Шарқий Туркистонда мусулмон бўлиш нимани англатади?!
بِسْمِ اللهِ الرَّحْمٰنِ الرَّحِيمِ
Шарқий Туркистонда мусулмон бўлиш нимани англатади?!
Устоз Осиё хоним
Тупроғи мазлум мусулмонларнинг кўз-ёшлари ва покиза қонлари билан суғорилган бир ўлка. Номи айтилиши биланоқ кўз олдингизга репрессия, қийноқлар, қатл ва қирғинлар келадиган бир юрт. Хитой режими «маданиятлаштириш ва қайта таълим бериш» ниқоби остида мусулмон аҳолига қарши энг даҳшатли жиноятларни содир этаётган, батамом қамоқ лагерига айланган бир юрт. Бу қамоққа олиш ва таҳдид қилишлар тўхтайдиган ва асло тугамаётган, шу қамаш ва таҳдидларсиз одамлар гўё яшай олмайдиган, гўё улар учун бу нарсалар ҳаво ва емиш каби зарурий эҳтиёжга айлантирилган бир ўлка. Қачон сизга коммунист милиция келиб, ҳибсга олиб, қамоққа ташлашини билмайсиз… Бу қайси юрт бўлди?! Таниган бўлсангиз керак?! Шубҳасиз, бу золим Хитой давлати босиб олган, мусулмонлар юрти – Шарқий Туркистондир.
Шунча зулмлар қандай содир бўлиши мумкинлигини инсон тасаввурига сиғдира олмаса керак?! У ерда инсон қандай яшаши мумкин?! Ҳақиқатдан ҳам, Шарқий Туркистонда яшаш бир даҳшатдирки, уни тушингизда кўришга ҳам қўрқасиз. Бироқ миллионлаб уйғур мусулмонлар мана шундай оғир зулм остида яшаб келмоқдалар.
Шарқий Туркистондаги мусулмон ҳаёти ўлим билан баробар. Сиз мусулмонмисиз, тамом, динингизни ҳатто қалбингизда ҳам сақлай олмайсиз. Чунки коммунистик режим «дин афюндир, у террорист етиштириб чиқаради», деган даъво билан Исломга очиқ уруш эълон қилмоқда. Шу асосда бу худосиз ҳукумат Қуръонларни ёқиб юборди, масжидларни бузиб, дискотекаларга айлантирди ва Исломнинг ҳар қандай кўринишини тақиқлади. У Исломга қарши курашиш учун ҳар қандай услубни қўллаяпти… Мусулмонларни нафақат масжидларда, ҳатто уйларида ҳам намоз ўқишдан маҳрум қиляпти… Бир-бирлари билан учрашганда исломий салом (ассалому алайкум)ни қўллашни ман қилди. Рамазон ойида рўза тутишни тақиқлаб, мусулмонларни кундузда режим расмийлари кўз олдида еб ичишга мажбурламоқда. Бундан бош тортганларни «террорист» айблови билан қамамоқда. Қамоқ лагерларида эса, мусулмон маҳбусларни турли услуб ва воситалар билан тинимсиз ваҳшиёна қийноқларга солмоқда. Ҳатто сиз ушбу мақолани ўқиётган пайтингизда ҳам уйғур мусулмонлари даҳшатли қийноқларни бошдан кечирмоқдалар.
Қамоқ лагерларидан ташқаридаги мусулмонлар аҳволи ҳам ичкаридагилардан енгил эмас. Чунки уларнинг барчаси мажбурий меҳнатга жалб қилинган. Масалан, йирик заводларда ёки плантацияларда арзимаган пулга ёки мутлақо текинга қулдек ишлатилмоқда. Таълим борасида мусулмонлар коммунистик назарияни ўқишга мажбурланмоқдалар… Кўчаларда ҳар эллик метрда кузатув камераси, ҳар уч юз метрда шахсни танитувчи ҳужжат текшириш пунктлари ўрнатилган… Мусулмонлар ўз уйларига киришдан олдин ҳам, чиққан пайтда ҳам тинтув қилинади.
Муслима аёллар аҳволига келсак, ҳаммасидан оғир. Чунки ҳар қандай вақтда Хитой режими истаган вақтда муслималарни ҳам қамоққа олади ва «эътиқодни тўғрилаш», иддаоси билан лагерларга жўнатади… У ерда муслималарни ҳам қийноққа тутиб, ҳатто номусларига жамоий тажовуз қилади. Ҳомиладорликни олдини олиш ва пуштсиз қилиш учун уларга таблетка ва вакциналарни мажбуран истеъмол қилдиради, эркаклар олдида авратларини кўрсатишга мажбурлайди. Лагер ташқарисида ҳукумат муслималарга рўмол ўрашни тақиқлайди, узун либос кийган бўлсалар, кўрган пайтдаёқ қирқиб ташлайди. Ҳукумат эрларини қамоққа олгандан сўнг уларнинг хонадонига хитойлик эркакларни жойлаб, бутун қамоқ муддати бўйи улар орқали аёлларни назорат қилиб туради.
Ҳа, булар ёлғон ҳам, тўқима ҳам, хаёл ёки тарихий афсона ҳам эмас. Йўқ, балки булар бизнинг мана шу асримизда, яъни, Ғарб хотин-қизлар ҳуқуқларини ҳимоя қилишини даъво қилаётган замонда энг кўп содир бўлаётган жиноятлардир. Бу уйғур муслималар учун асосий ҳуқуқларини топиб берса бўладими?!
Шарқий Туркистондаги мусулмон болалар аҳволи ҳам жуда оғриқлидир. Уларни аччиқ тақдир кутмоқда. Чунки улар тирик етимга айланганлар… Ота-она парвариши ва меҳридан маҳрум бўлганлар. Кимнинг ҳам қалби бундай аҳволни кўтара олсин?! Улар ҳам болалар уйида ҳибс қилиниб, давлат томонидан «хитойлаштирилмоқдалар». Бошқача ибора билан айтганда, Ислом динининг душманлари қилиб етиштириш учун, ўз динлари ва миллатлари маданиятини танимайдиган коммунистик руҳда тарбияланмоқдалар… Хитой режимига унинг Ислом ва мусулмонларга қарши жиноятларида ёрдам берувчи қулларга айлантирилмоқдалар.
Юқорида айтганимдек, бу эртак ҳам, тарихий афсона ҳам эмас. Балки бу собир уйғур мужоҳидларининг муборак юртида ва бутун мусулмонларнинг ҳукмдорлари сукути остида содир бўлаётган реал ҳодисалардир. Дарҳақиқат, ушбу юрт мусулмонлари тортаётган зулмлар ҳар қандай инсоний чегарадан ошиб кетди, тасаввур қилиб бўлмас даражага етди. Бас, бу азоб-уқубатлар қачон тугайди?! Ким тугатади?! Ким золим Хитойдан ўч олади?! Анави БМТми, ҳолбуки, у мусулмонларга қарши геноцидни кўра-била туриб, «айни вазиятдан хавотирда эканини изҳор қилиш» билан кифояланди-ку?! Наҳотки, мусулмонлар шу ташкилотдан бирор ёрдам кутсалар, ахир, йирик жиноятчи давлатларни қўллаб-қувватлаб, сукут қилиш билан уларнинг зулмларига ёрдам бераётган, махфий кўмак кўрсатаётган мана шу ташкилот-ку?! Буларнинг барчаси мусулмонлар ҳукмдорларининг кўр, кар, соқов, ақллари ишламас хоин эканликларини кўрсатиб турибди! Фақат ўзларининг курсиларидан бошқа ташвишни билмасликларини ҳамда Хитойнинг мусулмонларга қарши жиноятларини ҳимоя қилганда ҳеч бир ориятни сезмасликларини кўрсатди!
Мусулмонларнинг азоб-уқубатига чек қўядиган ҳам, жиноятчи кофирлар зўравонлигидан уларни ҳимоя қилиб, динларига амал қилиш ва ибодатларини адо этиш имкониятини яратиб берадиган ҳам Халифаликдир. Росулуллоҳ ﷺ хабар берганларидек, имом-халифа қалқондир, унинг ортида туриб жанг қилинади ва у билан ҳимояланилади. Яъни, халифа мусулмонларни золимлар ёмонлигидан мудофаа қилади. Шундай бўлгач, мусулмонлар ушбу ҳақиқатни қачон тушуниб етиб, Ҳизб ут-Таҳрир билан биргаликда Пайғамбарлик минҳожи асосидаги иккинчи рошид Халифаликни барпо этиш учун ҳаракат қиладилар?! Ахир, Халифалик Аллоҳ Таолонинг ваъдаси бўлса… Аллоҳ ўз ваъдасига ҳаргиз хилоф қилмас.
Роя газетасининг 2021 йил 19 май чоршанба кунги 339-сонидан
