بِسْمِ اللهِ الرَّحْمٰنِ الرَّحِيمِ

Яҳудий вужуди кризисга ботиб, ўргимчак тўридан ҳам заиф аҳволга етди!

Доктор Иброҳим Тамимий

«Биз ичкаридан йўқ қилиш билан таҳдид қилаётган тарихий кризисдамиз. Биз Исроил давлати бошдан кечирган энг оғир дамларнинг бирида турибмиз. Бу улкан миллий хавф эканини ич-ичимиздан биламиз… Исроил армияси бизнинг армиямиз, у бизни мудофаа қиляпти, у биз учун ҳаётий муҳимдир… Умид қиламизки, бу армия муҳокамадан четда қолади». Бу яҳудийлар президенти Ицхак Герцогнинг яҳудий вужуди бошдан кечираётган ички кризисга берган баҳоси. Бу сўзларни у Миллий ҳокимият органларининг 100 нафар раҳбари иштирокида бўлиб ўтган фавқулодда йиғилишида айтди.

Бу сўзлар яҳудийлар раҳбарларининг «юрт»лари ичкарисида бўлаётган ишлардан нақадар хавфсирашаётганини кўрсатмоқда. Шунингдек, гарчи Герцог хавфли сиёсий ва иқтисодий оқибатлардан дарак бераётган ҳозирги кризисдан чиқиш учун Нетаньяху етакчилигидаги ҳукмрон коалиция билан Лапид етакчилигидаги мухолафат ва унинг шериклари дохил икки лагерни бир столга ўтиргизиб, музокарага мажбур қилишига ишонаётган эса-да, бироқ айтган бу сўзларининг ўз реал воқелиги бор. Зеро, бу воқелик яҳудийларнинг сохта вужудининг бирлигига таҳдид солувчи даҳшатли тушга айланди. Аслида, айни вужуднинг ғайритабиий ва аномал борлиғи, ҳеч қандай ички кризисга бардош беролмайди. Аммо ҳозирдаги кризисни қандай кўтара олади, тасаввур қилаверинг?! Чунки бу кризис зўрайиб, унинг ҳарбий муассасаси фаолиятини таназзулга яқинлаштириб қўйди ва хизмат кўрсатиш, соғлиқни сақлаш, таълим, иқтисод каби барча соҳалар тўлиқ фалаж аҳволга келди. Бир томонда ҳукуматга қарши намойишчилар, иккинчи томонда уни қўллаб-қувватловчи намойишлар эса халқ даражасидаги тўқнашувлар ёки фуқаролик уруши билан таҳдид солмоқда! Шундай бир вазиятда Герцогнинг бу баёноти воқеликда ўз исботини топиб, уни ҳам, бошқа яҳудий раҳбарини ҳам ҳаловатини бузаётгани табиий.

Мисли кўрилмаган, дея таърифланган норозилик намойишлари ва муассасалардаги исён яҳудий вужуди ташқарисида, айниқса, йирик давлатлардан иборат иттифоқчилари ва атрофдаги режимлар ўртасида акс-садо бера бошлаган сиёсий кризисни ташкил қилди. Уларнинг баъзилари айни вужуд тақдиридан хавотир билдираётган бўлса, бошқалари янги ҳукумат даврида унинг ҳозири ва келажагига хавф солаётган оқибатларидан огоҳлантирди.

Биз бўлаётган ишларга тўхталаётган эканмиз, бу босқинчи вужуднинг ички ишлари диққат қаратадиган нарса эмаслигини, чунки у том маънода босқинчи вужуд эканлигини ҳам унутмаймиз. Бироқ, бу вужуд ичида бўлаётган ишларга биз унинг нақадар заифлигини кўрсатиб бериш мақсадида тўхталяпмиз. Чунки баъзилар уни кучли давлат деб тасаввур қилади. Аммо аслида у ҳар томонлама жуда заиф вужуддир.

Нима бўлаётганини тезроқ тушуниш учун яҳудий вужуди ичкарисида икки қисмдан иборат бўлиниш борлигини таъкидламоқчимиз:

Биринчи қисм халқ даражасида. Ҳозирда одамлар икки лагерга бўлинган. Бири ўнг қанот партияларни ва диний ўнг қанотни ўз ичига олган ўнг қанот лагери. Бу лагердагилар диний ва сиёсий йўналишни, ҳатто гомосексуализмни, жинсини ўзгартиришни ва тўлиқ ахлоқий таназзулни қораловчи яҳудий жамоаси қадриятларини ифодалашади. Иккинчи лагердагилар ўнг қанотдагилар, марказий қанотдагилар ва сўл қанотдагилар, хусусан либераллардан аралаш бўлиб, улар сиёсий ва либерал йўналишларини, демократик жамият қадриятларини, гомосексуалларнинг ҳуқуқларини ва бошқаларни ифодалашади. Уларнинг фикрича, биринчи лагер мавжуд демократик либерал давлатни диний диктатор давлатга ўзгартирмоқчи ва бу тоталитар давлат иккинчи лагер билан келишолмай, уни йўқ қилади. Биринчи лагернинг фикрича эса, иккинчи лагердагилар яҳудийларнинг Фаластинни барча ерини эгаллаш лойиҳаларига ва маъбад қурилишига қаршилик қилмоқдалар.

Демак,кўз ўнгимизда яҳудий халқи даражасида бўлиниш бор ва бу янада кенгайишда давом этади. Буни фақат адлия тизимидаги ўзгаришларгагина қарши бўлмай, балки ўнг қанот лагери йўналишига ҳам қаршилик қилаётган кенг миқёсдаги норозилик намойишлари кўрсатиб турибди.

Иккинчи қисм сиёсий доира даражасида. Улардан бир тоифасининг фикрича, яҳудийларнинг Фаластиндаги орзуларини ўз ичига олган лойиҳа ва режаларни амалга ошириш вақти келди, бу ишда айни сиёсий доирадагиларнинг ўзлари қарор бера олишади, Америка маъмуриятидан яшил чироқ ёқилишига муҳтож эмаслар, унинг минтақани тинчлантиришга оид истаклари ҳам, можарони ҳал этиш учун сиёсий қарашлари ҳам қизиқтирмайди. Бу Бен-Гвирнинг «биз Америка байроғидаги қўшимча юлдуз эмасмиз», деган сўзларида ўз ифодасини топди. Яна бир тоифаси борки, улар Америка билан келишиб ҳаракат қилиш, унинг сиёсати билан уйғун сиёсат олиб бориб, унинг дўстлигини қозониш ва можарога барҳам беришга оид истагидан фойдаланиш яҳудий вужудининг манфаатларига хизмат қилади, деган фикрдалар.

Шундай қилиб, бу халқ ичкаридан бўлинди, расмий доиралар ҳам ўз «давлат»лари манфаати ва уларни амалга оширишда қўлланадиган услуб ва воситалар ва муносиб вақт борасида иккига бўлинишди. Баъзилари тавротдаги «ваъда»дан маст бўлиб ҳаракат қилаётган бўлса, баъзилари Америка кўрсатмалари бўйича ҳаракат қиляпти. Бу эса, яҳудий вужудининг нақадар заиф ва нимжонлигини, ички бирдамликдан ҳам, ташқи сиёсат бирлигидан ҳам маҳрумлигини кўрсатмоқда. Ҳаммасидан ҳам муҳими, бу вужуд Америкага жисмонан қаттиқ боғланиб қолган бўлиб, ўзича мустақил вужуд эмас. Агар ундан бу ҳимоя узиб қўйилса, йиқилади ва тугайди, шунинг учун ҳам у ўргимчак тўридан ҳам заиф вужуддир.

Лекин, яҳудий вужудидаги бу заифликка қарамай, бўлаётган ишлар унинг тугашидан ва ўз-ўзидан вайрон бўлишидан дарак бермоқда, демаслик керак. Чунки унинг ичида бўлаётган можаро ва унинг оқибатидаги бўлинишлар битта доира ичида қолади, ташқарига чиқмайди. Чунки барча яҳудий партиялари, Америка, йирик давлатлар ва уларнинг малайлари бу босқинчининг Уммат танасида саратон бўлиб туриши борасида бир хил фикрда. Мисол учун, Америка Нетаньяхунинг тизгинини тортиб қўйишни ва унинг режасини бекор қилишни истаяпти. Чунки Американинг фикрича бу режа минтақани алангалатади ва яҳудийларнинг ўзига хавф туғдиради. Шунинг учун ҳам у норозилик намойишларини ва мухолафат партияларни қўллаб-қувватлади ва бу айни ҳаракатларга куч берди. Айтганча, Америка демократия тарафдори эмас, бу унинг иддаоси, холос. Балки у адлия тизимига ўзгартиш киритиш ишининг амалга ошмаслигини истайди. Чунки бу Нетаньяхунинг айбловдан қутулиб қолишига олиб келибгина қолмай, ҳатто у ерда аннексия ва Ақсо масжиди билан боғлиқ сиёсий оқибатларга ҳам сабаб бўлади. Шунинг учун ҳам, Нетаньяху ўз фикридан сал ортга тисарилиши биланоқ, Америка уни олқишлади ва музокарага чақирди. Чунки у халқнинг сайланган ҳукуматни куч билан ағдариш талаби фуқаролар урушига ёки жиддий кризисга олиб келиши мумкинлигини тушунади.

Шу сабабдан ҳозирги ўйин ҳар қанча хавфли бўлса-да, аммо жиловланганича қолади ва яҳудий босқинчининг мавжуд бўлиб туришига хавф туғдирмайди. Унинг мавжуд бўлиб туришига бирдан-бир реал хавф эса, Ислом Уммати ва унинг армияларидир, ичкарида бўлаётган ишлар эмас.

Хулоса: Душманнинг ичкаридан йиқилишини кутиш хато, заифлик ва таслим бўлишдир, ҳатто у қалқиб-тебранаётган бўлса ҳам. Билъакс, унинг заифлиги қаерда яширинганини онгли равишда тушуниб етиш ва буни Фаластин масаласи соҳибларига туртки бўлсин учун очиб бериш керак. Ушбу соҳиблардан мурод Ислом Умматидир. Токи, у айни масалани ҳар томонлама ҳал этиб ёпиб ташласин ва бу вужуднинг кулини кўкка совурсин. Гувоҳ бўлаётганимиз бу ишлар бизга Аллоҳ Таолонинг

﴿لَا يُقَاتِلُونَكُمْ جَمِيعاً إِلَّا فِي قُرًى مُّحَصَّنَةٍ أَوْ مِن وَرَاءِ جُدُرٍ بَأْسُهُم بَيْنَهُمْ شَدِيدٌ تَحْسَبُهُمْ جَمِيعاً وَقُلُوبُهُمْ شَتَّى ذَلِكَ بِأَنَّهُمْ قَوْمٌ لَّا يَعْقِلُونَ﴾

«Улар (яҳудийлар) сизларга қарши бирлашган ҳолларида жанг қила олмаслар, балки фақат қалъа-қўрғонли қишлоқлар ичида ёки деворлар ортидагина (беркиниб жанг қила олурлар), (яъни ҳеч қачон сизларга қарши очиқ жангга чиқа олмаслар). Улар ўз ўрталарида кучли-қувватлидирлар, (яъни, жанг-жадал бўлмасдан туриб ўзаро куч-қудратли эканликлари ҳақида лоф ураверадилар, аммо жанг пайтида ожиз-қўрқоқдирлар). (Оғизларидаги сўзларидан) уларни бир деб ҳисоблайсиз-у, (аммо) диллари хилма-хилдир. Бунга сабаб, уларнинг ақлсиз қавм эканликларидир»                   [Ҳашр 14]

деган каломини хотирлатмоқда. Биз интиқлик билан кутаётган ва Уммат ва қўшинларини уни бажаришга чақираётган нарса Аллоҳ Таолонинг ушбу каломида мужассамдир.

﴿فَإِذَا جَاءَ وَعْدُ الْآخِرَةِ لِيَسُوءُوا وُجُوهَكُمْ وَلِيَدْخُلُوا الْمَسْجِدَ كَمَا دَخَلُوهُ أَوَّلَ مَرَّةٍ وَلِيُتَبِّرُوا مَا عَلَوْا تَتْبِيراً﴾

«Бас, қачон кейинги (бузғунчиликнинг) вақти-соати келганида, (улар яна) юзларингизни қаро қилишлари, аввалги сафар кирганлари каби Масжидул (Ақсо)га киришлари учун ҳамда ўзлари эгаллаб олган (барча) ерларни вайрон этишлари учун (яна душманларингизни сизларнинг устингизга юборурмиз)»       [Исро 7]

Аллоҳ Таолодан буни яқин қилишини сўраб қоламиз.

Роя газетасининг 2023 йил 5 апрел чоршанба кунги 437-сонидан

+2

0

Related posts:

Эрдоган яҳудий вужуди билан муносабатларни жуда яхши нормаллаштирмоқчи Судан ҳарбий ва хавфсизлик делегациясининг яҳудий вужудини зиёрат қилиши тиланчилик ҳамда Аллоҳ, Росули ва мўминларга хиёнатдир Яҳудий вужудининг Марокашдаги дипломатик ваколатхонасида юз берган ишлар Уммат билан бу босқинчи давлат ўртасидаги тинчлик ҳаргиз амалга ошмайдиган эртак эканини кўрсатди «У (кун) қачон бўлур?» деб (сўрайдилар). Шоядки яқин бўлса, деб айтинг!»