بِسْمِ اللهِ الرَّحْمٰنِ الرَّحِيم

Роя газетаси:

Минтақа парчаланишини тўхтатиш мустамлакачи Сайкс-Пико чегараларига риоя қилиш билан бўлмайди

Ҳижрий 1439 йил 10 муҳаррам, милодий 2017 йил 30 сентябр шанба куни «Русиял Явм» сайтида қуйидаги хабар чоп этилди:

«Туркия бош вазири ўринбосари Ҳоқон Човушўғли баъзи томонларнинг минтақа чегараларини қайта белгилашга уринаётганини, унинг юрти бундай тил бириктирув қаерда тўқилаётганидан хабардор эканини таъкидлади.

«Онадолу» ахборот агентлиги хабарига кўра, Човушўғли кеча Истанбулда берган баёнотида «айрим томонлар (унинг кимлигини очиқламади), Сайкс-Пико битимидан 100 йил ўтиб, бугун минтақа чегараларини қайта белгилашга уриняпти», деди.

Маълумки, Сайкс-Пико 1916 йил 16 майда Британия билан Франция ўртасида имзоланган яширин битим бўлиб, ундан Ўрта Шарқ минтақасини парчалаш мақсад қилинган.

Турк масъули «Биз буни Сурияда бошимиздан ўтказган ҳодисалардан ҳамда Ироқ шимолини бўлишга оид референдумдан ўз танимизда ҳис қилдик. Бироқ биз ташлаётган қадамларимизга аминмиз», дея қўшимча қилди.

Кейин қуйидаги сўзлар билан давом этди: «Аммо биз минтақага қарши тўқилаётган бу ўйин сценарийси қаерда ёзилаётганини жуда яхши биламиз, ўйинчи қўғирчоқларни ҳам, уларни ўйнатаётганларни ҳам биламиз».

Турк масъулининг бу баёноти Ироқ шимолидаги Курдистон вилоятида ўтказилган референдум ортидан янгради. Ўтган душанба бўлиб ўтган референдум Ироқ ҳукумати билан регионал кучлар, Эрон, Туркия давлатлари ўртасидаги тарангликни кучайишига сабаб бўлди.

Роя газетаси шарҳи:

Маълумки, Туркиядаги илмоний режим Усмоний Халифалик давлати қулатилиши ортидан пайдо бўлди ва мана шу Сайкс-Пико чиқиндиларидан ясалди. Бу машъум битим «1916 йил май-апреллар орасида Франция, Англия ва Россия ташқи ишлар вазирликлари ўртасида ҳужжат алмашув шаклида тузилди». Бугунга келиб турк масъулининг ўз чегараларини шу битим асосида мудофаа қилаётгани Ислом Уммати бошига тушган мусибатларнинг навбатдагисидир. Мусулмонлар юртларининг бўлиниш ва парчаланишини тўхтатиб қолиш учун, уларни битта давлатга, шу давлат аҳли ақидаси асосида бирлаштиришга ҳаракат қилмоқ даркор. Ана шунда бу давлатимиз мустамлакачи давлатлар режаларига қарши тура олади. Ваҳоланки, Човушўғли айтгиси келмаётган томон, АҚШ етовидаги мана шу мустамлакачи давлатлардир. Минтақанинг парчаланишини тўхтатиб қолиш Сайкс-Пико чегараларига амал қилиш билан эмас, аксинча, салибчи мустамлакачилар ҳукмронлиги остидан чиқиш билан ҳамда шу чегараларнинг барчасини ўз сояси остида бирлаштирувчи Ислом давлатини барпо этиш билан бўлади. Зотан Ислом давлати Уммат ҳисобига еб ётган мустамлакачи давлатлардан ўзининг барча бойлик ва потенциалларини албатта қайтариб олажак.

Роя газетасининг 2017 йил 4 октябр чоршанба кунги 150-сонидан