بِسْمِ اللهِ الرَّحْمٰنِ الرَّحِيمِ

Иккиюзламачиликни тўхтатинг, эй Ал-Қарний!

     “Ashard Al-Awsat” интернет нашри ва МВС телеканали Саудиялик шайх Оиз ал-Қарнийнинг баённомасини эълон қилди, унда шайх турк режими ва Эрдўған тарафидан алданиб қолгани ва кўпчиликнинг унга алданиб қолаётгани ҳақида айтади. Эрдўған ўзини гўзал тарзда намойиш эта олади, чунки инсонлар Исломни ва унга ёрдам берганларни севадилар. Бу одам ўзининг кимлигини намоён қилди ва ўз позициясида Саудия Арабистони Қироллигига адовати бор бўлган шармандали позицияни эгаллади. Ал-Қарний Эрдўған учун сўзлаган аввалги мақтовларини қайтариб олганини айтади. Шунингдек, у Эрдўғаннинг Қуддусдаги Йиғи Девори ва ўз мамлакатидаги “Исроил” элчихонасини зиёрат қилган биринчи раҳбар эканини ва мусулмонларнинг муаммоларида ўз хиёнатини кўрсатган, хусусан, сурияликларни ёқиб йўқ қилиб юбориш учун душман қўлига топширганини айтади. Эрдўған минтақадаги ҳар бир фитнада иштирок этди, ливанликлар, яманликлар, сурияликларни ўлдиришликда иштирок этди. У Исломни фақат тилидагина қўллаб-қувватлайди. Ал-Қарний Эрдўғаннинг тарафдорларига, уни кўкларга кўтариб мақтаётган маддоҳларига шуни айтмоқчи: Туркиядаги фоҳишахоналар, спиртли ичимликлар сотилаётган барлар Эрдўғаннинг раҳбарлиги остида бўлмаяптими? У қабрларга сиғиниш ва сўфийлик ақидасини ёйувчи эмасми? Ал-Қарнийнинг таъкидлашича, ўша кўкларга кўтариб мақталган Усмоний Халифалиги бутун Ислом оламини, шунингдек Саудия Арабистон Қироллигини ҳам босиб олган. Сўнг бу ҳақда ҳикоя қилувчи манбалар мавжуд эканлиги ҳақида ҳам гапиради. Унинг сўзларига кўра, Усмонийлар илм-фан, нур ва тавҳид ўчоғи бўлган пойтахтни вайрон қилдилар, сўнгра жанубни эгалладилар. Улар у ерга қонхўр босқинчи сифатида кирдилар. Ал-Қарнийнинг айтишича, ҳозир Эрдўған мусулмонларнинг муаммоларини ҳал қилишда ёрдам бераётганини, ўзини мусулмонларнинг етакчиси эканлигини даъво қилмоқда, аммо Уммат етакчиси Салмoн ибн Aбдул-Азиздир. Бунинг сабаби шундаки, мусулмонларнинг муаммолари ҳақида қайғуриб, ташвишланиб урадиган юрак айнан Саудия Арабистони Қироллиги ҳисобланади. Фаластин муаммосини ечишга асосий бош қўшган Саудия Арабистони…

 Ал-Қарний Салмон ибн Абдул-Азиз ва валиаҳд Муҳаммад ибн Салмон бошчилигидаги Саудия Арабистони мусулмонларнинг етакчиси бўлиб қолишини таъкидлади.

     Биз эса ўз сўзларимизни Расулуллоҳ ﷺнинг сўзлари билан бошламоқчимиз:

إِذَا لَمْ تَسْتَحْيِ فَاصْنَعْ مَا شِئْتَ

“Агар уялмасанг, ҳоҳлаганингни қил”.  (Бухорий ривояти)

     Эй Ал-Қарний, сиз қайси беъмани сўзларни гапиряпсиз? Ахир сизни олимлар ва тўғри йўлга йўлловчи ваъзгўйлар қаторида санашади, Аллоҳ олдидаги қўрқувингиз қани? Нега мунофиқлигингиз учун жазоланишдан қўрқмайсиз? Ахир сиз малай Ал-Сауд оиласи ҳукмдорлари олдида лаганбардорлик қилаяпсиз! Абу Умома Ал-Баҳилийдан келтирилган ҳадисни эсламайсизми:

 Расулуллоҳ ﷺ деди:

أَبْعَدُ الْخَلْقِ مِنَ اللهِ رَجُلٌ يُجَالِسُ الأُمَرَاءَ فَمَا قَالُوا مِنْ جَوْرٍ صَدَّقَهُمْ عَلَيْهِ

"Аллоҳдан йироқда бўлганлар — ҳукмдорлар билан ўтирадиган, улар айтаётган барча ёмонликларни маъқуллайдиган кишидир". (Ибн Асакир)        

Бошқа бир ҳадисда Расулуллоҳ ﷺ шундай дейди:

سَتَكُونُ بَعْدِي أُمَرَاءُ مَنْ صَدَّقَهُمْ بِكَذِبِهِمْ وَأَعَانَهُمْ عَلَى ظُلْمِهِمْ فَلَيْسَ مِنِّي وَلَسْتُ مِنْهُ وَلَيْسَ بِوَارِدٍ عَلَيَّ الْحَوْضَ وَمَنْ لَمْ يُصَدِّقْهُمْ بِكَذِبِهِمْ وَلَمْ يُعِنْهُمْ عَلَى ظُلْمِهِمْ فَهُوَ مِنِّي وَأَنَا مِنْهُ وَهُوَ وَارِدٌ عَلَيَّ الْحَوْضَ

"Мендан кейин ҳокимлар бўлади ва уларнинг ёлғонларини рост деб ҳисоблайдиган, уларнинг қонунбузарлигига ёрдам берадиган кимса менга тегишли эмас, мен унга тегишли эмасман ва у менинг булоғимдан (Жаннатда) ичмайди. Уларнинг ёлғонларини рост деб ҳисобламаган ва уларга қонунбузарликда ёрдам бермаган киши менга тегишли, мен унга тегишлиман ва у менинг булоғимдан ичади".         

(ат-Тирмизий, ан-Насоий, Ал-Ҳоким)

     Эй Ал-Қарний, бу ҳадислар ҳақида нима дейсиз? Ҳадиси шарифда Ислом билан бошқарган мусулмонларнинг қонуний ҳукмдорлари ҳақида сўз юритилган! Аммо бизнинг аҳволимиз қандай? Ахир бугунги кунда ҳукмдорлар Ислом билан  эмас, балки Қироллик, Республика бошқарув тизимлари билан бошқарадилар, дунёвий қонунларни татбиқ қиладилар; бизнинг ерларимизда битта давлат эмас, кўп давлатлар мавжуд. Барча ҳукмдорлар Ғарбга эргашишини алоҳида таъкидлаш лозим. Биз сизга Аллоҳдан қўрқишингизни эслатамиз, чунки Унинг жазоси жуда қаттиқдир. Сиз ёлғон фатволарингиз билан нафақат ўзингизни, балки бошқа мусулмонларни ҳам йўлдан оздиряпсиз.

Биз сизга аввало қуйидагиларни эслатиб ўтамиз:

1. Усмонли Халифалиги қонуний давлат эди. Усмонийлар кичик бўлакчаларга бўлинмасдан, ўз ҳукмронлиги остида мусулмонларни бирлаштириб Ислом билан бошқарган охирги сулола эди. Бугунги кунда биз дунёвий қонунлар асосида бошқариладиган элликдан ортиқ давлатларга бўлиндик ва уларнинг ҳукмдорлари Aмерика, Англия, Франция ва бошқа давлатларнинг малайлари ҳисобланади. Яқин ўтмишда Ғарб Халифаликни йўқ қилиш учун жон-жаҳди билан ҳаракат қилди ва буни Мустафо Камол ҳамда Сауд оиласи каби хоинлар қўллари билан бу ишни амалга ошира олди. Бугунги кунда эса Ғарб Халифаликни қайтариш ҳаракати билан курашиб келмоқда, бунинг учун турли йўл, усул ва воситаларни қўлламоқда. Аммо, Аллоҳ Таоло хоҳлаган кишисига ёрдам беради ва хоҳлаган кишисидан уни маҳрум қилади. Шундай экан, Ғарбнинг Исломга қарши курашида унинг жарчиси бўлманг.
2.  Сауд оиласининг давлатига Англия асос солган бўлиб, у Саудийларни пул, қурол-яроғ ва ҳарбий инструкторлар билан қўллаб-қувватлаган. Tомас Эдвард Лоуренс улардан бири эди. Англия Усмонийлар Халифалигини йўқ қилиш мақсадида сизнинг Саудия Арабистонингиз унинг орқасидан пичоқ уриши учун ваҳҳобийлар ҳаракатини қўллаб-қувватлади. Саудия Арабистони Қироллигини барпо қилишнинг мақсади шундан иборат эдики, токи Усмонли Халифалиги динга янгиликлар – бидъатлар киритсин, Исломни зиддига иш тутсин ва ширкка даъват қилсин.
3. Эй Ал-Қарний, америка малайи Эрдўған билан Усмонли Халифалигини бир-бирига ўхшатманг, чунки улар бутунлай бошқа бошқа нарсалардир. Биз — Ҳизб ут-Таҳрир аъзолари, Эрдўғанни узоқ вақтдан бери биламиз, ҳатто сиз уни мадҳ қилиб кўкларга кўтарган вақтингизда ҳам унинг кимлигини билар эдик. Сиз уни осмонларга кўтариб мақташингизга сизнинг сиёсий кўрлигингиз ёки эҳтимол, ҳозиргидек сизнинг иккиюзламачилигингиз сабаб бўлди.  Ҳизб нафақат Эрдўған, балки мусулмон оламидаги ҳар бир ҳукмдор ва унинг режими ҳақида сиёсий тушунчага эга. Эрдўған, маълумки, Aмерика малайлари орасида алоҳида мақомга эга.
4.  Усмонли Халифалигига келсак, у Ғарбни қўрқув ва даҳшатга солиб, унга қарши жанг қилган ҳақиқий давлатдир. Усмонли Халифалиги Фаластинни ҳимоя қилди, буни тарихда қайд этилган, ҳозирда музей ва китобларда сақланаётган Абдул-Ҳамид II нинг сўзлари тасдиқлайди. Музейларга ташриф буюриб, ушбу китобларни ўқишингиз мумкин. Шу билан бирга сизнинг Саудия Арабистони Қироллигингиз Aбдул-Азиз Ибн Абдурроҳман бошчилигида Фаластинни сионистларга топширди. Бугун эса Саудия Фаластинни ҳимоя қилади деб мақтаниб даъво қиляпсизми? Саудия Арабистони Қироллиги вакили ва Баҳрайн, Бирлашган Араб Амирликлари ва Уммон вакиллари "Аср келишуви", яъни Фаластинни сионистларга сотиш битими эълон қилинган конференцияда иштирок этмадими? Бугунги кунда икки Муқаддас ерларда ичкиликбозлик ва фоҳишабозлик мавжуд, қамоқхоналар эса "терроризм" ва "экстремизм"га қарши кураш баҳонасида қийноқ ва тазйиққа солинаётган уламолар билан тўлиб тошган. Бугун Саудия Арабистони жамияти европалашувга дучор бўлмоқда ва бу сизнинг кўз олдингизда юз бермоқда. Хўш, нега ҳақиқатни айтмайсиз? Агар сиз Аллоҳга тавба қилмасангиз, Қиёмат куни У сизни устозингиз Салмон Ибн Абдул-Азиз билан бирга тирилтиради. Аллоҳдан қўрқинг ва фақат тўғри сўзни гапиринг!
5. Эрдўған ва унинг режимига келсак, улар Яқин Шарқни йўқ қилиш учун ишлатиладиган Aмерика қўлидаги воситадир. Америка мусулмон ўлкаларда ва хусусан, Эрдўған америка малайи-қонхўр Асадга топширган Сурияда ёвузлик ва номуссизлик уруғини сочмоқда. Ҳозир Америка Ливиядаги малайи — Ҳафтарнинг мавқеини мустаҳкамлашга ҳаракат қилмоқда. Омма олдида Эрдўған Ҳафтарга қарши чиқади, лекин аслида у билан ҳамжиҳат; Сурияда ҳам худди шундай манзара юз бермоқда: омма олдида у Асадга қарши, лекин аслида у билан ҳамтовоқ. Шу сабабли Асад Сурияни ўз қўлига олишга муваффақ бўлди.

Юқоридагиларга қўшимча равишда Туркия ва Саудия Арабистони ҳудудларида Aмерика базалари борлигини ва Туркия режими Исроил билан яқин алоқаларга эга эканлигини эслатиб ўтмоқчимиз. Бундан ташқари, Туркия режими Исроил ҳудудида ёнғинлар чиққан пайтда уни ўчиришда ёрдам кўрсатди ва у билан биргаликда ҳарбий машқлар ўтказди.

Эй, “Маҳзун бўлма! Бахт ва ғамга даъво йўли” китобининг муаллифи Ал-Қарний! Сўзимизнинг якунида шуни айтмоқчимиз-ки, бугун сиз соф қалб, тўғри сўз ва ўткир ақл билан Аллоҳ олдида турадиган кимсалардан бошқа ҳеч кимга бойлик ҳам, ўғил ҳам фойда бермайдиган кунда қалбингиз ҳолати учун қайғуришингиз керак. Сиз хоҳ Туркия бўлсин, хоҳ Саудия Арабистони Қироллиги бўлсин ёки бошқалар бўлсин — бу давлатларнинг золим ҳукмдорлари юзига ҳақиқатни айтишингиз керак. Туркия ва Саудия Арабистони Американинг қўлидаги воситалар холос, Америка улардан фойдаланиб, ўзининг сиёсий лойиҳаларини илгари суради. Агар тавба қилсангиз, шояд Аллоҳ сизни ва қилган гуноҳларингизни мағфират қилса.

Аллоҳ Субҳанаҳу ва Таоло шундай марҳамат қилади:

فَمَن تَابَ مِن بَعْدِ ظُلْمِهِ وَأَصْلَحَ فَإِنَّ اللَّهَ يَتُوبُ عَلَيْهِ ۗ إِنَّ اللَّهَ غَفُورٌ رَّحِيمٌ

“Ким зулмидан кейин тавба этса ва амали солиҳ қилса, Аллоҳ албатта тавбасини қабул қилади. Шубҳасиз, Аллоҳ мағфиратли ва раҳмли Зотдир”.                                                      (Моида: 39)

Абдурраҳмон ал-Амирий – Яман

1 ражаб 1441 ҳижрий сана

+1

0

Related posts:

Ҳозирги турмуш тарзингиздан розимисиз?