Ўзбекистондаги ОАВ қайси тарафда?
Ўзбекистондаги ОАВ қайси тарафда?
بسم الله الرحمن الرحيم
Хабарингиз бор, 2024 йил 5 июл Жума куни тонгидан Ҳизб ут-Таҳрир сиёсий Исломий жамоаси томонидан ““ВОО УММАТИМОО!!!” Ўзбекистондаги фикр маҳбусларидан нидо!” шиори остида дунё бўйлаб кенг кўламли кампания бошланган эди. Мазкур кампания доирасида Ҳизб ут-Таҳрир Ўзбекистон матбуот бўлими раиси Ислом Абу Халил томонидан маҳаллий ОАВларга хатлар юборилган эди. Уларнинг орасида, жумладан, юртимизда энг оммабоп нашрлардан ҳисобланган Kun.uz ва Qalampir.uz кабилар ҳам бор. Ушбу хатда жорий йил бошида Тошкент шаҳридан қайта қамоққа олинган собиқ сиёсий маҳкумларнинг рўйхати, тергов давомида уларга қўлланган ғайриинсоний қийноқ ва таҳдидлар ҳамда прокурорнинг уларга 7 йилдан 17 йилгача озодликдан маҳрум қилиш жазосини сўраганлиги баён қилинган эди. Шунингдек, хатда ОАВ ходимларига мурожаат қилиниб, уларнинг ҳам мазкур ҳолатга холис ёндошишлари ва бефарқ бўлмасликлари сўралганди. Бироқ шу кунгача мазкур ОАВларнинг бирортасидан ҳеч қандай жавоб бўлмади ёки йигитларнинг ноҳақ ҳибсга олингани, тергов давомида уларга қаттиқ қийноқлар, жирканч таҳдидлар бўлгани ва суд жараёнлари адолатсиз олиб борилаётгани ҳақида халқимизни бирор оғиз ҳам хабардор қилишмади. Ҳолбуки, маҳаллий ОАВлар назаридан “кўча жиноятчилари” устида бўлиб ўтаётган суднинг ҳатто кичик тафсилотлари ёки шаҳардаги бир дарахтнинг тўсатдан кесиб кетилгани ҳам четда қолмаяпти.
Энди эса пойтахт Тошкентда қайта қамоққа олинган 23 нафар ҳамда кейинроқ қатор вилоятлардан қўлга олиниб, Тошкентга келтирилган яна 19 нафар собиқ сиёсий маҳкумлар тақдири ва улар бошига солинаётган эътиборга молик айбловлар, зулмлар қандай қилиб уларнинг эътиборидан четда қолиши мумкин?! Бу йигитларнинг жамиятда фасод тарқатишдан бошқасига ярамаган ўғриваччаларчалик ёки бир нотўғри кесиб кетилган дарахтчалик ҳам қадри йўқми?! Дарахтларга ачинасизлару, гап инсонларга келганда сукут сақлайсизларми?! Ёки сизлар ҳам бировнинг кучукчаси ўлдириб кетилса, оламга жар соладиган, аммо Ғазода лаънати, қўрқоқ яҳудлар томонидан ўн мингларча бегуноҳ болалар, муштипар оналар… беаёв қирғин қилинса, соқов шайтондек сукут сақлайдиган мунофиқ Ғарб ОАВлари тусига кириб олдингизми? Ахир, сизлар мусулмонсиз, шу юртнинг, шу халқнинг фарзандисиз! Қолаверса, сизнинг масъулиятингиз ўзгача, даъвойингиз ўзгача!
Бундан ташқари, Ўзбекистондаги энг кичик воқеа-ҳодисаларни ҳам назаридан қочирмайдиган Озодлик радиоси, ВВС каби хорижий ОАВлар ҳақида ҳам худди шу сўзларни айтиш мумкин. Чунки бундай тергов, суд ва улар асносида ҳамманинг диққат марказида турадиган инсон ҳуқуқларига тааллуқли ҳодисадан уларнинг бехабар қолиши асло мумкин эмас!
Бу ҳолат бугунги дунё ҳамжамиятининг ОАВлар бетарафлигини, мустақиллигини назарда тутувчи тўртинчи ҳокимият деган даъволари ёлғон эканидан далолат ҳамда воқеда йўқ бўлган ва асло амалга ошмайдиган ишдир. Аслида, журналистика этикасига кўра, журналистлар ҳокимиятлар учун эмас, халқ манфаати учун хизмат қилиши керак. Улар томонидан тарқатилаётган ҳар бир хабар ва маълумотлар инсонлар манфаатига хизмат қиладиган рост, ҳақ сўзлар бўлиши лозим. Ўтмиш ва ҳозирга диққат билан назар солинса, барча ОАВлар давр талабига кўра, маълум бир тарафнинг манфаатига хизмат қилганини кўрса бўлади. Бу жуда катта ва алоҳида мавзу бўлгани учун чуқур киришмаймиз. Бироқ сўзимиз сўнггида Муборак Фаластин заминида содир бўлаётган воқеаларни ҳаққоний ёритишда дунё ОАВларининг нохолислиги ва икки хил стандартли ёндашуви, оламдаги аксар ОАВларнинг асл башарасини очиб юборганлигини эслатиб ўтиш ўзимизнинг вожибимиз, деб биламиз. Дарҳақиқат, бугунги ОАВлар Ғарбнинг Ислом ва мусулмонларга қарши ишлатадиган асосий қуролларидан бирига айланганини барчамиз англаб олишимиз лозим. Ўзбекистондаги маҳаллий расмий ва норасмий ОАВлар ҳам ҳукумат чизиб берган қизил чизиқлардан нарига ўтолмаётгани, ҳатто айрим ҳолларда унинг манфаатига хизмат қилаётгани яна бир карра намоён бўлмоқда. Ўзбек жамиятига тааллуқли материалларни эълон қиладиган хорижий нашрлар эса, уларни молиялаштирувчи эгалари манфаатига хизмат қилишлари, гарчи демократияни даъво қилсалар-да, аслида нохолис ва иккиюзламачи эканликлари аллақачон ўз исботини топиб бўлган.
Шундай бўлса-да, ОАВ ходимлари ичида ўзини мусулмон ҳисоблаб, Аллоҳдан қўрқадиганлари ҳам кўпчиликни ташкил қилади, деган умидимиз бор. Шунга кўра айтамизки, Аллоҳга ва Охират кунига иймон келтирган бўлсангиз, ўз ишингизни Аллоҳдан қўрққан ҳолда холислик билан бажаринг. Аллоҳ таоло айтади:
أَلَمْ تَرَ كَيْفَ ضَرَبَ اللّهُ مَثَلاً كَلِمَةً طَيِّبَةً كَشَجَرةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاء + تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ+ وَمَثلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِن فَوْقِ الأَرْضِ مَا لَهَا مِن قَرَارٍ
– “Аллоҳ яхши сўзга қандай мисол келтирганини кўрмайсанми? У худди бир яхши дарахтга ўхшайди. Унинг асли собит туради. Шохлари эса, осмонда. Роббиси изни ила ҳар доим меваларини бериб туради. Ёмон сўзнинг мисоли худди ёмон дарахтга ўхшайди. У ердан узилиб қолган, унинг қарори йўқдир”. (Иброҳим:24-25-26)
Яна шуни ҳам унутмангки, қилаётган амалларингиздан ўзингизнинг қайси тарафда, яъни иймон ё куфр, зулм-зўравонлик ёки ҳақиқат ва адолат тарафида эканлигингизни кўрсатасиз ҳамда шунга кўра Аллоҳнинг олдида ҳисоб берасиз!
Ҳизб ут-Таҳрир Ўзбекистон матбуот бўлими аъзоси Салоҳиддин
20.07.2024й
