بِسْمِ اللهِ الرَّحْمٰنِ الرَّحِيمِ

Фаластин аҳлига ёрдам беришни даъво қилаётган Қатар ҳукмдорлари яҳудий вужуд билан муносабатларни нормаллаштиришмоқда!!!

Яҳудий вужуди делегацияси болалар жарроҳлиги бўйича халқаро конференцияда иштирок этиш учун Қатар пойтахти Давҳага сафар қилди. Ўз навбатида, Ҳизб ут-Таҳрир – муборак Фаластин вилояти матбуот бўлими ўзининг веб-сайтида босқинчи яҳудийларнинг айни сафарига нисбатан матбуот баёноти нашр қилиб, унда қуйидагиларни таъкидлади:

«Яҳудий вужуди муносабатларни нормаллаштиришга қаратилган ўзининг ушбу сафарини, Ғазо секторига ваҳшиёна ҳужум қилишидан бир неча кун ўтказиб амалга оширди. Қурбон бўлганлар қони ҳали қуримаган ҳам эди! Босқинчи яҳудийлар бу билан гўё «мана, бизни Ғазога уруш қилишдан ва Ақсо масжидига бостириб киришдан, Ғарбий Соҳилда янги-янги манзилгоҳлар қуришдан ҳеч нарса тўсолмайди. Чунки биз билан араб давлатлари тинимсиз муносабатларни нормаллаштириб туришибди», деган мазмунда мужда юборишмоқчи». Матбуот баёнотида яна қуйидагича қўшимча қилинди:

«Қатар ҳукмдорларининг Фаластин ва унинг аҳлига нисбатан қилган хиёнат ва юзсизликлари яҳудий вужуди билан муносабатларни нормаллаштириб келган аввалги ҳукмдорлардан ҳам ўтиб кетди. Улар босқинчи яҳудийларнинг илигига куч бўладиган ва башараларини яхши қилиб кўрсатадиган нимаики иш бўлса, барчасини қолдирмай қилишяпти. Шундай бўла туриб, яна Ғазо аҳлини қўллаб-қувватлашларини ва уларга ёрдам беришларини даъво қилишмоқда!». Матбуот баёнотида яна қуйидагилар таъкидланди:

«Қатарнинг ҳозирги ва аввалги ҳукмдорларининг яҳудийларни тақдирлашлари, уларнинг Фаластиндаги босқинчиликларини мустаҳкамлашга зўр бериб ҳаракат қилишлари ҳамда уларнинг минтақадаги нуфуз доираларини кенгайтиришга уринишлари, буларнинг барчаси фақат битта нарсага, яъни, Умматларидан алоқани бутунлай узиш ва душман сафига ўтишда уларнинг қарорлари қатъий эканига далолат қилади». Баёнотда қуйидаги саволлар ўртага ташланган:

«Фаластин қаршилик ҳаракати шунча фош бўлиб қолган сиёсат ва ҳодисаларни кўра туриб, наҳотки, шуларни кўриб-билиб туриб ҳам Қатарнинг заҳриқотил ёрдамларидан бош тортмаса?! Наҳотки, Фаластин масаласини йўқ қилишга қаратилган ўзининг жинояткорлик ролини бас қилиб, Аллоҳнинг изни ила нусрат қучувчи Умматимиз томонига ўтмаса?!». Баёнот сўнггида бундай дейилди:

«Қатар ҳукмдорлари ҳам, бошқа араб давлатлари ҳукмдорлари ҳам ҳеч қачон яҳудий вужудига қарши ҳақиқий душманлик позициясини эгаллашмаган. Улар бу вужудни йўқ қилиш ҳақида бирор марта ҳам ўйлаб кўришмаган. Аксинча, улар доим босқинчилар жонига қувват бўлувчи донор, хавфсизликларини сақловчи қўриқчи вазифасини бажариб, қўрқоқ қуёнюраклар бўлиб келишган. Кўп ўтмай замон ўзгаради. Уммат ўзининг тортиб олинган ҳокимиятини қайтариб олиб, бу мунофиқларни ҳам, босқинчи яҳудийларни ҳам илдизи билан қўпориб ташлайди. Ўшанда Умматга қарши тил бириктириб, душман томонга ўтганларнинг барчасига пушаймонлик асло фойда бермайди.

Роя газетасининг 2019 йил 27 ноябр чоршанба кунги 262-сонидан