بِسْمِ اللهِ الرَّحْمنِ الرَّحِيمِ

Тинчликни ким беради?

وَإِذَا مَسَّ الْإِنسَانَ ضُرٌّ دَعَا رَبَّهُ مُنِيباً إِلَيْهِ ثُمَّ إِذَا خَوَّلَهُ نِعْمَةً مِّنْهُ نَسِيَ مَا كَانَ يَدْعُو إِلَيْهِ مِن قَبْلُ وَجَعَلَ لِلَّهِ أَندَاداً لِّيُضِلَّ عَن سَبِيلِهِ قُلْ تَمَتَّعْ بِكُفْرِكَ قَلِيلاً إِنَّكَ مِنْ أَصْحَابِ النَّارِ

“Қачонки инсонни зарар тутса, Роббисига тавба қилган ҳолида дуо қилади. Сўнгра унга (Аллоҳ) Ўз фазлидан неъмат берса, олдин дуо қилиб турган нарсасини унутади ва Аллоҳга Унинг йўлидан адаштирмоқ учун тенгдошлар қилади. Сен (Эй Муҳаммад, ана шундай одамларга): «Куфринг билан бир оз ҳузурланиб тур. Албатта, сен жаҳаннам эгаларидансан», деб айт”.   (Зумар. 8)

Дунё ўзгармоқда, дунё мусулмонларининг кўзи очилиб, куфрнинг нима эканлигини, унинг мақсади нима эканлигини тушуниб бормоқда, лекин Ўзбекистон мусулмонлари эса, хамон бир ҳилда сийқаси чиққан гаплар билан ўзларини ўзлари алдаб юришибди. Хозирда жамиятимизда “Бизда тинчлик”, “Бу тинчликни Каримов ушлаб турибди”, “Шу президент бўлмаса бундай тинчликлар бўлмайди” каби, асл моҳиятига эътибор берилганда, инсонларни золим Каримовга сиғинишга олиб бораётган, уни улуғлашга, буюклаштиришга, доҳийлаштиришга олиб бораётган гапларни учратаяпмиз.  

Нега шундай? Золим Каримов хақиқатдан ҳам тинчлик гаровими? Асл тинчликни бергувчи ким? Бундай натижага золим Каримов қандай эришаяпти?

Бу саволларга жавоб қидираман десангиз, ёки жуда кўп ёзиш керак, ёки биргина, бундай ахмоқона хийлаларнинг жавоби биргина, хақиқий адолат юргизувчи Халифалик давлати барпо бўлиши холос, деган жавобни айтиш мумкин.

Лекин шундай бўлса ҳам, ушбу мавзуда, яъни тинчликни инсонларга таъминловчи аслида ким эканлиги ҳақида кўп эмас, озгина мулоҳаза қилиб кўрдик.

خَلَقَ السَّمَاوَاتِ وَالْأَرْضَ بِالْحَقِّ يُكَوِّرُ اللَّيْلَ عَلَى النَّهَارِ وَيُكَوِّرُ النَّهَارَ عَلَى اللَّيْلِ وَسَخَّرَ الشَّمْسَ وَالْقَمَرَ كُلٌّ يَجْرِي لِأَجَلٍ مُسَمًّى أَلَا هُوَ الْعَزِيزُ الْغَفَّارُ

“У(Аллоҳ) осмонлару ерни ҳақ билан яратган, кечани кундуз устига ўрайдиган, кундузни кеча устига ўрайдиган, қуёш ва ойни бўйсундирадиган Зотдир. Ҳар бири белгиланган муддатида юради. Огоҳ бўлингким, У ўта Азиз ва ўта Мағфиратли Зотдир”. (Зумар. 5)

فَمَن كَانَ يَرْجُو لِقَاء رَبِّهِ فَلْيَعْمَلْ عَمَلاً صَالِحاً وَلَا يُشْرِكْ بِعِبَادَةِ رَبِّهِ أَحَداً

“Ким Роббисига рўбарў келишни умид қилса, яхши амал қилсин ва Роббиси ибодатига бошқа биронтани шерик қилмасин”.   (Каҳф. 110)

Яъни Аллоҳга ибодат қилишда, мусулмон одам ҳамма нарсани Ундан деб билиш керак, тинчликни, хотиржамликни, урушни, мўл – кўлчиликни, қонунларни, ҳаёт тарзини бошқариш услубларини ва хоказо. Агар бу ишларда Аллоҳдан бошқа биронтасини шу ишларга қодир, деб хисобласа, у холда  

وَمَن يُشْرِكْ بِاللّهِ فَقَدْ ضَلَّ ضَلاَلاً بَعِيداً

“Ким (Аллоҳга хос бўлган ишларда)Аллоҳнинг шериги бор, деб хисобласа, аниқ адашиш билан адашибди.”  (Нисо. 116)

Яъни бу дунёда бўладиган тинчлик, хотиржамлик ва бошқа холатларни таъминловчи на золим Каримов ва на бошқа биронта инсон бўла олмайди. Инсонларга тинчлик ва бошқа неъматларни берувчи, ёки унга зомин, гаров бўлувчи ягона Зот Аллоҳдир, ундан бошқа бирон кимсани бу каби, Аллоҳнинг хаққи бўлган ишларга нисбатини беришга инсоннинг хаққи йўқ.

اللَّهُ خَالِقُ كُلِّ شَيْءٍ وَهُوَ عَلَى كُلِّ شَيْءٍ وَكِيلٌ

“Аллоҳ ҳар бир нарсанинг яратгувчисидир. Ва У ҳар бир нарсага вакилдир”. (Зумар. 62)

أنَّ النّبيَّ (صلى الله عليه وسلّم) قالَ: سَلُوا اللهَ العَفْوَ والعَافيةَ، فإنَّ أَحَدًا لم يُعْطَ بعدَ اليَقِينِ خيرًا مِن العَافيةِ

Пайғамбар соллаллоҳу алайҳи ва саллам дедилар: “Аллоҳдан авф қилишини ва тинчлик, хотиржамликни сўранглар, чунки бандага иймондан кейин хотиржамликчалик яхши неъмат берилмаган”. Ал жомеъ ас саҳиҳ.

Яъни бандага тинчлик, хотиржамлик каби неъматларни фақатгина Аллоҳ беради ва буларни сўрашда ҳам, фақатгина Аллоҳдан сўралади, буларни бандаларга таъминотини ҳам фақатгина Аллоҳ Ўз зиммасига олган, биронта банда ўзича, тинчлик ёки хотиржамликни, ўзининг тузиб чиққан тадбирлари билан таъминлай олмайди. Хусусан золим Каримов ҳам.

Мусулмонларинг эътиқодий душмани бўлган золим Каримов, бундай натижага, яъни одамларнинг “Юртимиздаги тинчлик хотиржамлик гарови президент Каримов, шу одам борлиги сабабидан Ўзбекистон тинч турибди” каби тушунчаларга келиб қолишига қандай эришди?

Бунинг сабаби оддий, Ўзбекистонда ўзи тузган қонунларга ҳам амал қилмайдиган Каримов, ясама сайловлар билан тахтга ўрнашиб олганидан кейин, ушбу тахтни олиб қўйиши мумкин бўлган рақибларни текшириб чиқди. Булар мухолифатчи демократлар ва Исломий тузумни татбиқ қилишни хоҳловчи мусулмонлар эканини кўрди. Бу вақтда, Ўзбекистон аҳолиси асосан, коммунистик ғояларга, Лениннинг доҳийлигига қаттиқ ишонган – яъни шахсга сиғинишга ўрганиб қолган – ва эндиликда эса, кенг далага қўйиб юборилган бир гала сингари эди, яъни уларни бирон нарсага ишонтириб, бирон мафкура билан алдаш керак эди. Исломий мафкурани енга оладиган бошқа бирон мафкура, тушунча йўқлигини кўрган Каримов халқни, эски, ўзи ўрганиб қолган йўналишда, шахсларни улуғлаб, бирон шахсни умматга буюк қилиб кўрсатиш орқали алдаш билан бошқариш осон бўлишини тушуниб қолди ва мамлакатни, “Энг асосий мақсадимиз тинчлик, бу тинчликка эса, фақатгина Каримов билан эришиляпти” деган тушунчани одамлар онгига сингдириб борилди. Одамларнинг онгини очишга уринаётган Исломий мафкура эгаларини эса, диний экстремистик гуруҳ, деган қонунларни тузиб чиқиб, йўқ қилишни йўлга қўйди ва хозирда ҳам давом этиб келмоқда.

Хулоса қилиб айтадиган бўлсак, Ўзбекистон мусулмонлари кўзларини очиш вақти келди. Ушбу умматни 23 йилдан бери, ўзининг манфаатлари йўлидан хоҳлаганидек тазйиқлар билан хорликда ушлаб келаётган бу золим президент уммат тинчлигини у ёқда турсин, хатто ўзининг тинчлигини ҳам таъминлашга қодир эмас, зеро бундай нарсаларни фақатгина Аллоҳ бергувчидир.

Ушбу золим президент ўзининг тузган қонунларига ҳам амал қилмасдан, мусулмонларни тинимсиз қамоқлар, зиндонлар билан жазолаб келмоқда, бундан ташқари, уммат устига жорий қилаётган хорликларни санаб тугатиб бўлмай қолди. Умматга тегишли бўлган олтин, нефт, газ, уран каби табиий бойликларни атрофга сотиб, улардан келган даромадни эса, яъни бюджет пулларини, ушбу уммат пулларини, қаерга кетганини яшириб, яна бюджетда пул етишмовчилиги деб, хатто қарияларнинг пенсияларини ҳам пластик карточкага ўтказиб, иқтисодий тазйиқнинг ҳар қандай, имкони бор турини қўллаётгани туфайли умматнинг бор ташвиши бир илож қилиб қорнини тўйғазиш бўлиб қолди, натижада хамма ер тинч, қорнидан ортиб хаққини талаб қилишга мадорли одамнинг ўзи йўқ. Мазкур қашшоқ аҳолининг фикрларини эса, расмий ОАВ ва Каримовга содиқ хизмат қилаётган, аксар аҳоли чин ихлос билан ишонадиган дин арбоблари, тинимсиз ушбу тинчлик президент сабабли эканини таъкидлаш билан, бир хилда қотириб ушлаб турибди. Баъзи одамларнинг бой бўлаётгани эса, жуда кам коэфицентда бўлиб, улар мазкур жамиятда яхши яшаётгани сабабидан Каримовга тасаннолар айтиш билан чегараланмоқда.

Эй Ўзбекистон мусулмон уммати, кўзингизни очинг!

Сизларни, юртимиз тинч, деган алдов билан, шунча йилдан бери хорлаб келаётган Каримов зулмидан ўзингизни халос этиш вақти келди. Устингизда куфр қонунуларини жорий қилиб сизларнинг хаққингизни талаб кетаётгани қачонгача қараб турасиз? Қачонгача Аллоҳдан қўрқиш ўрнига ушбу золимдан қўрқасиз? Хақиқий қўрқишимиз учун муносиб Зот Аллоҳ эмасми?!

وَتَخْشَى النَّاسَ وَاللَّهُ أَحَقُّ أَن تَخْشَاهُ

“Одамлардан қўрқасан, қўрқишинг учун лойиқ Зот Аллоҳдир”. (Ахзоб. 37)

أَتَخْشَوْنَهُمْ فَاللّهُ أَحَقُّ أَن تَخْشَوْهُ إِن كُنتُم مُّؤُمِنِينَ

“Одамлардан қўрқасизларми? Агар мўъмин бўлсангиз, қўрқишингиз учун муносиб Зот Аллоҳдир!” (Тавба. 13)

Ҳизб ут-Таҳрирнинг Ўзбекистондаги медиа офиси Муслим

23.05.2014