Сиси ҳарбий шайлик ҳақида баланд овозда гапирмоқда, аммо қарорни Америка қўлида қолдирмоқда!

Америкага тобе Миср режими ички ва ташқи сиёсатда одатдагидек, хожаси Америка унга юклаган вазифаларни бажармоқда. Ушбу лойиҳалардан бири — Америка манфаатлари йўлида Яманда давом этаётган ифлос урушга қўшилишга тайёргарлик кўришдир. Сиси ва унинг одамлари томонидан айтилган, гўёки бироз ғурур ва мустақилликни намоён этадиган баёнотлар эса фақат оммавий ахборот воситалари учун мўлжалланган холос.

Шунинг учун Сисининг минтақада мисли кўрилмаган муаммо ва ўзгаришлар юз бераётган бир шароитда, Қуролли кучлар Олий кенгашининг Янги пойтахтдаги Стратегик қўмондонлик қароргоҳида бўлиб ўтган йиғилишида ҳарбий муассасадан энг юқори даражадаги шайлик ва жанговар тайёргарликни сақлашни талаб қилгани жиддий қабул қилинмаслиги керак. Бу йиғилиш Миср ва Қуролли кучларнинг 1973 йил октябрь ғалабаларининг эллик уч йиллигини нишонлашига тўғри келди. Унинг бундай баёнот ва талабларини мамлакатга жиддий хавф таҳдид солаётгани, Сиси эса мамлакат ва аҳоли хавфсизлигини ҳимоя қилиш учун унга қарши курашга тайёргарлик кўраётгани сифатида тушунмаслик лозим. Агар бу талаб чиндан ҳам жиддий бўлса, у ҳолда минтақадаги Америка лойиҳаларини амалга оширишга хизмат қилади.

Миср режими ҳам мусулмон юртларида ҳукм сураётган бошқа малай режимлар каби мустамлакачилар томонидан Умматнинг бўйнига миндирилган. Унинг вазифаси Умматни эзиш, қашшоқлаштириш, зулм қилиш ва хорлаш, Исломнинг ҳокимиятга қайтишини тўсиш ҳамда шу мақсад йўлида холис ҳаракат қилаётган кишиларга қарши курашишдан иборат. Шунинг учун бу режимнинг Ислом ва мусулмонлардан бошқа душмани бўлиши мумкинлигини тасаввур қилиб бўлмайди. Сисининг «мамлакат барқарорлигини нишонга олаётган таҳдидлар давом этаётгани» ҳақидаги огоҳлантиришини ҳам айнан шу нуқтаи назардан тушуниш лозим. Унинг ўз ибораси билан айтганда, Миср давлати «ўз муассасалари билан кучли, халқ иродаси билан жипслашган ҳамда миллий хавфсизлигини ҳимоя қилиш ва имкониятларини асрашга қодир» эмиш.

Миср режими Эфиопиянинг Нил дарёсида қурган «Наҳда» тўғони ва бошқа тўғонлари туфайли юзага келган стратегик таҳдиддан хавотирда, деб ўйлаган киши адашади. Бу тўғонлар яҳудий вужудининг қўллаб-қувватлаши билан қурилган. Агар «Наҳда» тўғони ва Мисрга таҳдид солаётган стратегик хавф режимни чиндан ҳам ташвишга солганида, у Эфиопияга бу тўғонни қуришга дастлабдан рухсат бермаган бўлар эди. Бироқ тўғон қурилиши 2011 йилда бошланганидан, 2022 йилда электр энергияси ишлаб чиқариш йўлга қўйилганидан ва ўтган йил сентябрь ойида расман очилганидан буён режимнинг қўлидан фақат қоралаш ва норозилик билдириш келди. Охир-оқибат, Сисининг Эфиопия бош вазири Аби Аҳмаддан Миср миллий хавфсизлигига зарар етказмасликка қасам ичишни сўраши билан бу иш шармандали масхарабозликка айланди!

Шу сабабли Сисининг Мисрга таҳдидлар ҳамон мавжудлиги, минтақадаги инқироз ва беқарорлик шароитида «Миср барқарорлигига путур етказишга қаратилган режалар тўхтамагани» ҳақидаги баёнот ва огоҳлантиришлари ҳам жиддий эмас. У айтган гапларини чиндан назарда тутмаяпти ва уларга ўзи ҳам ишонмайди. Бу баёнотлар ҳам оммавий ахборот воситалари учун айтилган холос.

Сисининг Эфиопиянинг соҳилбўйи давлатлари манфаатларига зарар етказган ҳолда Қизил денгизга чиқиш имкониятини таъминлашга қаратилган ҳар қандай чораларга қарши экани ҳақидаги гапларига келсак, Эфиопия денгизга чиқиш йўлини қўлга киритишга интилаётган ва буни «энг олий миллий устувор вазифа» деб билаётган бир пайтда, бу масала Эфиопия билан тобора кучайиб бораётган зиддият фонида кўтарилмоқда. Бироқ бу ишнинг Миср режимига алоқаси йўқ. Бу бутунлай Америкага тегишли масаладир. Эфиопия ва Эритрея режимлари ҳам, Сомалидаги режим ҳам Америкага малайдир. Улар ер юзидаги географик вазиятни Америка рухсатисиз ўзгартира олмайдилар. Сиси каби малай бир шахснинг ўз хожаси Америка минтақадаги ўзига қарашли режимлардан бирининг манфаати учун рухсат берган лойиҳани қабул қилиши ёки тўсқинлик қилиши мумкинлигини тасаввур қилиб бўлмайди.

Шунинг учун ўтган якшанба куни Аламайн шаҳрида Миср, Сомали, Эритрея ва Судан ҳукмдорлари иштирокида ўтказилган тўрт томонлама маслаҳатлашув саммити Америка уларга топширган вазифаларни тақсимлаш учун бўлиб ўтган учрашувдир. Бу вазифалар Эфиопия ва унинг Қизил денгизга чиқиши масаласига ҳам, уларга одатда юкланадиган бошқа ифлос вазифаларга ҳам тааллуқли бўлиши мумкин. Бу эса оммавий ахборот воситаларида эълон қилинганидек, «Қизил денгиз бошқаруви фақат соҳилбўйи давлатларининг мутлақ масъулияти эканини тасдиқлаш» учун ўтказилган учрашув эмас.

Миср режимининг ҳарбий сафарбарликни намойиш қилишига сабаб бўлган яна бир масала қолди. Бу — иброний тилдаги оммавий ахборот воситалари яҳудий вужуди ахборот воситалари эълон қилган ҳисоботдан келтирган маълумотлардир. Ундаги ҳужжатда шундай дейилган: «Тинчлик келишувларига қарамай, келажакда Миср ва Иордания яна душман давлатларга айланиши мумкин. Шунинг учун уларни эҳтимолий таҳдид деб ҳисоблаш ва бундай эҳтимолга қарши кенг қамровли амалий режалар тайёрлаш лозим».

Яҳудийларнинг Умматга нисбатан душманлиги Расулуллоҳ ﷺнинг қуйидаги ҳадислари амалга ошмагунча давом этади:

«لَا تَقُومُ السَّاعَةُ حَتَّى يُقَاتِلَ الْمُسْلِمُونَ الْيَهُودَ، فَيَقْتُلُهُمُ الْمُسْلِمُونَ، حَتَّى يَخْتَبِئَ الْيَهُودِيُّ مِنْ وَرَاءِ الْحَجَرِ وَالشَّجَرِ، فَيَقُولُ الْحَجَرُ أَوِ الشَّجَرِ: يَا مُسْلِمُ، يَا عَبْدَ اللَّهِ، هَذَا يَهُودِيٌّ خَلْفِي، فَتَعَالَ فَاقْتُلْهُ، إِلَّا الْغَرْقَدَ، فَإِنَّهُ مِنْ شَجَرِ الْيَهُودِ»

«Қиёмат қоим бўлмайди, то мусулмонлар яҳудийлар билан жанг қилмагунларича. Шундай мусулмонлар уларни ўлдирадилар. Ҳатто яҳудий тош ёки дарахт ортига яширинса, тош ёки дарахт: “Эй мусулмон, эй Аллоҳнинг бандаси! Бунинг ортида яҳудий бор, келиб уни ўлдир!” дейди. Ғарқад дарахти бундан мустасно, чунки у яҳудийларнинг дарахтидир». Имом Муслим ривояти.

Бироқ бу урушни 1948 йилда ташкил топганидан бери яҳудий вужудига имконият яратиб берган, бугунгача уни қўллаб-қувватлаб ва ҳимоя қилиб келаётган Миср режими олиб бормайди. Муборак замин аҳлини доимий равишда ёрдамсиз қолдириши, яҳудийлар уларни шафқатсиз қираётгани ва кетма-кет қонли қатағонлар уюштирилаётганини кўриб туриб ҳам ҳеч нарса қилмаслиги — бунинг яққол мисолидир.

Шунинг учун яҳудий вужуди Мисрга зарба беришга қарор қилса — бундай ҳолат бир неча бор содир бўлган — Миср режими унга фақат Америка рухсат берган даражадагина жавоб қайтаради. Албатта, Америка бунга рухсат берса.

Бироқ яна бир бор таъкидлаш керакки, баъзилар режимнинг баёнотларини яҳудий вужудига қаратилган, унинг ахборот воситаларида эълон қилинган ҳисоботга жавоб сифатида тушунган бўлса, бу аслида хиёнаткор режимнинг моҳиятини нотўғри англашдан келиб чиққан хаёллардир. Ундан ҳеч қандай яхшилик кутиб бўлмайди. Бу режим Аллоҳга, Унинг Расулиﷺга ва мусулмонларга душман бўлган режимдир. Унинг ҳолати Аллоҳ таоло Қуръони Каримда келтирган қуйидаги мисолга ўхшайди:

﴿وَضَرَبَ اللَّهُ مَثَلًا رَجُلَيْنِ أَحَدُهُمَا أَبْكَمُ لَا يَقْدِرُ عَلَى شَيْءٍ وَهُوَ كَلٌّ عَلَى مَوْلَاهُ أَيْنَمَا يُوَجِّهْهُ لَا يَأْتِ بِخَيْرٍ هَلْ يَسْتَوِي هُوَ وَمَنْ يَأْمُرُ بِالْعَدْلِ وَهُوَ عَلَى صِرَاطٍ مُسْتَقِيمٍ﴾

«Аллоҳ икки кишини мисол қилиб келтирди: улардан бири гунг бўлиб, ҳеч нарсага қодир эмас. У ўз хожасига оғир юкдир. Хожаси уни қаерга юборса ҳам, у яхшилик келтирмайди. Энди шу киши адолатга буюрадиган ва тўғри йўлда бўлган киши билан тенг бўладими?» (Наҳл сураси, 76-оят).

Ҳизб ут-Таҳрир — Миср вилояти матбуот бўлими аъзоси

Устоз Саид Фазл

Роя газетасининг 2026 йил 21 октябр чоршанба кунги 622-сонидан