Ғарбга талпинаверманг, зеро унинг сарқитлари аллақачон уйингиз тўрида!
Ғарбга талпинаверманг, зеро унинг сарқитлари аллақачон уйингиз тўрида!
بسم الله الرحمن الرحيم
“Душманимнинг душмани менинг дўстимдир” деган ибора халқимиз табиатига сингдирилди. Шу боис, юртимиздаги ноҳақлик, талон-тарож, коррупция, етишмовчиликдан тўйган халқимизнинг дардидан сўзловчи бирор покиза минбар топилмагач, ғарбпараст блогер ва сиёсий шарҳловчилар золим сиёсатга қарши гапириб, халқимизга гўё “дўст” кўриндилар. Оламлар Роббиси юборган Шариатни ўрганиш ва ўргатиш қисувга олинди, аммо ҳукуматга ёлланган имомлар эса эл дардига малҳам бўлолмади. Динимизни четдан ўрганиш ҳам таъқиб остига олингач, майдонга Ғарбнинг турмуш тарзи ва динга нисбатан эркинлик беришидан сўзловчи мусулмон кўринишидаги демократ блогерларни кўрсатув ва чиқишлари жонланиб кетди. Маълумки, дунё ҳаётининг ҳақиқатини ўрганишга талпинишни инсондан суғуриб ташлаб бўлмайди. Халқимиздаги бу танпинишдан фойдаланиб, Ғарб сақофати, дунёқараши, иш-амалларни ўлчов мезонларини динга омуҳта қилиб тақдим қилувчи демократчилар жидду жаҳд билан ишга тушдилар. Улар ҳар бир чиқишларида юртимиздаги оғриқли муаммоларни ёритиб, хулоса қисмида эса Ғарб давлатларида бундай муаммо йўқлигидан сайраб кетдилар. Тўғри, Ўзбекистонда халқдаги муаммо ўша демократлар айтганидан ҳам баттарлашди. Қолаверса, юрт устига халқпарвар соғлом раҳбар келмади, келмайди ҳам. Чунки Ғарбдаги капиталистлар учун юртимизда шундай кишини тургани маъқул. Айтадилар-ку, “така бўлсин сут берсин” деб. Бугунги раҳбар “сут” беришда Америка ва Ғарбни, ўрисни ва Хитойни ҳам хафа қилмайди. Уларга шундай, ўз халқи учун қайғуриш табиатига бегона кишилар лозим. Ва ер ости ва усти бойликларини – олтин, газ, уран кабиларни кейинги авлод ҳаққига қўшиб мустамлакачиларга тортиқ қилишга қодир президент туриши манфаатлироқдир. Бу борада Марказий Осиё давлатчалари раҳбарлари садоқатли қуллар мусобақасидалар. Ғарбнинг миллиардлаб бераётган “ёрдам” пулларига келсак, бу маблағлар халқимиз зиммасига тушаётган қуллик занжирларидир. Демократик дунёқарашни ёйиш уларнинг асосий мақсадларидан биридир. Шу боис афсуслар бўлсинки, улардан оқиб келаётган инвестиция ва ёрдам пулларига қўшилиб бузуқлик ва ёт урфлар кириб келмоқда. Ислом ақидасини тушуниш хиралашгач, омма зеҳниятига жирканч иллатлар сингдирилмоқда. Кеча қимордан ҳазар қилинган юртда бугун унга рухсат берилди. Аввалда ҳимояси эрларга вожиб қилинган аёллар “ҳуқуқ”лари давлат тарафидан “ҳимояланиб” оилада эркаклар ўрни йўқотилди. Ўқув масканларидаги ўғил-қиз аралаш таълим устига жинсий таълимни ҳам киритишга уринилди ва ҳатто қизларимизни бокиралиги маломат қилина бошланди. Боболар даврида эъзозда бўлган падар-волидалар бугунда қариялар уйига жўнатилмоқда. Умрининг қирқ ёшида набиралар қуршовида ўтирган оналар турмушсиз қаримоқдалар… Буларнинг барчаси Аллоҳнинг юборган эзгулик ақидасини ўрнига сингдириб келинаётган капитализм ақидасининг таъсиридир.
Хўш, бу капиталистлар қисқа юз йилда нимага эришдиларки, улар кетидан халқимизни анави блогерлар жидду жаҳд билан еталамоқдалар?! Айни дамда Оврўпада яшаётганим учун кўрганларимни ва маҳаллий матбуотлардаги статистик маълумотларни тақдим қилганим маъқул. Масалан биргина Германия аҳолисининг 73 фоизи ёлғизликда дунё ҳаётини тарк этмоқда. Яъни ўлган пайтда уни сўнгги манзилга элтувчиси йўқ. Ундайларни жасади қабрга эга бўлолмайди. Кремация (жасадни ёқиш) орқали бир ҳовуч кукуни кўмилади. Чунки қабрга эга бўлиш учун жасаднинг яқинларини талабига қараб 8000 евродан 20 000 еврогача тўланиши лозим. Шундагина жасад беш йилдан йигирма йилгача ўз қабрида қолиши мумкин. Кейин эса яқинлари тарафидан жасаднинг қабр муддати узайтирилишига ариза берилмаса, ўша қабр янги буюртмачига сотилиши мумкин. Капитализмнинг табиати шундай, унда ҳаётдаги барча иш-амаллар фойда-зарарга асосан ўлчанади. Ҳатто инсоннинг ўлигидан ҳам пул қилаётганига нима дейсиз?! Яқинда Германиянинг Хемнитц шаҳрида 70 ёшли нафақахўрнинг ўлган жасадини орадан бир ярим йил ўтгач ўз квартирасидан топишди. Ушбу ҳодисанинг гувоҳи бўлган тозалов бўлими ходими 44 ёшли Томас Кундни Германия газетасига берган хабарига кўра: “Одамларнинг ёлғиз ўлиши кундалик ҳаётнинг ачинарли қисмидир. Аммо бундай узоқ муддат вақт ақл бовар қилмас воқеадир. Бу одамнинг дўстлари, оиласи ва ҳатто танишлари ҳам йўқ эди”, – дейди Кунд. Бу Оврўпадаги минглаган жирканч ҳолатлардан биргинасидир. Шундан келиб чиқиб айтамизки, бугун Ғарбнинг етиб келган манзили шундай. Унда мусулмонларни хавасига арзирли нарсанинг ўзи йўқ. Чунки Ғарбга мойил бўлган блогерлар мақтовида ялтироқ кўринган Оврўпанинг ичи аллақачон чириб битди. Унга чорлаш, эркинликларга даъват қилиш эса чўлдаги саробни сув деб ишонтириш кабидир.
Азиз ўқувчи! Тўғри, ҳозирча жасадларимиз куйдирилиб кўзаларда кўмилаётгани йўқ. Аммо капиталистлар юртидаги казинолар, фоҳишахоналар, кўнгилочар ўйингоҳлар бугунда шаҳарларимизда қад кўтараётгани каби ва анҳорларимизда бадбўй ўлаксалар, ошхоналар, ҳаммомлар, ҳожатхоналар ахлатлари оқиши оддий ҳол бўлгани каби бу иллатлар ҳам эртага эшигимизни қоқишига шубҳа қилманг. Бу каби анҳорларимиз ифлосланувига Овўпанинг нима даҳли бор, дейишингиз мумкин. Гап шундаки, улар бепул сувларни яроқсиз қилиш режасини тузиб кейин тоза сувга нарх тайин қиладилар, ҳавони булғаб тоза ҳавога нарх айтадилар. Бу жараённи батафсил тушунтириш алоҳида масала. Бугун етиб келганимиз шуки, боболаримиздан қолган булоқлар тизгинланиб, сувларимизни пуллашлар, мўриларимиздан чиққан тутунга пул талаб қилишларига аллақачон кўникиб улгурдик.
Азиз ўқувчи! Ўз вақтида этакни ёпиб, капиталистлар етиб келган “сомонхона”дан юз ўгириб, Оламлар Роббисининг Шариатини озиқ тишларимиз билан тишлаб олмас эканмиз, нафақат бу қисқа дунёда, балки абадийликда ҳам тугалмас бахтсизликка рўбарў бўлиш хатари бордир. Бундан Аллоҳ сақласин!
Эй Роббимиз! Бизларни бирор дақиқа ўз ҳолимизга ташлаб қўйма! Аввалда барча ишларимизни энг олий мақомга олиб чиққан Динимизни қалбларимизда устувор қил. Умматни бир вужуд қилган Исломдан узоқлашиб, натижаси фақат ёлғизлик бўлган демократиядан бизларни узоқ қил! Уларнинг нафслари олиб келган тубанликдан юз буриб, том маънодаги азизликнинг кафолати бўлган Ислом Динимиз асосидаги Халифалик бошқарувини ҳаётга қайтишини насиб эт! Зеро, нафслар танлови – агар Аллоҳ раҳм қилмаса – ҳамиша залолатдир. Аллоҳ таоло дейди:
وَمَاۤ اُبَرِّئُ نَفۡسِىۡۚ اِنَّ النَّفۡسَ لَاَمَّارَةٌۢ بِالسُّوۡٓءِ اِلَّا مَا رَحِمَ رَبِّىۡ اِنَّ رَبِّىۡ غَفُوۡرٌ رَّحِيۡمٌ
– “Ва ўз нафсимни оқламайман. Албатта, нафс агар Роббим раҳм қилмаса, ёмонликка кўп ундовчидир. Албатта, Роббим мағфиратли ва билгувчидир”. (Юсуф:52)
Ҳизб ут-Таҳрир Ўзбекистон матбуот бўлими аъзоси Зайниддин
20.05.2024й
