Таъсис коалицияси ҳукумати Американинг Дарфурни ажратиш режасини амалга оширишни янада тезлаштирувчи муҳим қадам ҳисобланади
Матбуот баёноти
Таъсис коалицияси ҳукумати Американинг Дарфурни ажратиш режасини амалга оширишни янада тезлаштирувчи муҳим қадам ҳисобланади
2025 йил 26 июл, шанба куни Тезкор қўллаб-қувватлаш кучлари ўзининг «Судан Таъсис коалицияси» орқали президентлик кенгашига раис ва унинг ўринбосари, шунингдек, бош вазир тайинланганини эълон қилди. Бу эса армия мамлакат шарқидаги Порт-Судандан туриб бошқараётган мавжуд ҳокимиятга нисбатан рақиб ҳукумат шакллантирилганини англатади.
Бу коалиция таркибига ҳарбий, сиёсий ва фуқаролик ташкилотлари киради. Улар орасида энг кўзга кўринганлари Тезкор қўллаб-қувватлаш кучлари ва «Шимолий халқ ҳаракати»дир. Коалициянинг асосий хартияси эса шу йил феврал ойида Кениянинг Найроби шаҳрида имзоланган.
Биз, Ҳизб ут-Таҳрир – Судан вилояти сифатида, узлуксиз равишда Америка режаларини фош этиб келмоқдамиз ва Судан халқини бу урушнинг ортида мустамлакачилик, яъни юртни бўлиб ташлашга қаратилган хавфли ғаразли мақсадлар ётгани ҳақида доим огоҳлантиряпмиз. Бу ёвуз режанинг бошида эса Американинг ўзи турибди. У бу мақсадни Судан армияси қўмондонлари ва Тезкор қўллаб-қувватлаш кучларидан иборат ўз малайлари орқали амалга оширмоқда. Яқин ўтмишда Башир ҳукумати ўлиб кетган Жон Гаранг бошчилигидаги Халқ ҳаракати билан тил бириктириб, Жанубий Суданни ажратиб юборган эди. Бугун ҳам худди шу йўл билан Бурҳон ҳукумати Тезкор қўллаб-қувватлаш кучлари билан ҳамкорликда Дарфурни ажратиш режасини амалга оширмоқда. Шу мақсадда армия бир қанча шубҳали хатти-ҳаракатларга қўл урди: масалан, Тезкор қўллаб-қувватлаш кучлари учун қасддан чекинди, ўз лагерлари ва шаҳарларини уларга топширди, уларнинг қўзғолонини бартараф этиш учун армия кучларини ҳам, ҳаво кучларини ҳам ишлатмади. Ҳолбуки, агар армия тизгинини қўлида ушлаб турганлар уни эркин қўйганларида, армия урушни якунлашга ҳамда юрту фуқарони озод қилишга қудрати етган бўларди.
Башир илгари Жанубнинг Судандан ажратилиши Американинг босими билан бўлганини тан олиб, жумладан, бундай деган: «Жанубий Суданнинг ажратилиши Америка босими остида амалга оширилди. Чунки Америка режаси Суданни бешта давлатга бўлиб ташлашдан иборат бўлган». (Россиянинг Спутник сайти).
Шундан сўнг, унинг ҳукуматидаги асосий етакчилар ва ташқи ишлар вазирлари ҳам буни очиқ тан олишди. Демак, улар бу режадан аввалдан хабардор бўлган ва уни ўз қўллари билан амалга оширишган. Бугун эса худди шу сценарий Дарфурда ҳам такрорланмоқда, уни Судандан ажратиш режаси Тезкор қўллаб-қувватлаш кучлари орқали амалга оширилмоқда. Зотан, айнан шу кучларнинг мустаҳкамланиши ва кучайтирилиши армия қўмондони Бурҳон томонидан шахсан назорат қилинган.
Энг оғриқли томони шундаки, бу қонли урушни Суданда ёвузликнинг боши, кофир мустамлакачи Америка ўз малайлари орқали бошқармоқда. Унинг малайлари эса бу ғаразли режани яширинча эмас, балки юзсизларча очиқдан-очиқ амалга оширишяпти. Уларга ёлғон тарқатувчи, тил бириктирувчи оммавий ахборот воситалари ва ёлланган сиёсатчилар ҳам ёрдам беряпти. Чунки бу сиёсатчиларнинг Америка томонидан тайёрлаб қўйилган ва оёқлари ликиллаб қолган курсиларда ўтиришдан бошқа ғам-ташвиши йўқ.
Мусулмон юртларини бўлиб ташлаш Исломда энг оғир гуноҳлардан биридир. Бу гуноҳга қўл урган ҳар бир кимса Аллоҳ таолонинг олдида албатта жавоб беради. Арфажа ибн Асъаддан ривоят қилинган ҳадисда Росулуллоҳ ﷺ бундай деганлар:
«مَنْ أتاكُمْ وأَمْرُكُمْ جَمِيعٌ عَلَى رَجُلٍ واحِدٍ، يُرِيدُ أنْ يَشُقَّ عَصَاكُمْ، أوْ يُفَرِّقَ جَـمَاعَتَكُمْ، فَاقْتُلُوهُ»
«Кимда-ким ишингиз бир одам қўлида жамланиб турган пайтда келиб, бирлигингизни бузмоқчи ёки жамоатингизни бўлмоқчи бўлса, уни ўлдиринглар». (Имом Муслим ривояти). Шунингдек, Абу Саид Худрий ривоят қилган ҳадисда Росулуллоҳ ﷺ бундай деганлар:
«إذا بُويِعَ لِخَلِيفَتَيْنِ، فاقْتُلُوا الآخِرَ مِنْهُمَا»
«Агар икки кишига халифа сифатида байъат қилинса, улардан кейингисини ўлдиринглар!». (Муслим ривояти). Ушбу далиллар Ислом Умматининг бирлигини сақлаш, бўлинишига йўл қўймаслик фарз эканини кўрсатади.
Шундан келиб чиқиб, биз, Ҳизб ут-Таҳрир – Судан вилояти аъзолари армиядаги холис зобитлар ва куч-қудрат эгалларини бу аниқ ва жирканч жиноятларга барҳам беришга чақирамиз. Улар Америка ва барча мустамлакачи давлатлар ҳамда уларнинг маҳаллий малайларига юртимизда қонли режаларни амалга оширишга йўл бермасликлари шарт. Шу билан бирга, Пайғамбарлик минҳожи асосидаги иккинчи рошид Халифаликни барпо этиш орқали Умматнинг буюк лойиҳасига ёрдам беришга ҳам даъват қиламиз. Зеро, бизни бу балолардан нажотга ва ҳалокатдан қутқаришга олиб борувчи ягона йўл фақат Халифаликдир. Росулуллоҳ ﷺ бундай дедилар:
«فَإِنَّهُ مَنْ يَعِشْ مِنْكُمْ فَسَيَرَى اخْتِلَافاً كَثِيراً، فَعَلَيْكُمْ بِسُنَّتِي وَسُنَّةِ الْخُلَفَاءِ الرَّاشِدِينَ الْمَهْدِيِّينَ، فَتَمَسَّكُوا بِهَا وَعَضُّوا عَلَيْهَا بِالنَّوَاجِذِ»
«Сизлардан ким мендан кейин ҳаёт кечирса, кўп ихтилофларни кўради. Шундай вазиятда менинг суннатимга ва ҳидоят топган рошид халифаларнинг суннатига эргашинглар. Унга озиқ тишларингиз билан тишлаб олгандек маҳкам ёпишинглар».
Иброҳим Усмон (Абу Халил)
Ҳизб ут-Таҳрирнинг Судан
вилоятидаги расмий нотиғи
