СИНАЙ: ЮЗАКИ МУСТАҚИЛЛИКМИ ЁКИ СТРАТЕГИК ҚАРАМЛИК?

Синай озод этилганлигининг 44 йиллиги нишонланаётган бир пайтда, Миср тарихий чорраҳада турибди. Мамлакат нафақат оғир иқтисодий инқироз, балки минтақани қон ва олов ичида қайта шакллантираётган геосиёсий тўфон марказида қолди. Президент Сисининг сўнгги нутқи “суверенитет” ибораси билан амалдаги “қарамлик” ўртасидаги кескин зиддиятни яққол кўрсатди. Бу ҳолат босқинчи яҳуд режими билан тузилган “тинчлик келишувлари”дан сўнг давлат танлаган йўлнинг нақадар хато эканини фош этувчи чуқур таҳлилни талаб қилади.

Охирги қирқ йил ичида Миср раҳбариятининг риторикаси «дипломатик ғалаба» руҳидан «ҳаёт-мамот хавотири»га айланди. Ҳусни Муборак даврида Тоба вилоятининг қайтарилиши гўёки олий мақсад каби талқин қилинган бўлса-да, аслида Синайнинг катта қисми қуролсизлантирилган «буфер зона»га айланиб бўлган эди. Натижада Синай Миср суверенитетига эмас, балки кўпроқ яҳуд босқинчилари хавфсизлигига хизмат қиладиган гаров ҳудудига айланди. Қатъий стратегик танлов сифатида қабул қилинган «тинчлик» сиёсати Мисрни минтақа етакчисидан оддий воситачига айлантириб қўйди.

Президент Сисининг сўнгги чиқишида минтақа харитасини қайта чизишга қаратилган махфий режалар ҳақида сўз борди. Бу эътироф «тинчлик чегараларни ҳимоя қилади» деган йиллар давомида илгари сурилган миллий хавфсизлик доктринасининг инқирозидир. Энг ҳайратланарлиси, нутқда вайронагарчилик ва қон тўкишлар ҳақида гапирилса-да, «исроил» номини очиқ айтишга журъат қилинмади. Бундай «тил ожизлиги» шунчаки эҳтиёткорлик эмас, балки суверенитетнинг заифлиги ва ўз чегарасига таҳдид солаётган душман номини айтишдан қўрқишдир.

Синайнинг Миср харитасига қайтиши аслида сиёсий ва иқтисодий таслимиятни яшириш учун халқ кўзини шамғалат қилиш эди. Амалда Мисрнинг миллий иродаси ер эвазига алмаштирилди. Ҳақиқий суверенитет — бу шунчаки давлат байроғини тикиб қўйиш эмас, балки мустақил равишда уруш ва тинчлик қарорини қабул қила олиш ҳамда душманни тийиб турувчи ҳарбий қудратга эга бўлишдир. Ғазодаги фожиалар ва Миср хавфсизлигига Филадельфия йўлаги орқали бўлаётган таҳдидлар ўнлаб йиллар давомида юритилган қарамлик сиёсатининг аччиқ мевасидир.

Хўш, бу боши берк кўчадан чиқиш йўли борми? Ечим қарамлик шартларини бироз юмшатишда эмас, балки давлат ва минтақа таянаётган пойдеворни тубдан ўзгартиришдадир. Муаммо ресурс етишмаслигида эмас, балки куч-қудратни исломий ўзлик ва Уммат ақидасидан олувчи буюк цивилизация лойиҳасининг йўқлигидадир. Кэмп-Дэвиддан бошланган хиёнат йўли фақатгина ҳаракат йўналишини тубдан ўзгартириш орқали тугатилиши мумкин.

Ягона ечим — Уммат суверенитетини кишанлаган барча келишувларни бекор қилиш, АҚШ бошчилигидаги халқаро тизимга тобеликни тўхтатиш ва кучларни Пайғамбарлик манҳажи асосидаги Рошид Халифалик байроғи остида бирлаштиришдир. Бундай давлат йирик кучлар билан рақобатлаша оладиган стратегик, инсоний ва табиий ресурсларга эга бўлади. Фақат шундагина Синай гаровдаги ҳудуддан стратегик таянч майдонига айланади, ядровий ва технологик қудратга эга бўлиш эса ҳеч ким тўсқинлик қила олмайдиган суверен ҳуқуқимизга айланади.

Бугунги масъулият юки қўли боғланган сиёсатчилар эмас, балки Миср армиясидаги виждонли ҳарбийлар зиммасидадир. Эй Салоҳиддин ва Султон Бейбарснинг авлодлари! Бу хато йўлнинг давоси сизнинг қўлингизда. Биз сизларни ўткинчи ҳокимият учун эмас, балки минтақадан қарамлик илдизларини қўпориб ташлайдиган Халифаликни барпо этишда «Ҳизб ут-Таҳрир»га нусрат беришга чақирамиз. Бу йўл Кэмп-Дэвид кишанларини парчалайди ва сочилиб кетган армияларни ягона байроқ остида бирлаштиради. Тарих иккиланувчиларни кечирмайди! Аллоҳга ўзингиздаги энг яхши жиҳатларни кўрсатинг ва ҳақиқий Ансорларга айланинг!

Муаллиф: Устоз Саид Фазл

Ҳизб ут-Таҳрирнинг Миср вилоятидаги матбуот бўлими аъзоси

Роя газетасининг 2026 йил 13 май, чоршанба кунги 599-сонидан