Сохта мустақиллик ва сароб суверенитет!

Ироқ Вазирлар Кенгаши давлат муассасаларида расмий иш фаолиятини 2026 йил 30 сентябрь, чоршанба кунидан 3 октябрь, шанба кунига қадар тўрт кунга тўхтатиш ҳақида қарор қабул қилди. Ироқ Бош вазири матбуот хизмати ушбу қарор «Ироқ Республикасининг суверенитет кунлари»ни нишонлаш муносабати билан қабул қилинганини маълум қилди.

Бу чора-тадбирлар 2024 йил сентябрь ойида Ироқ ва Америка ўртасида халқаро коалициянинг Америка бошчилигидаги ҳарбий вазифаларини тугатиш ҳамда хавфсизлик соҳасидаги муносабатларни икки томонлама ҳамкорлик доирасига ўтказиш ҳақида тузилган келишувнинг давоми бўлди.

Бу муносабат билан Ҳизб ут-Таҳрирнинг Ироқ вилояти матбуот хизмати ўз баёнотида қуйидагиларни таъкидлади:

«Кофир мустамлакачи Ғарб Усмоний Халифаликни ағдариб, мусулмонлар ишларини рувайбиза ҳукмдорлар қўлига топширганидан буён мусулмонлар юртларида барпо этган митти давлатчалар мусулмонларни алдаш ва мағлубиятларни уларга ғалаба сифатида тақдим этишга одатланиб қолган. Сайкс–Пико битимидан кейин ташкил топган барча давлатларнинг мустақиллик куни деб аталадиган байрамлари бор. Бу — босқинчи ҳарбий кучлар мусулмонлар юртларидан чиқиб кетган кундир. Улар бундан олдин ўзлари учун сиёсий тизимни белгилаб, манфаатларини ҳимоя қилишга содиқ бўлган, халқни куч ва зўравонлик билан бошқарадиган малай ҳукмдорларни ҳокимият тепасига ўтқазиб кетган эдилар.

Ҳа, кофир мустамлакачининг ҳарбий мавжудлиги мусулмонларнинг ғазабини қўзғатди ва улар босқинчиларга қарши шиддатли қаршилик кўрсатдилар. Бу қаршилик мусулмонлар юртларининг кўпида босқинчиларни оғир аҳволга солиб қўйди. Охир-оқибат босқинчи ўзининг бу юртларда қолиши қимматга тушиши ва хавфли эканини англади. Шунда у мусулмонларда сиёсий онгнинг йўқлигидан фойдаланиб, уларни алдади ва сохта, расмий тусдаги мустақилликка эришганларига ишонтирди. Ваҳоланки, у сиёсий, иқтисодий ва сақофий тизим устидан ҳукмронлигини ҳануз сақлаб қолган эди. Бугун Ироқ ҳукумати ҳам суверенитет ва мустақиллик куни ҳақида қайта-қайта эълон қилмоқда. Ҳолбуки, бу жароҳатланган мамлакат ўз ишларини мустақил ҳал қилиш имконига эга эмаслигини узоқ-яқиндаги барча яхши билади!

Бош вазирнинг ўзи бу лавозимга фақат Америка амри ва унинг розилиги билан келган бўлса, у қандай суверенитет ҳақида гапирмоқда?!

Мамлакат хавфсизлигига дахлдор масала бўйича Американинг кўрсатмаси ва Эрон элчисининг ҳозирлигисиз бирор қарор қабул қила олмаса, у қандай суверенитет ҳақида гапирмоқда?!

Мамлакатнинг сиёсий тизими ва конституциясини америкалик босқинчи шакллантирган бўлса, у қандай мустақиллик ҳақида гапирмоқда?!

Мамлакат иқтисодиёти ва маблағлари америкалик босқинчининг чангалидан чиқмаётган бўлса, у қандай мустақиллик ҳақида гапирмоқда?!

Ҳақиқий суверенитет куни кофир босқинчининг ҳарбий, сиёсий, иқтисодий ва сақофий илдизларини бутунлай қўпориб ташлаш билан юзага келади. Бу эса фақат Халифаликни барпо этиш йўлидаги жиддий ва холис саъй-ҳаракатлар ҳамда динни барпо этадиган, куфр ва унинг аҳлига қарши жиҳод қиладиган Рошид Халифага байъат бериш билангина амалга ошади. Ана шунда, фақат ана шундагина Уммат қувонч ва шодликка ҳақли бўлади ҳамда бу қувончини Аллоҳ таолога шукр қилиб сажда қилиш билан ифода этади».

Роя газетасининг 2026 йил 28 октябр чоршанба кунги 623-сонидан