بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Яман: Ғарб давлатлари ўзаро курашмоқда, бу кураш оловига мусулмонлар ёқилғи бўлмоқда

Халқаро соғлиқни сақлаш ташкилоти: Яманда 6 мингдан зиёд одам ҳалок бўлган 32 минг одам  жароҳат олган

Халқаро соғлиқни сақлаш ташкилоти 2015 йил март ойидан жорий йилнинг июл ойи охирига қадар Яманда 6 минг 600 инсон ҳалок бўлганини, 32 минг 464 инсон жароҳат олганини хабар қилди.

Ташкилотнинг Ямандаги идораси Твиттер ижтимоий тармоғидаги расмий ҳисобида 5 август жума куни чиқарган ҳисоботга кўра, Яманда кечаётган кураш оқибатида 2015 йил мартдан ўтган июл ойи охирига қадар ҳалок бўлганлар ва жароҳатланганлар сонида 2015 йилдан роппа-роса бир йил олдингига нисбатан пасайиш мавжуд.

Айни камайишга қарамасдан, Ямандаги касалхоналар ҳануз жароҳатланганларга етарли даражада ёрдам кўрсатишга яроқсиз аҳволда.

Ҳисоботга кўра, кураш натижасида ҳалок бўлганларнинг энг юқори сони 2015 йил июл ойи қайд этилган, яъни 1094 шахс ҳалок бўлган. Ўша йилнинг май ойида 964 шахс ҳалок бўлган бўлса, кейин июнга келиб 873 шахс ҳалок бўлган.

Бу сон 2015 йил охирларига келиб камая бошлаган. Яъни октябрда 271 шахс, кейин декабрда 117 шахс ҳалок бўлган.

Жорий йилнинг етти ойида ҳалок бўлганлар сонида пасайиш сезилди. Яъни 2015 йилги 5 минг 989та ҳалок бўлган шахсга нисбатан солиштирганда 611 шахс ҳалок бўлган.

Жароҳатланганлар ҳақида ҳисоботда келтирилишича, уруш бошлангандан бери ўтган йилнинг июн-июл ойларида энг юқори рақам қайд этилган. Яъни июнда 6 минг 265 шахс, июлда 5 минг 268 шахс жароҳатланган. (Русиял Явм).

Роя газетасининг 2016 йил 10 август чоршанба кунги 90-сонидан