Чегара билмас солиқлар
Чегара билмас солиқлар: Илоҳий тузум татбиқ этилмас экан ҳолат шундай давом этаверади
بِسْمِ اللهِ الرَّحْمٰنِ الرَّحِيم
Мусулмонларнинг бошига тушган ва тушаётган балоларнинг энг катталаридан бири солиқлардир, десак муболаға бўлмаса керак. Чунки уммат устида жорий қилинаётган солиқ турларининг охири кўринмай қолди. Ўзи шундай ҳам қўл учида кун кўраётган бечора одамлар устидаги тоғдек муаммолар етмаганидек қўшимча солиқларнинг жорий қилинишини ҳеч қандай баҳона билан оқлаб бўлмайди. Одатда, бундай солиқлар халқ фаровонлигини таъминлаш учун солинаётгани иддао қилинади, бироқ бу жуда кулгили ва ҳеч қандай асосга эга бўлмаган даъволардир. Ахир қандай қилиб солиқ солиш орқали халқ фаровонлигини таъминлаш мумкин, ваҳоланки солиқ фаровонлигини таъминлаш назарда тутилаётган айнан ўша халқнинг ўзидан ундирилаётган бўлса. Бунга ёш бола ҳам ишонмайди. Бундан ташқари, оғир солиқларни ундиришда одамларнинг қодирлиги умуман ҳисобга олинмайди, камбағал ва йўқсиллардан ҳам солиқ ундирилади. Ҳаммасидан ҳам ўтиб тушадигани бу солиқларни чек-чегарасининг йўқлигидир. Бюджетни тўлдириш ёки халқаро фондлардан олинган қарзларни тўлаш учун янгидан-янги солиқ турлари ўйлаб топиляпти ёки борларининг миқдори ошириляпти. Инсон ақли маҳсули бўлган тузумларда бундан бошқача бўлиши мумкин эмас. Чунки ушбу тузумларда қодир бўлмаганлардан солиқ ундирмаслик, солиқларни муайян кайфият асосида жорий қилиш кўзда тутилмаган.
Бошқа тузумлардан фарқли равишда Ислом тузумида ношаръий солиқлар солиш ва қодир бўлмаганлардан солиқ ундириш қатъиян ҳаром қилинган ишдир. Давлат фақат Ислом Шариатида рухсат этилган ва қодир одамлардан йиғимларни йиғиши мумкин. Бундан бошқа солиқлар солишни Аллоҳ Таоло ҳаром қилган. Кимки бу ишга қўл урган бўлса, у Аллоҳга қарши исён қилибди ва одамларга зулм қилибди. Дорамий, Аҳмад ва Абу Убайд Уқба ибн Омирдан ривоят қилишича Пайғамбаримиз ﷺ:
لاَ يَدْخُلُ الْجَنَّةَ صَاحِبُ مَكْسٍ
«Солиқ йиғувчи жаннатга кирмайди», деганлар.
Исломий давлат одамларнинг молини Аллоҳ Таоло буюрган йўл билангина олиши жоиз. Пайғамбаримиз ﷺ бу ҳақида шундай дейдилар:
لَا يَحِلُّ مَالُ امْرِئٍ مُسْلِمٍ إلَّا بِطِيبِ نَفْسٍ مِنْهُ
«Мусулмоннинг моли мамнуният билан берсагина ҳалол бўлади». Ушбу ва бошқа қатор далиллар кўрсатиб турибдики, ҳозирда уммат елкасига оғир юк бўлиб тушаётган солиқлар шаръан ножоиз, Аллоҳ ҳаром қилган солиқлардир. Жумладан, тадбиркорлик ва деҳқончилик фаолияти билан шуғулланувчилар, давлат ташкилотлари ишчилари кабилардан ундириб келинаётган даромад, акциз, фойда, ҚҚС каби солиқлар ва бошқа кўплаб ушланмалар ҳеч қандай шаръий асосга эга эмас, уларни ундириш одамларга зулм қилиш ва ҳаром ишга қўл уришдир. Шунингдек, Шариат камбағал ва йўқсиллардан ҳам солиқ ундиришни қатъиян ман қилган бўлиб, буни фақат қодир одамгагина юклади. Бу билан Ислом одамларга адолатли муомала қилинишини кафолатлади.
Сўзимиз охирида шуни яна бир бора эслатиб қўймоқчимизки, Ислом тузуми татбиқ бўлган асрларда одамлар бугунгидек турли-туман солиқлар тўламаган бўлсалар ҳам давлат ғазнаси бўшаб қолмаган. Давлат ўз фуқароларига зулм қилиб, уларнинг молини юлиб олиш билан ғазнасини тўлдирмаган. Шундай экан, шаръий аҳкомларни татбиқ қилиш билан уммат ўз елкасидаги оғир юклардан халос бўлади.
Ҳизб ут-Таҳрирнинг Ўзбекистондаги медиа офиси. Фаррух
25.11.2020й
