Аллоҳнинг розилигига эришиш нақадар буюк бахт!
Аллоҳнинг розилигига эришиш нақадар буюк бахт!
بِسْمِ اللهِ الرَّحْمٰنِ الرَّحِيم
Аллоҳ Ўз махлуқотлари ичида инсониятни мукаррам, нодир ҳамда энг чиройли хилқатда яратди. Аллоҳ Таоло Ўз каломида шундай дейди:
لَقَدْ خَلَقْنَا الْإِنسَانَ فِي أَحْسَنِ تَقْوِيمٍ
– “Батаҳқиқ, Биз инсонни энг яхши суратда яратдик”. (Тин:4)
Ушбу яратиш билан биргаликда инсониятга бахт нима, бахтсизлик нима эканлигини кўрсатиб, икки йўлни очиқ баён қилди. Ўзи кўрсатган манҳаж асосида ҳаёт кечирганлардан рози бўлиб, абадий ҳаётда жаннатга мушарраф бўлишини, акс ҳолда азобга йўлиқишини баён қилди. Аллоҳ Таоло айтади:
إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلاً
– “Албатта, иймон келтирган ва яхши амалларни қилганларга Фирдавс жаннати манзил бўлгандир”. (Каҳф:107).
Ушбу бахтга эришиш умидида аждодларимиз тинимсиз меҳнат қилдилар. Ҳаётнинг ҳар қандай оғирликларига бардош бериб, гарданларидаги Аллоҳнинг омонатларини биз келажак авлодларга етказиш борасида бор имкониятларини сарф этишди. Юртларидан қувилиб, ҳибс қилиниб, маломатларга бардош бердилар.
Ушбу қийинчиликлар уларни дин йўлидаги фаолиятларини ортга сура олмади. Аксинча, журъат, шижоатларини кучайтирди. Бу машаққатларни енгиб ўтишда қувват берган нарса, Роббиларининг розилиги бўлиб, шу танлаган йўлларида сўнгги нафасларигача сабот билан турдилар. Аллоҳ Субҳанаҳудан сизу биз бугунги авлод вакилларига ҳам ўзимиз танлаган йўлимизда, шундай журъат, шижоат берсинки, буюк Роббимизнинг розилигини қўлга киритиб, Унинг ҳузурига ёруғ юз билан рўбарў бўлайлик.
Ҳизб ут—Таҳрирнинг Ўзбекистондаги медиа офиси. Зайниддин
05.01.2020й
