Ротшилдларнинг «Rothschild&Co» компанияси таклиф қилаётган капитализмнинг хусусийлаштириш сиёсати Ўзбекистон иқтисодиётига даҳшатли зарба берадиган офатдир!
Ротшилдларнинг «Rothschild&Co» компанияси таклиф қилаётган капитализмнинг хусусийлаштириш сиёсати Ўзбекистон иқтисодиётига даҳшатли зарба берадиган офатдир!
بِسْمِ اللهِ الرَّحْمٰنِ الرَّحِيم
Ҳеч кимга сир эмаски, Ғарбнинг етакчи давлатлари дунёга озодлик, эркинлик, инсон ҳуқуқлари каби фикрларини шиор қилиб кўтаришади. Бироқ агар бу давлатларнинг ўрталаридаги алоқаларига ва жаҳон бўйлаб юритаётган сиёсатларига қарасак, халқларни қул қилиш ва бойликларини қўлга киритиш уларнинг ишларидаги ягона асос эканлигини кўрамиз. Улардан бири бўлган Британия аллақачон уялмай шундай деган эди: «Англиянинг дўстлари йўқ, Англиянинг манфаатлари бор!». Мазкур қитъадаги давлатларни иккиюзламачи очкўзларга айлантирган омил демократиянинг иқтисодий тизими бўлган капитализмдир. Шу боисдан улар бошқаларга “беғараз” ёрдам пули ажратса, бир неча баробар фойдани таъмасида бўлишади. Учинчи олам мамлакатлари, асосан мусулмонлар юртлари ғарбнинг “холис ёрдамлари” туфайли қулоқларигача қарзга ботаётганлари уларнинг Ғарб тузоғида эканлигини англатади. Муқобилида ҳеч нарса бўлмаган, пул деб босиб чиқаришаётган қоғозлари эвазига очофат Ғарб капиталистлари (сармоядорлар) Умматнинг ер ости ва устидаги бебаҳо бойликларини тинимсиз ташиб чарчамади. Бу ишларида уларнинг ўзлари мусулмон ўлкаларга қўйган малай ҳокимлари ёрдам бериб, Ислом Умматидан ҳатто янги туғилган чақалоқларнинг ҳам бўйнига қарз тамғасини, қуллик занжирларини илиб зийнатли тақинчоқ, дея танитмоқдалар. Аллоҳ мусулмонлар учун барокатли қилиб қўйган Ўзбекистон заминидаги бойликларга сўлаклари оқиб сайлов арафасида етиб келган Ротшилдларнинг «Rothschild&Co» компанияси делегациясини Шавкат Мирзиёев 30 сентябрь куни қабул қилди. Учрашувда жумладан шундай дейилди: “Ўзаро манфаатли ҳамкорликни кенгайтириш, давлат корхоналарини хусусийлаштириш, банк секторини ислоҳ қилиш, виночиликни ривожлантириш масалаларида юқори малакали консультация (Консультация – махсус компанияларнинг бизнесменлар, ишлаб чиқарувчилар, сотувчи ва харидорларга ташкилий, техникавий, молиявий, иқтисодий масалалар бўйича маслаҳатлар, тавсиялар беришдан иборат фаолияти) хизматларини жалб қилиш ҳамда гуманитар алмашинув дастурларини амалга оширишдаги имкониятлар алоҳида қайд этилди. Янги имкониятларни ўрганиш ва истиқболдаги шериклик лойиҳаларини тайёрлаш учун қўшма ишчи гуруҳни шакллантиришга келишиб олинди”. (Иқтибос тугади)
Шунингдек, бу учрашувда «Coca-Cola Uzbekistan» корхонасидаги давлат улушини хорижий инвесторга сотиш бўйича келишувни амалга ошириш жараёнида муваффақиятли ҳамкорлик қилингани мамнуният билан қайд этилди. Ўзбекистон ҳукумати «Rothschild&Co» каби компаниялар таклиф қилаётган ҳамкорликларнинг оқибатида судхўрлик ботқоғига ботиш, миллий валюта қадрсизланишининг тезлашуви, ишсизликнинг ортиб кетиши ва хусусийлаштириш билан ечими йўқ муаммога қадам ташлаётганини англамаяпти.
Биргина хусусийлаштириш тўғрисида айтсак. Хусусийлаштириш давлат иқтисодини парчалаб, нобуд қиладиган офатдир. Давлат ва Умматга тегишли бўлган нефт-газ, электр энергияси, завод-фабрикалар хусусий секторга сотилади. Бундай вазиятда ажнабий компаниялар, хусусан АҚШ, Хитой, Россия ва Европа компаниялари оқиб келади. Сўнг хорижий инвестиция кириши билан асосий бойлик йирик капиталистлар қўлига ўтади. Хусусийлаштириш жараёни чегара ва меъёрларни тан олмайди. Натижада давлат қўлидаги ҳар бир нарса сотилади. Бу компаниялар юртимиздаги бойликларимизни ва давлат иқтисодиётини ҳар томондан еб битиришади.
Тошкент шаҳрида ўтказилган Иқтисодий форум тадбирларида иштирок этган бирлашмалар, шу жумладан «Rothschild&Co» компанияси қаҳратон қишда халқимизни тезак ёқишдан халос этгани ёки ўз булоқларимиздаги сувимизни пулга сотиб олаётганимизга раҳми келганидан ёки ўз автомобилларимизни хориждагиларга ярим нархида сотилгани каби бизларга ҳам ярим нархда сотилишини таъминлаш учун келгани йўқ. Аксинча, ўша капиталистлар эмасми Американинг қонхўр армиясини қурол-яроғ ва маблағ билан таъминлаётган, ахир ўшалар-ку гўдакларимизни масжид ва мадрасаларда портлатган бомбаларига молия ажратган қонхўрлар! Ўшалар-ку Африканинг ёқуту дурларини ташиб унинг аҳолисини сувсизликда, очликда, ваболар ичида қолдирганлар…
Эй Ўзбекистондаги мусулмонлар! Наҳот, сиз ўз нажотингизни шу қонҳўр, очкўзларда, уларнинг станокларидан чиқаётган қоғозларда деб биласиз? Наҳотки, аввалги азизлигингиз Ислом билан бўлганини унутдингиз? Агар холис бир назар ташласангиз, Ғарб ва унинг мафкурасини чириган, соясиз, мевасиз қуриган дарахт шаклида кўрган бўлардингиз!
Уларнинг куни битиб қуёши ботмоқда ин ша Аллоҳ, олам узра Ислом тонгги субҳи кўриниб қолди. Агар манави устиларингиздаги малай ҳокимлар бўлмаганида эди, аввалдаги ўн тўрт асрлик эзгулик қуёши аллақачон оламни мунаввар этган бўларди. Зеро, Ислом тонгги зулматни чекинтирмоғи ва кутилаётган Халифалик тонгги отмоғи яқиндир ин ша Аллоҳ!
Ҳизб ут-Таҳрирнинг Ўзбекистондаги матбуот бўлими аъзоси Зайниддин
12.10.2021й
