Матбуот баёноти

Яҳудий вужуди билан алоқа боғлаш ва учрашувлар ўтказиш – ҳар қандай важ-карсонлар келтирилмасин, – катта жиноят ва Шом аҳлининг инқилобий мақсадларига хиёнатдир

«Axios» сайтининг хабар беришича, якшанба куни Иорданияда Сурия ташқи ишлар вазири Асъад аш-Шайбоний ва Исроилнинг «Моссад» разведка хизмати раҳбари Роман Говман иштирокида юқори даражадаги учрашув бўлиб ўтган. Унда сўнгги (Исроил) ҳаво ҳужумларидан кейин келиб чиққан кескинликни юмшатиш йўллари муҳокама қилинган.

“Исроил” Идлиб вилоятидаги «Абу Зуҳур» ҳарбий аэродромининг учиш-қўниш йўлаклари ва самолёт сақлаш ангарларига бир нечта ҳаво ҳужуми уюштирган эди. У буни Туркиянинг ҳарбий тўпланишига йўл қўймаслик мақсади билан изоҳлаган бўлса-да, Дамашқ ва Анқара буни рад этиб, мазкур ҳудудда ҳеч қандай турк ҳарбий хизматчилари ёки доимий ҳарбий базалари йўқлигини тасдиқлаган.

Шайбоний («Reuters» ва «Axios» агентликлари орқали) Дамашқ кескинликни пасайтириш юзасидан музокараларни қайта бошлаш ҳамда ҳужумларни тўхтатиш ва яқинда босиб олинган ҳудудлардан чиқиб кетиш шарти билан хавфсизлик келишувига эришишдан умидвор эканини эълон қилганди. Исроил хавфсизлик тизими эса буфер зоналар ўрнатиш, қуролсизлантириш ва Туркиянинг ҳарбий иштирокини тўлиқ тақиқлашни қатъий талаб қилмоқда.

Тарихий бурилиш палласида, яҳудийлар юртимизни қуруқлигу  ҳаводан поймол қилаётган, Ғазодаги биродарларимизга қарши узлуксиз қирғинлар содир этаётган бир вақтда, биз улкан жиноят ва суронли сиёсий қоқилиш қаршисида турибмиз. Бу — Сурия ташқи ишлар вазири ва “Моссад” раҳбарининг “кескинликни юмшатиш” ва “хавфсизлик чора-тадбирлари” баҳонасида ўтказган учрашувларидир! Бу қадам хоинлик ботқоғига хавфли тарзда ғарқ бўлиш ва унинг ортидан суверенитет, қадр-қиммат, замин ва муқаддасотларни сотиб юборишдан дарак беради.

Қуйидаги ҳақиқатларни қатъият билан таъкидлаймиз:

Биринчидан: Нормаллашув — жиноят ва тажовузкор жиноятчи учун мукофотдир. Чунки ерларимизни босиб олган ва бизга нисбатан ўз тажовузкорлигини ўтказаётган душман билан муносабатларни тиклаш (нормаллаштириш) бўйича учрашувлар ўтказиш ҳеч қандай важ-карсонлар билан қабул қилиб бўлмайдиган ёки оқлаб бўлмайдиган катта жиноятдир. Ҳаво ҳужумларидан кейин музокаралар сари ошиқиш эса жиноятчига жинояти учун мукофот беришдан бошқа нарса эмас.

Иккинчидан: Аҳдга вафо қилмаслиги билан танилган яҳудийлар билан кетма-кет ёндашувлар ва муросалар йўлидан бориш — азалий душман қаршисидаги хавфли қадамдир. Ҳолатимиз Фаластиннинг «Осло» маъмуриятиникидан асло яхшироқ бўлмайди. Бу тузилма билан олиб бориладиган музокаралар на бир қарич ерни озод қилади, на тинчлик олиб келади ва на қадр-қимматни сақлайди. Аксинча, бу душманга тобе ва иродадан маҳрум бўлишга мажбур қилинадиган йўлдир. Айниқса, бугун диктат қилинаётган шартлар бизни шантаж соясида ва куч манбаларидан маҳрум этган ҳолда ушлаб туришга қаратилган рад қилиб бўлмас хавфсизлик васийлигидан бошқа нарса эмасдир.

Учинчидан: Кеча жиноят ва хиёнат деб ҳисобланган нарса бугун сиёсий некбинлик(донолик) бўла олмайди ва ҳеч қандай шароит ёки важ-карсон билан бугун уни қонунийлаштиришга йўл қўйилмайди.

(Биз мусулмонлар олдидаги) собит-барқарор тамойиллар сабаблар ва важ-карсонлар ўзгариши билан ўзгариб қолмайди. Америка ва унинг эркатойи бўлмиш яҳудий вужудининг розилигини топишга интилиш, уларнинг амрларига итоат этиш тинчлик ёки барқарорлик келтиради деб ўйлаган киши алданган бўлиб, у сароб ортидан югурмоқда. Бугунги воқеалар эса ана шундай аҳмоқона сиёсатларнинг аччиқ меваларидан бошқа нарса эмасдир.

Шом аҳли ўз ишларига бошлиқ бўлганларнинг Америка кўрсатмаларига бўйсуниши, яҳудийлар билан алоқа ўрнатиши ва улар билан учрашишини кўриш учун инқилоб қилишмаган – миллионлаб шаҳидлар, бедарак кетганлар ва бегона юртларга мажбуран ҳижрат қилганларни беришмаган. Шом инқилоби бунинг учун қилинмаган, одамлар бунинг учун ўз жонларини фидо қилишмаган, жигарпораларини қурбон беришмаган, бомбардимонлар ва вайронагарчиликлар оғриғини, кўчиб юриш, сарсонгарчилик аччиғини тотишмаган…

Бу инқилоб аввало Роббини рози қилиш, инсонлар Ислом ҳукмронлиги остида иззат ва қадр-қимматда яшаши учун қад кўтарган эди. Бу эса фақат Аллоҳ ва Унинг Расулини рози қиладиган ҳамда Шом аҳлининг фидокорликларини оқлайдиган қатъий принципиал позициялар орқалигина амалга ошади.

Бугун барчамизнинг зиммамиздаги бурч — мана шу буюк гуноҳ ва катта жиноятдан узоқ эканимизни очиқ билдириш, унга қарши эканимизни қатъий таъкидлашдир. Шунингдек, яҳудийлар билан тузиладиган ҳар қандай хавфсизлик ёки сиёсий келишувлар ботил эканини, улар халқ иродасини ифода этмаслигини ҳамда Шом аҳлининг чин содиқ инсонлари ва мужоҳидлари улардан ҳеч қачон рози бўлмаслигини билдирамиз. Чунки яҳудийлар билан тинчлик ҳақидаги қуруқ даъволар бизга фақат хорлик ва зиллатдан бошқа ҳеч нарса келтирмайди.

Биз аминмизки, бу умматнинг охири ҳам, фақат унинг аввали ислоҳ топган нарса билангина ислоҳ бўлади: унинг мабдаий, умумий шиори – пайғамбарлик минҳожи асосидаги иккинчи Рошид Халифалик соясидаги Исломий бошқарувдир. Бу шундай бошқарувки, у олий ҳокимиятни шариатга, салтанат(ижро ҳокимияти)ни, иззат ва шарафни эса умматга қайтаради, жиноятчилар ва мунофиқларнинг орзу-ҳавасларига чек қўяди.

Ҳизб ут-Таҳрир – Сурия вилояти Матбуот бўлими

11 рабиул аввал 1448ҳ

24 август 2026м