بِسْمِ اللهِ الرَّحْمنِ الرَّحِيمِ

Матбуот баёноти

Исломдаги бошқарув низоми оламлар Роббиси фарз қилган Халифалик низомидир, у жумҳурият низоми ҳам, демократик низом ҳам эмас

2013 йил 21 ноябр пайшанба куни«Мисрийюл Явм» газетаси элликлик комиссияси томонидан ўзгартирилган дастурнинг биринчи лойиҳасини нашр қилди. Дастурнинг кўп моддаларига ўзгартириш киритилганига қарамай бу дастур олдинги (Мурсий давридаги) ва ундан ҳам олдинги (Муборак давридаги) дастурдан кўп ҳам фарқ қилмайди. Чунки бу дастурларнинг барчаси Исломдаги бошқарув низомига зид бўлган куфр низоми учун тузилган куфр дастурларидир. Дастурда ҳукмронлик шариатга эмас, халққа берилган бўлиб, унга биноан халқ қонун тузиш, яъни ҳалол-ҳаром ва чиройли-хунукни белгилаш ҳуқуқига эга. 2012 йилги дастурга киритилган ўзгартиришларга қарамай, мисол учун биринчи модда ўз ҳолида қолган, фақат унинг айрим бандлари олдига ёки орқага ўтган. Лекин бу модданинг маъно-мағизи ўзгармаган, яъни Миср жумҳурий, демократик низомга асосланган давлатдир. Биз биламизки, элликлик комиссия аъзолари Кинона аҳлининг ақидасига мос низом, яъни Ислом низоми ҳақида баҳс қилишга эътибор бермаган. Бироқ улар бу лоқайдлик билан кифояланиб қолишмади, балки Ихвон тузган ва унга – ҳеч бир фойдаси бўлмаган, уларнинг дастурини ҳеч бир ҳолатда исломий дастурга айлантирмайдиган – айрим исломий безакларни берган дастурни тафтиш қилишиб, ундан айнан шу исломий безакларни ажратиб олишди. Яъни улар айрим исломий оқимга мансуб бўлганларнинг «юзлик комиссияси» таркибида бўлган ва 1971 йил дастуридан унчалик фарқ қилмайдиган дастурни ишлаб чиққан вақтларида ўз айбларини яшириш учун қўйган безакларини ажратиб олишди.

Биз Ҳизб ут-Таҳрир аъзолари Миср ва барча мусулмонлар юртларидаги мусулмонларга Исломдаги бошқарув шаклини баён қиламиз. Токи барча – ҳозирги элликлик комиссия ёки олдинги юзлик комиссия аъзолари бўладими ёки уларнинг ортида турганларми, ҳеч фарқсиз – улар биринчи моддада таъкидлаган жумҳурий, демократик низом оламлар роббиси Аллоҳ бу Уммат учун рози бўлган Исломдаги бошқарув низоми эмаслигини тушуниб олишсин.

Исломдаги бошқарув низоми Халифалик низомидир. Халифалик шаръан дунёдаги барча мусулмонларнинг умумий бошқаруви бўлиб, у исломий шариат аҳкомларини барпо қилади ва Ислом даъватини оламга ёяди. У шаръий аҳкомларда келган бошқарув шакли бўлиб, Ислом давлати шу шаклга асосланади. Росулуллоҳ САВ Мадинада илк Ислом давлатига шу шаклда асос солганлар, у кишидан кейин саҳобалар шу ҳам йўлдан юрганлар. Бунинг далили Қуръон, Суннат ва саҳобалар ижмосида келган. Бутун Уммат орасида ҳеч ким бунга хилоф қилмаган, фақат Халифалик давлатини қулатган ва мусулмонлар юртларини бўлиб ташлаган мустамлакачи кофир сақофати асосида тарбия кўрганларгина бунга хилоф қилишади.

Шундан келиб чиқиб айтамизки, Исломдаги бошқарув низоми жумҳурият низоми ҳам, демократик низом ҳам эмас. Чунки жумҳурий демократик низом одамлар тарафидан тузилган бўлиб, динни ҳаётдан ажратишга асосланади ва унда хукмронлик халққа берилади. Бу низомда халқ ҳукм юритиш ва қонун чиқариш ҳуқуқига эга, у ҳокимни олиб келиш, уни четлатиш, дастур ва қонун чиқариш, яъни ҳалол ва ҳаром қилиш ҳуқуқига эга. Исломдаги бошқарув низоми эса Ислом ақидасига ва бу ақидадан келиб чиққан шаръий аҳкомларга асосланади. Ислом низомида ҳукмронлик халқники эмас, балки шариатникидир, унда на уммат, на халифа қонун чиқариш ҳуқуқига эга эмас. Чунки ёлғиз Аллоҳ Субҳананинг ўзи қонун чиқарувчидир. Лекин Ислом салтанатни Умматга берди, яъни Умматга ҳокимни ҳуқуқини берди. Уммат ўзи истаган одамни Ислом билан ҳукм юритиш учун сайлайди ва шу асосда унга байъат беради. Халифа, модомики шариатни қоим қилар ва Исломни татбиқ этар экан, унинг халифалик муддати ҳар қанча чўзилиб кетса ҳам халифа бўлиб қолаверади. Агар у Ислом аҳкомларини татбиқ этишни бузса – гарчи халифаликни эгаллаганига бир кун ёки бир ой бўлган бўлса ҳам – унинг халифалик муддати тугайди ва уни четлатиш вожиб бўлади. Шундан кўриб турибмизки, бу икки низом ўртасида асосда ҳам, шаклда ҳам жуда катта зиддият мавжуд. Шунга кўра Ислом низоми жумҳурият низоми деб ёки у демократияни тан олади деб айтиш мутлақо жоиз эмас.

Хулоса шуки, Исломдаги бошқарув низоми Халифалик низомидир. Халифалик ва давлатнинг бир бутун бўлишига, фақат битта халифага байъат бериш мумкинлигига ижмо қилинган, барча имомлар, мужтаҳидлар ва фақиҳлар шунга иттифоқ қилганлар.

Эй Кинона Мисри юртидаги мусулмонлар

Унинг йўлида қурбонликлар аҳамиятсиз бўлиб қоладиган ушбу буюк ғояни амалга оширишга сизлардан кўра ким лойиқроқ? Барча бахтсизлик ва мусибатларга барҳам берадиган ушбу Раббоний ҳадяга сизлардан кўра ким ҳақлироқ? Биз Ҳизб ут-Таҳрир аъзолари Исломдаги бошқарув низоми ҳақида сизларга аниқ-равшан тасаввурни бердик. Абу Бакр, Умар, Усмон, Али РА каби саййидларимиз айнан шу низом билан ҳукм юритганлар. Биз сизларга унинг структурасини, идоралари тафсилотларини баён қилиб бердик, яқин келажакда тикланажак Халифалик давлатининг мукаммал дастурини Умматга ҳавола қилдик. Бу дастур моддаларининг ҳар бирини Қуръон, Суннат ва шу иккиси йўллаган саҳобалар ижмоси ва шаръий қиёсдан истинбот қилдик. Биз ҳар бир модданинг далилларини ушбу дастурнинг муқаддимасида жамладик.

Ушбу қониқарли баёндан кейин сизларнинг ғалабангиз ва азизлигингиз ёлғиз Унинг қўлида бўлган Роббингиз амрига риоя қилиш сизларга вожибдир. Шундай экан, сизларга ҳавола қилинган ҳеч қандай низомни – гарчи улар чиройли қилиб кўрсатилган ва эркаклар, тўғрироғи эркаксимонлар томонидан тозаланган бўлса ҳамда бу одамлар элликта ёки юзта бўлса ҳам – қабул қилманглар. Сизлар Ислом номи билан безатилган, бироқ мазмуни демократия ва Ислом низомидан бошқа нарса билан ҳукм юритиш бўлган ялтироқ шиорларга алданманглар.

وَأَنِ احْكُم بَيْنَهُم بِمَاأَنزَلَاللّهُوَلاَ تَتَّبِعْ أَهْوَاءهُمْوَاحْذَرْهُمْ أَن يَفْتِنُوكَ عَن بَعْضِ مَا أَنزَلَاللّهُإِلَيْكَ فَإِن تَوَلَّوْاْ فَاعْلَمْ أَنَّمَايُرِيدُاللّهُأَن يُصِيبَهُم بِبَعْضِ ذُنُوبِهِمْوَإِنَّ كَثِيراً مِّنَ النَّاسِ لَفَاسِقُونَ+ أَفَحُكْمَ الْجَاهِلِيَّةِ يَبْغُونَوَمَنْ أَحْسَنُ مِنَاللّهِحُكْماً لِّقَوْمٍtيُوقِنُونَ

«(Эй Муҳаммад), улар ўртасида Аллоҳ нозил қилган нарса билан ҳукм қилинг, уларнинг ҳавойи нафсларига эргашманг ва Аллоҳ сизга нозил қилган ҳукмларнинг айримларидан сизни буриб фитнага солиб қўйишларидан эҳтиёт бўлинг! Агар (сизнинг ҳукмингиздан) юз ўгиришса, билингки, Аллоҳ уларга айрим гуноҳлари сабабли мусибат етказишни истамоқда. Шубҳасиз, одамлардан кўплари итоатсиздирлар. Динсизлик ҳукмрон бўлишини исташадими?! Имонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!»    [Моида 49-50]

Шариф Зойид

Ҳизб ут-Таҳрирнинг

Мисрдаги матбуот бўлими раиси