Ҳизб ут-Таҳрир – Судан вилояти делегациялари Судан аҳлининг нуфузли шахслари ва қабила етакчилари билан учрашувларини давом эттирмоқда

2026 йил 10 август душанба куни Ҳизб ут-Таҳрир – Судан вилоятидан бир делегация — Ҳизб ут-Таҳрир Судан вилояти Марказий Алоқалар Қўмитаси раиси Устоз Носир Ризо бошчилигида, Ҳизб ут-Таҳрир Судан вилояти Кенгаши аъзоси Устоз Муҳаммад Мухтор ҳамда Ҳизб аъзолари Устоз Абдуссамад Ат-Таййиб ва Устоз Ал-Мунаввар Дафъуллоҳ ҳамроҳлигида иккита алоҳида учрашув ўтказди.

Биринчи ташриф Қадорифдаги сўфийлар масжидига бўлди. У ерда делегация Шайх Усмон Абдурраҳмон Ал-Азроқ, Шайх Ҳамад Абдурраҳмон Ал-Азроқ ва Шайх Аҳмад Усмон Абдурраҳмон Ал-Азроқ билан учрашди. Делегация амири Устоз Носир Судандаги сиёсий ва ҳарбий воқелик ҳамда мамлакатни парчалаб ташлашга уринаётган кофир мустамлакачи режасининг хавфли экани ҳақида сўзлади. Бу эса Ҳизб ут-Таҳрирни одамларнинг нуфузли кишилари, қабилаларнинг нозирлари (раҳбарлари) ва омдалари (оқсоқоллари) билан алоқа ўрнатишга, уларни ана шу хатарли воқеликдан огоҳ қилишга ундади. У ўз нутқида Халифаликдан бошқача тарзда Ислом билан бошқариш ҳақидаги ҳар қандай гап-сўз ёки чақириқ алдов ва ҳақни четлаб ўтиш эканини таъкидлади.

Фазилатли шайхлар Устоз Носирнинг сўзларини маъқулладилар, хусусан Шайх Усмон Ҳизб ҳаққига хайрли дуолар қилди.

Иккинчи учрашувда делегация Қадориф бозоридаги ўз идорасида Забойна қабиласининг умумий нозири ва Судандаги Маҳаллий маъмурият раисининг ўринбосари Нозир Ивазулкарим Маҳмуд Зойид (Вад Зойид) билан учрашди. Нозир делегацияни қутлаб, уларни қабиланинг тарихи ҳамда сахийлик ва жасурлик аҳли эканликлари билан таништиргач, делегация амири Носир ташрифнинг сабаби Суданга нисбатан кофир мустамлакачининг режаларини тушунтириш ва уларни барбод қилиш учун ҳаракат қилиш, сафни бирлаштириш, сўзни бир жойга қўйиш ҳамда Умматни бирлаштириш ва пайғамбарлик минҳожи асосидаги Халифаликни барпо этишда қабилалар ўз бурчини бажарадиган қилиш эканини баён қилди.

Нозир ушбу таклифни маъқуллаб: «Биз сиз билан биргамиз ва сафни бирлаштириш, сўзни бир жойга қўйиш ҳамда Халифаликни барпо этиш борасидаги саъй-ҳаракатингизни қўллаб-қувватлаймиз», деб айтди.

Шунингдек, делегация 2026 йил 11 август сешанба куни кундузи Баводира макки (қабила етакчиси) Устоз Мутаваккил Ҳасан Дукайн билан унинг Қадорифдаги идорасида учрашди. Делегация амири маккка ташрифнинг сабабини таништириб, Суданнинг сиёсий ва ҳарбий воқелигига ҳамда Суданни парчалаш ва бўлиб ташлаш устида ишлаётган кофир мустамлакачи Ғарб лойиҳасига хизмат қилувчи қабилаларни қуроллантириш ишлари кечаётганига ишора қилди. Турли қабилалари билан бирга Судан аҳлини жамлайдиган ягона нарса буюк Ислом эканини ҳамда қабилалар раҳбариятининг бурчи пайғамбарлик минҳожи асосидаги Рошид Халифаликни барпо этиш орқали Исломга ёрдам бериш учун ҳаракат қилиш эканини таъкидлади. Макк ташриф учун делегацияга миннатдорчилик билдирди, Устоз Носир айтган сўзларни маъқуллади ва ҳеч ким Ислом лойиҳасини рад этмаслигини таъкидлади.

Сешанба куни қуёш ботгандан сўнг, делегация Қадорифдаги хонадонида Дарфур қабилаларининг умумий нозири Шайх Сайфуддавла Ҳайдар Ат-Тоҳир Бакр ҳузурига ташриф буюрди. Унинг ёнида нозир ўринбосари Ат-Тоҳир Ҳайдар ва Ижроия бюро аъзоси Азиз Ҳайдар ҳозир бўлган эди. Ўзаро танишувдан сўнг делегация амири Носир ўз сўзини Ҳизб ут-Таҳрирни таништириш, унинг мақсади пайғамбарлик минҳожи асосидаги Халифаликни барпо этиш орқали Исломий ҳаётни қайта бошлаш экани, ҳамда ташрифнинг сабаби Судан воқелигини ва у бошидан кечираётган, Суданни парчалаш ва бўлиб ташлашга қаратилган мустамлакачилик лойиҳасига буюк Ислом лойиҳаси — пайғамбарлик минҳожи асосидаги Рошид Халифалик орқали қарши туриш учун саъй-ҳаракатларни бирлаштиришни тақозо этувчи фитна-макрларни тушунтириш эканини баён қилиш билан бошлади. Сўнгра нозир ўринбосари сўзга чиқиб, Ҳизб ут-Таҳрирнинг ролини ва Умматни уйғотишдаги холислигини юқори баҳолади, унинг Халифаликни барпо этиш йўлидаги фаолияти ва ҳаракатини олқишлади. Шунингдек Ижроия бюро аъзоси Азиз сўзлаб, нозир ўринбосарининг сўзларини таъкидлади ва барчани ушбу муборак фаолиятда алоқани давом эттиришга чақирди.

Шунингдек, 2026 йил 13 август пайшанба куни худди шу делегация Нуба макки Маъмун Ал-Жок билан унинг Қадориф шаҳридаги хонадонида учрашди. Унинг ҳузурида Қадориф вилоятидаги қабила Шўро кенгаши раиси ҳамда Нуба тармоқларидан бири Шаахнинг омдаси бўлган Кофи Кўва Дудой, Нуба тармоқларидан бири Кутланинг омдаси Иброҳим Маккий ва Абу Ҳушайм омдаси Муҳаммад Тия Диқоқ бор эди.

Устоз Носир ҳозирги вазият ва кофир мустамлакачиларнинг мамлакатни бўлиб ташлаш режаси орқали юртимизга қарши тил бириктирувлари ҳақида гапириб: «Бу кунларда биз воқеликда қабилаларни очиқ сафарбар қилиш ва ҳар бир қабила учун армия тузиб берилаётганини кўрмоқдамиз. Энг даҳшатли ва аччиқ нарса шуки, давлат ҳаракатларни қуроллантириш устида ишламоқда ва ҳар бир ҳаракатни бир қабилага бўйсундириб қўймоқда, бу эса шумлик даракчисидир. Шунинг учун биз Ҳизб ут-Таҳрир сизни ва Судандаги барча қабилаларни кофир мустамлакачи лойиҳасини барбод қилиш учун ҳаракат қилишга даъват этамиз ҳамда қабилани тўғри йўналишга бошлаймиз; у ҳам бўлса, қабила худди Ансорлар — Авс ва Хазраж қилганидек Ислом давлатини — пайғамбарлик минҳожи асосидаги Рошид Халифаликни барпо этиш лойиҳасига нусрат беришидир», деди.

Макк Маъмун ушбу фикрни маъқуллади, делегацияга ташаккур билдирди ва: «Мамлакатда Ҳизб ут-Таҳрир лойиҳасидек жамловчи лойиҳани ўртага ташлаган бирорта ҳам партия йўқдир», деди. Сўнгра омда Кофи Кўва сўзлаб: «Бу жуда гўзал сўз, одамларни бирлаштирадиган нарса айнан мана шудир», деди. Шунингдек Абу Ҳушайм омдаси сўзлаб, Устоз Носирнинг сўзларини маъқуллади. Ва яна Иброҳим Маккий Кутла омдаси сўзлаб, устознинг сўзларини маъқуллади ҳамда алоқаларни давом эттиришни таъкидладилар.

Роя газетасининг 2026 йил 19 август чоршанба кунги 613-сонидан