بِسْمِ اللهِ الرَّحْمٰنِ الرَّحِيمِ

Куала-Лумпур саммити муваффақиятсизликка учраган олдинги минглаб саммитлардек муваффақиятсизликка учрайди

Пайшанба куни эрталаб Малайзия пойтахти Куала-Лумпурда Ислом мини саммити бошланди. Саммит Ислом дунёси дуч келаётган муаммоларни ҳал қилиш учун янги стратегияни муҳокама қилиш мақсадида, Малайзия бош вазири Моҳатҳир Муҳаммад томонидан чақирилди. Унда 18 давлатдан расмий вакиллар ҳамда 150 нафар уламо ва муфаккирлар иштирок этди.

Ўз навбатида, Ҳизб ут-Таҳрирнинг Малайзиядаги расмий нотиғи устоз Абдулҳаким Усмон ўзининг матбуот баёнотида қуйидагиларни таъкидлади:

«Ушбу саммит ҳам аввал Малайзияда ёки дунёнинг бирор бир қисмида ўтказилган минглаб саммитларнинг муваффақиятсизлигининг яққол ифодасидир. Аммо буни айни саммит ташкилотчилари ҳам, делегатлари ҳам тушунишмади. Уммат тахминан бир асрдан буён, Усмоний Халифалик қулагандан бери сақлайдиган ва ҳимоя қиладиган қалқонсиз жуда кўп азоб-уқубатларни бошдан кечирди. У мустамлакачи хўжайинларидан олинган тузумларни ижро этаётган, ҳукм юритишда Қуръон ва Суннатдан кўз юмаётган мустабид ва илмоний ҳукмдорлар даврида яшамоқда. Зотан, Уммат дуч келган барча муаммоларнинг туб сабабчилари мана шу ҳукмдорлардир. Бироқ, шунга қарамай, бу ҳукмдорлар Уммат муаммоларини ҳал этиш учун йиғилишганини бутун дунёга жар солишяпти!». Баёнот сўнггида қуйидагилар таъкидланди:

«Уммат бундай қуруқ сўзлашув ва қарорлардан зада бўлди, уларнинг «ечим»ларига муҳтож ҳам эмас, уларни эшитишни ҳам истамайди. Аксинча, Уммат чиқиш йўлини қидирмоқда ва шубҳасиз, уни бу каби саммитлардан ҳам, бундан олдинги минглаб саммитлардан ҳам тополмайди. Умматнинг халос бўлиши Аллоҳ Субҳанаҳу ва Таолога ва Росулига хиёнат қилган ҳукмдорлар томонидан бўлмайди. Ушбу ягона қутулиш йўли юртимизда қайтадан Қуръон ва Суннат асосида ҳукм юритиш орқали келади. Бу эса, рошид Халифаликни барпо этиш ва барча мусулмон юртларимизни қайта бирлаштириш ҳамда Аллоҳнинг аҳкомларини татбиқ қилиш билан бўлади. Аллоҳнинг аҳкомлари Умматни ривожлантиради, барча босиб олинган юртларимизни озод қилади, дунёдаги ҳамма мусулмонларни кофирлар ҳукмронлиги ва зулмидан қутқаради.

Роя газетасининг 2019 йил 25 декабр чоршанба кунги 266-сонидан