بِسْمِ اللهِ الرَّحْمٰنِ الرَّحِيمِ

Франциянинг Тунисга кирганлиги босқинчилик ҳисобланмаса, у ҳолда бу нима?!

Президент Қайс Саид «Франс 24» телеканали билан ўтказган мулоқоти чоғида «Франция Тунисни мустамлака қилган вақтдаги жиноятлари учун узр сўраши мумкинми?», деган саволга «французларда ким узр сўраса, ўзига зиён етказади, деган мақол бор», деб жавоб қилди. Сўнг «У пайтда Тунис Франциянинг мудофааси тизими остида бўлган, Жазоирда бўлганидек бевосита босқинчилик остида бўлмаган», дея қўшимча қилди. «Узр сўрашдан кўра молиявий компенсация тўлаш ёки юртимизга лойиҳалар юбориш афзалдир», деди. Президентнинг фикрича, Тунис парламенти Франция томонидан узр сўралишини ўринсиз, деб билди, чунки бу иш 60 йил муқаддам бўлган.

Бунга нисбатан Ҳизб ут-Таҳрир – Тунис вилояти матбуот бўлими президентнинг бу баёнотини қаттиқ қоралаб, бундай саволларни ўртага ташлади:

«Президент жаноблари билмасмикин, ахир, 1881 йил Муҳаммад Содиқбой Франция армиясининг таҳдиди остида «ҳимоя шартномаси»га имзо чекишга мажбур бўлган ва ўшанда бу армия аввал Жазоирни босиб олиб, сўнг Тунисга бостириб кирган, бу имзо сабабли юртимиз ўз мустақиллигидан жудо бўлиб, Франция олий комиссари юртнинг амалдаги ҳукмдорига айланган-ку?! Шаҳидларимиз қонини, аёлларимиз номусини ва аждодларимиз бошдан кечирган жабру зулмлар ўрнини компенсация боса оладими?! Ҳақ-ҳуқуқлар шу тарзда тикланадими?!».

Матбуот баёноти сўнггида бундай дейилди:

«Шубҳасиз, Тунис президентининг бундай баёноти тарихда шармандали сатр бўлиб қолади ва ҳаргиз ўчмайди, унинг ўчиши учун эса, Тунис Халифалик давлатининг марказий нуқтасига айланиши даркор. Халифалик давлати армияси эса, босқинчиларнинг чиқиб кетишларини ҳам, узр сўрашларини ҳам асло қабул қилмайди ва уларни ўз инлари Парижгача қувиб бориб, шайтон васвасасига солиб қўяди. Бу пайғамбарлик минҳожи асосидаги рошид Халифалик замонида – Аллоҳнинг изни ила – албатта бўлажак, биз бошқа мусулмон юртларимиздаги рувайбиза ҳукмдорлар харобалари узра ушбу давлатимизни – Аллоҳнинг изни ила – албатта барпо этажакмиз».

Роя газетасининг 2020 йил 8 июл чоршанба кунги 294-сонидан