بِسْمِ اللهِ الرَّحْمٰنِ الرَّحِيمِ

Ҳизб ут-Таҳрир – Судан вилояти делегацияси Судандаги нуфузли кишилар ва ҳайъатларни зиёрат қилмоқда

Гиёҳванд моддаларга қарши кураш учун Ҳизб ут-Таҳрир – Судан вилояти бошлаган кампания доирасида, Ҳизбнинг Судандаги расмий нотиғи устоз Иброҳим Усмон (Абу Халил) раислигидаги делегация Умму Дўрмон хусусий клиникасидаги гиёҳвандликни даволаш ва психиатрия бўйича бош маслаҳатчи профессор Алий Балду билан учрашди. Делегацияга Ҳизб ут-Таҳрир – Судан вилояти мажлиси аъзоси устоз Аҳмад Бакр, Ҳизб ут-Таҳрир – Судан вилояти марказий алоқалар қўмитаси координатори устоз Абдуллоҳ Ҳусайн ва Ҳизб ут-Таҳрир аъзоси доктор Муҳаммад Абдураҳмон ҳамроҳлик қилди.

Устоз Абу Халил давлатнинг гиёҳванд моддаларга қарши курашга жиддий эътибор бермаётганлиги, аксинча, Фаластинда мусулмонларнинг муқаддас даргоҳларини оёқ-ости қилиб, аёллар, болалар ва қарияларни ўлдираётган яҳудий вужуди ташқи ишлари вазирини кутиб олаётганлиги, Суданни гиёҳванд моддалар ботқоғига ғарқ қилаётганлиги ҳақида сўзлади.

Кейин унинг сўзларини қўллаб-қувватлаган ҳолда профессор Балду гапирди. У ўз сўзида ҳақиқатда давлатнинг гиёҳванд моддаларга қарши курашга жиддий эътибор бермаётганлигини тасдиқлаб, бу хусусда мисоллар келтирди. Юртдаги гиёҳвандликдан даволаш марказларига мурожаат қилувчилар кунига 1350 нафардан ошади, бироқ, реал рақам бундан кўп. Чунки ушбу иллатдан қутулиш учун марказларимизга мурожаат қилишни истамаётган гиёҳвандлар ҳам кўп, деди профессор.

Устоз Абу Халил раислигидаги яна бир делегация Хартумдаги Ислом Фиқҳи Академиясини зиёрат қилиб, Академия раиси доктор Абдураҳим Одам Муҳаммад ва Академиянинг мафкуравий ишлар бўйича бош котиб муҳандис Зубайр Муҳаммадали билан учрашди. Делегацияга Ҳизб ут-Таҳрир – Судан вилояти марказий алоқалар қўмитаси координатори устоз Абдуллоҳ Ҳусайн ва Ҳизб ут-Таҳрир аъзоси устоз Холид Нур ҳамроҳлик қилди.

Устоз Абу Халил ўз сўзида гиёҳванд моддаларнинг замонавий урушларнинг воситаларидан ҳамда 2013 йилда бошланган бешинчи авлод уруши қуролларидан бири эканини баён қилиб, «Судан гиёҳванд моддаларга ғарқ қилинди… бундан ҳақиқий ўзгаришга ишонадиган ёшларимиз мияларини ишдан чиқариш кўзланган», деди.

Сўнг доктор Абдураҳим «жамиятнинг ролини энг яхши биладиганлар сизларсиз, шу боис ушбу ташрифингиз учун ҳам, бу хусусда олиб бораётган саъй-ҳаракатларингиз учун ҳам миннатдормиз», деди ҳамда Ислом Фиқҳи Академиясининг ҳам бу хусусда ўз дастурлари борлигини очиқлади. Сўнг сўзлаш имконияти бош котиб муҳандис Зубайр Муҳаммадалига берилиб, у ўзларининг айни дастур бўйича олиб бораётган фаолиятларини батафсил баён қилди.

Устоз Абу Халил раислигидаги яна бир делегация Судан Уламолари ҳайъатининг Хартумдаги идорасини зиёрат қилиб, ҳайъат бош котиби доктор Саъд Аҳмад Саъд билан учрашди. Ушбу делегацияга Ҳизб ут-Таҳрир – Судан вилояти марказий алоқалар қўмитаси аъзоси устоз Абдулқодир Абдураҳмон ҳамда Ҳизбнинг икки аъзоси устоз Абдуллоҳ Абдураҳмон билан устоз Холид Нур ҳамроҳлик қилди.

Абу Халил ўз сўзида гиёҳванд моддалар масаласи фақат гиёҳвандлар, айни моддалар билан савдо қилувчилар ва наркодилерлар масаласи эмаслигини, балки бу анча катта масала эканлигини таъкидлади.

Ўз навбатида, доктор Саъд Аҳмад Саъд делегацияга хуш келибсиз, дея Ҳизб ут-Таҳрирнинг саъй-ҳаракатларини юксак баҳолади ва жумладан «биз ушбу учрашувдан ғоят мамнунмиз, даъватда ибрат олиш керак бўлган жамоа Ҳизб ут-Таҳрирдир», деди. Кейин Судан Уламолари ҳайъатининг қандай қилиб гиёҳванд моддаларни йўқ қилиш бўйича дастур тайёрлаётгани ҳақида гапириб, сўзини юрт ва фуқаро учун муҳим бўлган ҳар қандай масалада ўзаро алоқа ўрнатиш зарурлигини таъкидлаш билан тамомлади.

Роя газетасининг 2023 йил 15 феврал чоршанба кунги 430-сонидан