“Зиндон хотиралари” туркумидан

Тошкентлик Ортиғалининг шаҳид бўлишидан аввалги хитоби эди бу!

بسم الله الرحمن الرحيم

Алҳамдулиллаҳи вассолату вассоламу ала росулиллаҳи ва ала алиҳи ва асҳабиҳи ажмаъийн. Ва баъд:

Ассаламу алайкум азизлар! Сизга сўзлаб бераётганим хотиралар дилларингизни вайрон этса ранжиманг. Зеро, золим зиндонидаги шаҳид кетган азизларимиз яқинларининг қалблари нафақат вайрон бўлмишдир, балки ҳануз интиқом илинжида ўз шикоятини яқинда қайтажак халифага айтмоққа интизордирлар. Ин ша аллоҳ, эшитиб мазлумлар жароҳатига ИНТИҚОМ малҳамин қўйгувчи Султон олам эшигини қоқмоқда.

Қамоқдан 22 йилдан кейин озод бўлган ошнамни шарти кетиб парти қолган. Аллақачон ҳаётий қарашлари манави шалтоқ муллалар ғийбат бўҳтонлари таъсирида бадбўй тус олган яқинлари ундан юз буриб улгуриб, том маънода ғариб бўлган. Уй-жойлари жоҳил қариндошлари қўлида тақсимланиб, қишлоқ четидаги харобадан қўним топган. Телефонини кўтаравермагач уйига бордим. Сояда қайнаган сув ичиб бир нуқтага термулиб ўтирган экан. Аёли ўзига тақдирдош бўлган бир ожиза. Уни яқинда узоқроқдаги қариндошлари тикувчиликка ишга таклиф қилган. Фарзандлари рўзғор қилиб ўзлари билан овора.

Мени кўриб кўзлари ёниб бутун вужуди ҳаракатланиб кетди.

– Сени ўтирган ҳолда жон берибди дебман ошна, нет-нет қимирлаб турсенг ўласанми? дегандим, роса маза қилиб кулди, ҳатто кўзлари ёшга тўлди. Ва ўша онда уни ўйга толдирган зонадаги биродари эканини айтганди, мен ўша ўйни жонли сўзларга айлантиришни сўрагандим, айтиб берди.

Зиндон аҳлини ҳайқириғи оламга ёйилгач, ваҳший қотил Каримов қутуриб кетган 2007 йиллар эди. Ўша йилларда деярли барча зоналарда оммавий қийноқлар бўлиб ўтган эди. Энг кўп шаҳидлар ўша йилларда чиққанди. Зарафшон зонасига келган собит ҳизбийлар ё қатл қилинар ёки қайтариб бошқа зонага этап қилинарди. Ўша йиллардаги оммавий ломкада барча собитларни ва менти-ю кентини ҳайратга солган йигитлардан бири тошкентлик Ортиғали бўлганди. Ўша пайтдаги зона бошлиғи Идиевга қараб: Сан ҳадеб уч-тўртталаб ментларингни манга рўбарў қилавермай, бира тўла барча аблаҳларингни манга олиб кел ва билиб қўй, санларни қўлингдан ҳеч нарса келмайди. Санлар Аллоҳга қарши уруш очдинг, барча имконингни ишга сол, барибир ҳеч қачон ғолиб бўлолмейсанлар. Мана, манга чақириб кел золимларингни барчасини, қани нима қўлидан келаркин, дегач, ўша куни штаб олдидаги плацга барча ментлар йиғилиб тепкилашди. Золимлар халқаси ичидан Аллоҳу Акбар садоси тўхтамай янграб турди. Ва “айтдимку қўлларингдан ҳеч нарса келмайди деб” бақирган биродаримизни овози атрофга ёйилиб турди.

Ортиғалини собитлардан ҳам алоҳида сақлаб изоляторда ушлади. Оммавий ломка войска ва барча ментлар иштирокида бўлиб ўтгач, сараланиб қолган ўн икки биродарни Каттақўрғон турмасига синдириш учун олиб кетилди. Воронокда Ортиғалини кўрдим, бизни орамизга изолятордан олиб чиқиб қўшди. У бошқача шижоатда, ўзгача бир таърифга сўз ожиз сиймода ўлимга тайёрланган рижол шаклида эди. У барчамизга хитоб қилди:

– Эй биродарлар, бизларни Аллоҳнинг ҳузурида ризқланишимиз учун олиб кетишмоқда деб билинг, ҳозирланинг ва аниқ ишонингки, шаҳидлар жонини Аллоҳнинг Ўзи оладир. Аллоҳ билан дийдорга ўзингизни ҳозирленг, у эса яқиндир, ин ша Аллоҳ, деб ҳикоясини тўхтатган ошнам менга қараб “тошкентлик Ортиғалини шаҳид бўлишидан аввалги хитоби эди бу” деган жумла билан ҳикоясига якун ясади.

Мен эса, бу ғариб ошнамни бир нуқтага тикилиб қолган қиёфасига кириб “ўлик” аҳволга тушгандим.

وَلاَ تَقُولُواْ لِمَنْ يُقْتَلُ فِي سَبيلِ اللّهِ أَمْوَاتٌ بَلْ أَحْيَاء وَلَكِن لاَّ تَشْعُرُونَ

– “Аллоҳнинг йўлида қатл бўлганларни “ўликлар” деманг. Балки улар тирикдирлар, лекин сиз сезмассиз”.        (Бақара:154)

(Ошнамни ўйга толдирган – ўша хотиралардан)

Ҳизб ут-Таҳрирнинг Ўзбекистондаги матбуот бўлими аъзоси Зайниддин

19.05.2022й