Матбуот баёноти

Словения президенти ё тарихни билмайди ёки уни қасддан эътиборсиз қолдирмоқда!

Ушбу воқеа Словения президенти Наташа Пирц Мусарнинг 2025 йил 9 ноябрда «Ал-Жазира» сунъий йўлдош каналига берган интервьюси чоғида юз берди. Мазкур интервью 2025 йил 10 ноябр куни эрталаб канал томонидан тўлиқ намойиш этилди. Словения президенти ўз интервьюсида, мусулмон диёрларидан бири бўлмиш Қатар заминида туриб, «Исроил ўз давлатига эга бўлишга ҳақлидир» дея баёнот берди. Бу ўринда президентга ҳақли савол туғилади: ушбу ташландиқ яҳудий вужудига бундай ҳуқуқни аслида ким берди? Наҳотки тарихни ўқиган, бироқ муборак Фаластин заминида ушбу бадбашара вужуднинг қандай ташкил этилганини билмайдиган кимса мавжуд бўлса?! Наҳотки тарихни холис мутолаа қилган кишининг хотиридан яҳудийларнинг Фаластин аҳли бўлмиш мусулмонларга нисбатан содир этган қирғинлари ўчиши мумкин?! Ушбу бадбашара вужуд сон-саноқсиз Фаластин аҳлининг бош суяклари ва жасадлари узра қандай ташкил топди?! У Фаластин аҳлини 1948 йилда, сўнгра 1967 йилда қандай қилиб ўз юртидан сургун қилди?! Буларнинг барчаси Британия ва айрим Европа давлатларининг кўмаги ҳамда Фаластинга қўшни давлатлар ҳукмдорларининг хиёнати туфайли рўй берди!

Словениянинг яҳудий вужудига қарши қаратилган айрим позициялари, жумладан, унинг Ғазодаги жиноятларини геноцид деб атагани, икки яҳудий расмийсининг мамлакатга киришини истамаслигини эълон қилгани, айрим қурол-яроғ экспорти ва импорти Словения орқали ўтишини тақиқлагани ёхуд Фаластиндаги келгинди яҳудийларнинг янги тураржойларига нисбатан тутган позицияси – Словения президентини асло оқлай олмайди. Шунингдек, яҳудий вужудининг Ғазодаги мудҳиш жиноятлари келтириб чиқарган улкан шармандалик оқибатида, айрим Европа ва бошқа давлатлар томонидан ийманибгина эгалланган бу каби позицияларнинг ҳеч бири, на Словения президентини ва на ўша жиноятларни тўхтатиш учун ҳеч қандай амалий чора кўрмаган бошқа дунё ҳукмдорларини оқлай олади.

Шунингдек, мусулмон ҳукмдорлари бўлмиш рувайбизаларнинг яҳудий вужудини хоҳ ошкора, хоҳ пинҳона тарзда тан олиши, айримларининг у билан муносабатлар ўрнатгани, Ғазо аҳлини ёрдамсиз қолдиргани ҳамда йирик давлатлар назоратидаги халқаро тузумнинг позицияси, буларнинг ҳеч бири Словения президентини оқлай олмайди. Ботилга қарсак чалувчилар қанчалар кўп бўлмасин, у асло ҳақиқатга айланиб қолмайди. Ботил – ботиллигича, ҳақ эса – ҳақлигича қолади.

Шубҳасиз, Ислом Уммати ушбу позицияларни ўз хотирасида сақлаб қолади ва асло унутмайди. Фаластинда яҳудийларга давлат қуриш ҳуқуқини тақдим этган Словения президенти шуни аниқ билиб қўйсинки: биз яқинда, Аллоҳнинг изни ила, Пайғамбарлик минҳожи асосидаги иккинчи Халифаликни барпо этганимизда, ҳисоб-китоб куни, албатта, яқиндир! Гарчи Усмоний Халифалик XIV асрда Усмоний-Габсбург уруши воситасида Словенияда Исломни ёйишга муваффақ бўлолмаган бўлса-да, Аллоҳнинг изни ила, истиқболдаги Халифалик буни муқаррар амалга оширади ва ҳар бир позиция эгасини тутган позицияси учун жавобгарликка тортади.

Ҳизб ут-Таҳрирнинг марказий матбуот бўлими