Хато-камчилигини айтиш айб саналган уламолар қаторига ҳамма уламолар ҳам киравермайди
بسم الله الرحمن الرحيم
Роя газетаси:
Хато-камчилигини айтиш айб саналган уламолар қаторига ҳамма уламолар ҳам киравермайди
Ҳижрий 1439 йил 22 жумодуссоний, милодий 2018 йил 10 март шанба куни «Арабий21» сайтида нашр қилинган хабарда бундай дейилади:
«Миср Салафийлик Даъвати маъмурияти кенгаши раисининг ўринбосари Ёсир Барҳомий Миния шаҳридаги «Ҳурс» биносида ўтказилган катта халқ конференциясида бир неча кескин баёнотлар қилди.
Ҳизбун Нур ва Салафийлик Даъвати аъзоларига қилган мурожаатида у «барчамиз келаси сайловларда қатнашиб, президентимизга халқаро қонунийлик берилишига овоз бермоғимиз даркор», деди ҳамда «сайловга чиқмаслик – ватан душманларининг президент Сисий қонунийлигини шубҳа остига қўйишларига имкон беради», дея огоҳлантирди.
Барҳомийнинг изоҳлашича, президент ҳурмат ва қабулга лойиқдир ҳамда конституцион суд ҳукми қонун чиқарувчига исломий шариатни татбиқ қилиш мажбуриятини юклайди, шу билан бирга, президентнинг конституцион қасамёди шу қонунларни ҳурмат қилишга ундайди. Шунинг учун биз мазлумлардан зулмни бартараф этишда, юртда қийин турмуш шароити ҳукм сураётган бир пайтда, муҳтожларни фаровон ҳаёт билан таъминлашда унга ёрдам беришимиз лозим».
Барҳомий яна «сизлар бир пайтлар Ҳусни Муборак замонини айтганингиз каби, яқинда Сисий замонидан Аллоҳ рози бўлсин, дейсизлар», деди.
У ҳатто «Халқ қимматчиликка сабр қилиши керак», дейишгача борди. Ўз ҳизбининг бир неча тадқиқот ва изланишлар кашф қилганини маълум қилар экан, бундай деди: «Тиран билан Санафир оролларини Саудияга тегишли экани ҳам шу кашф этилган нарсалардан биридир, буни ҳужжатлар ҳам тасдиқлаб турибди. Биз халқаро арбитражга мурожаат қилишдан огоҳлантирганмиз. Ҳозирги вақтда «Наҳза» тўғонини йўқ қилишга кучимиз етишини таъкидладик. Аммо бу нарса халқаро ҳамжамият ғазабини қўзғаб, бизга оғир санкциялар жорий қилишга ундайди. Ҳозир «Исроил»дан газ импорт қилиш масаласини ўрганмоқдамиз. Бу ҳақдаги маълумотни қўлга киритиб, тадқиқотларни тамомлаш биланоқ ҳизб ўз позициясини эълон қилади», деди».
Роя газетаси шарҳи:
Абу Ҳурайра PA Росулуллоҳ CABнинг
«وَمَنْ كَانَ يُؤْمِنُ بِاللهِ وَالْيَوْمِ الآخِرِ، فَلْيَقُلْ خَيْرًا أَوْ لِيَصْمُتْ»
«Ким Аллоҳ ва Росулига имон келтирган бўлса, ё яхши гап гапирсин ёки жим турсин», деганларини ривоят қилган. Шайх Барҳомий эса, жим турмади, жим турганида ўзига яхши бўлар эди. Афсуски, у яхши гапни гапириш ўрнига, мана шундай ёмон гапларни гапирди. Бу билан сарой машойихлари аҳволини кўрсатиб қўйди. Зотан, сарой машойихлари одамларга ҳукмдорлар коррупциясини, ботилликларини чиройли қилиб кўрсатиб, Умматга қарши содир этаётган жиноятларини оқлаб, ҳимоя қилади. Улар одамлар кўзини сеҳрлаб, Фиръавннинг ботилини чиройли қилиб кўрсатган Фиръавн сеҳргарларига ўхшайдилар.
Бироқ бугун – алҳамду лиллаҳ – одамлар онги ўсди ва ямоқчиислоҳчилар замони ўтди, энди уларнинг найранглари аксар мусулмонларга ўтмайди. Зотан, мусулмонлар вазифаси бу ботилларни рад этишдан ҳамда ҳақ гапни гапирадиган ва Аллоҳ йўлида маломатчининг маломатидан қўрқмайдиган ҳақиқий уламоларга эргашишдир. Ана шунда Уммат тоғутлардан қутулади ва Пайғамбарлик минҳожи асосидаги рошид Халифалик давлати соясида қайта исломий бошқарув ўрнатилади.
Роя газетасининг 2018 йил 14 март чоршанба кунги 173-сонидан
