйилиши

​Қозоғистоннинг 2025 йил ноябрь ойида «Иброҳим келишувлари»га расман қўшилганини эълон қилиши ва унинг ортидан 2026 йил январида (исроил) ташқи ишлар вазири Гидеон Саар билан визаларни бекор қилиш тўғрисида меморандум имзоланиши — Вашингтоннинг узоқ муддатли стратегик режасининг узвий қисмидир.

​АҚШ президенти Дональд Трамп Яқин Шарқ ва унга туташ барча мусулмон юртларидан ушбу келишувларга қўшилишни очиқ талаб қилиб келмоқда. Бундан кўзланган асосий мақсадлардан бири — яҳудий вужудига қарши бўлган умумий исломий позицияни парчалашдир.

​2. «Иброҳимий федерация» ва минтақавий интеграция лойиҳаси

​Америкалик стратегик доиралар томонидан илгари сурилган «Иброҳимий федерация»  концепцияси яҳудий вужудини Яқин Шарқ ва қўшни минтақаларнинг мудофаа, савдо, логистика ва энергетика марказига айлантиришни кўзда тутади. Бу лойиҳа назариётчилари ва бош меъморлари очиқ таъкидлаганидек, мақсад — давлатлар ўртасидаги чегараларни рамзий маънода «очиш», одамлар ва капиталнинг тўсиқсиз ҳаракатини таъминлаш ниқоби остида яҳудий вужудининг ҳарбий, сиёсий ва иқтисодий гегемонлигини қонунийлаштиришдир.

​Туркия, Форс кўрфази давлатлари ва Покистонни ягона хавфсизлик ва иқтисодий тизимга туташтириш режаларига параллел равишда ушбу режа Марказий Осиё заминига ҳам кириб келмоқда. Қозоғистон билан визасиз режим ўрнатилиши ва ҳаво йўлларининг очилиши сионистик капитал, разведка тизимлари ва трансмиллий ширкатларининг минтақа табиий бойликлари, транзит йўлаклари ва стратегик бозорларига тўғридан-тўғри кириб келишига шароит яратади.

​Бу каби визасиз режимлар, сайёҳлик йўлаклари (масалан, «Иброҳимий йўл» ташаббуси) ва турли маданий-гуманитар яқинлашув дастурлари жамоатчилик онгини қайта шакллантириш ҳамда муносабатларни «нормаллаштириш»нинг энг хавфли қуроллари ҳисобланади. Уларнинг асл мақсади:

• ​Мусулмон халқлар онгида яҳудий вужуди босқинчи ва энг адоватли душман эмас, балки «оддий қўшни», «ҳамкор» ва «сайёҳ» деган хатарли, ботил тушунчани шакллантириш;
• ​Фаластин ва Муборак Масжидул Ақсо даъвосига нисбатан Уммат қалбидаги шаръий бурч ва масъулият туйғуларини совитиш;
• ​«Муштарак мерос» ва динлараро толерантлик шиорлари остида исломий ақидага зид бўлган сунъий «Иброҳимийлик» фикрига жамиятларни босқичма-босқич кўниктириш.

​Қозоғистон расмийларининг яҳудий вужуди учун чегараларни очиш ва авиарейсларни тиклашга шошилаётгани — миллий манфаат ёки иқтисодий ривожланиш эмас, балки АҚШ манфаатлари ва сионистик лойиҳага хизмат қилувчи улкан сиёсий хиёнатдир.

​Дунё бўйлаб инсонлар босқинчи яҳудий вужудининг Ғазо ва Шом заминидаги ваҳшийликларидан нафратланиб турган бир пайтда, мусулмон юртининг бу жиноятчи, қотил вужуд билан муносабатларни нормаллаштириши қабул қилиб бўлмас ҳолатдир. Мусулмонлар бундай хавфли қадамлар шунчаки дипломатик битим эмас, балки Ислом Умматининг мавжудлигига қарши қаратилган тузоқ эканини англаб етишлари ҳамда бунга қарши онгли равишда сиёсий раддия беришлари шарт. Зеро, Аллоҳ таоло айтади:

لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُوا الْيَهُودَ وَالَّذِينَ أَشْرَكُوا ۖ

– “Аниқки, иймон келтирганларга нисбатан одамлар ичида энг қаттиқ адоват қилувчилар яҳудийлар ва мушриклар эканини кўрасиз…”  (Моида:82)

Иззатуллоҳ

21.09.2026й