بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Исломни барпо қилинг, илмонийликни йўқ қилинг

Навоз Шариф шарафидан воз кечди, юзсизлик қилди, илмонийлар кирган инга кирди… шундай қилсам Вашингтон ҳокимиятда яна олиб қолади деб ўйлади

Аммо Вашингтон ундан ҳаргиз рози бўлмайди

Покистон парламентида «исломчи» ва илмоний депутатлар бир неча соат қизғин баҳслашгандан сўнг, ниҳоят 2016 йил 6 октябр пайшанба куни «шараф (номус) жинояти (шарафни ҳимоя қилиш учун қотиллик содир этиш)»ни содир этган шахсни – ҳатто қариндошлари афв қилса ҳам – умрбод қамоқ жазосига ҳукм қилиш тўғрисида қарор қабул қилишди. Бош вазир Навоз Шариф, Ғарб пойтахтларидан янграётган ноғораларга ўйнаган ҳолда, айни қонун лойиҳасини олқишлаб, «Номус жиноятини содир этувчида номус бўлмайди», деди. Сўнг «Мен ноҳукумат ташкилотлар, фуқаролик жамиятлари, академиклар, ахборот воситалари ва бошқа барча ушбу лойиҳанинг тасдиқланишида хизмат қилган ва бизга ёрдам берганларга миннатдорчилик билдираман», дея қўшимча қилди.

Бунга нисбатан Ҳизб ут-Таҳрир-Покистон вилояти айни режимнинг ўзи номуссиз эканини таъкидлайди. Чунки у буюк Исломнинг ўзи эркагу аёл ҳуқуқини кафолатлашига ва жамиятда бузуқлик тарқалишини олдини олишига қарамасдан, илмоний эркинликларга биноан қонун чиқармоқда. Навоз Шариф ҳам номуссиздир. Чунки у бузуқлик ва разолатга эшикларни ланг очиб бериб, ёшларни бузди. Бу ишларни ғарблик хўжайинларига ўзини илмоний сиёсатчи қилиб кўрсатиш мақсадида қилди, хўжайинлари унинг ўзини сариқ чақалик қадрламасликларига қарамай, иккинчи даврда ҳам Вашингтоннинг олқишлови остида қудратда қолиш илинжида шундай қилди. Росулуллоҳ САВ бундай деганлар:

«لَتَتَّبِعُنَّ سَنَنَ الَّذِينَ مِنْ قَبْلِكُمْ شِبْرًا بِشِبْرٍ وَذِرَاعًا بِذِرَاعٍ حَتَّى لَوْ دَخَلُوا فِي جُحْرِ ضَبٍّ لاَتَّبَعْتُمُوهُمْ‏» قُلْنَا يَا رَسُولَ اللهِ: الْيَهُودَ وَالنَّصَارَى؟ قَالَ: ‏«‏فَمَنْ؟»

«Албатта ўзларингиздан аввалгиларнинг йўлига қаричма-қарич, зироъма-зироъ (узунлик ўлчови) эргашасизлар. Агар калтакесак инига киришадиган бўлса, сизлар ҳам албатта унга кирасизлар. Шунда биз яҳудийлар ва насронийларми, ё Росулуллоҳ, деб сўрадик. Пайғамбар CAB: Бўлмаса ким?!, дея жавоб қилдилар».         (Имом Муслим ривояти).

Покистон режими шаръий аҳкомлар ва нусусларни инсонларнинг ҳаётий муаммоларини ҳал қилишдан узиб, илмонийликка чираниб ёпишмоқда. Парламент инсонлар муаммоларини ечишда ҳар бир замон ва маконга яроқли, кенгқамровли бўлиб келган шаръий нусуслар устида изланиш ўрнига, Ғарбнинг халқаро куфр ташкилотлари кўрсатмаларини итоат билан бажармоқда. Ҳолбуки, бу ташкилотларнинг ўзида на ҳаё бўлсин, на номус, улардан аёллар номусини, хусусан, муслималар номусини ҳимоя қилиш мутлақо кутилмайди. Чунки бу «номус» қонуни Ғарб андозасига ва унинг ҳаёсизлик, бузуқлик, очиқ-сочиқлик ва разолатга чақирувчи ташкилотлари ўлчовига асосланган ҳамда бунга «эркинлик», «аёллар ҳақ-ҳуқуқларини ҳимоя қилиш», деган нарсалар дастакланган.

وَدُّوا لَوْ تَكْفُرُونَ كَمَا كَفَرُوا فَتَكُونُونَ سَوَاءً

«Улар ўзлари кофир бўлганлари каби сизлар ҳам кофир бўлиб, улар билан баробар бўлиб қолишингизни исташади»    [Нисо 89]

Ҳақиқатдан ҳам улар мусулмонлардан ўз номусларига рашк қилмасликларини, ораларидаги фаҳш ишларни томоша қилиб, бунга эътироз билдирмасликларини исташяпти. Бу эса, ўз навбатида, иродаси бўш кимсаларни оқибатини ўйламай фаҳшга қўл уришга ундаяпти. Дарвоқе, яқинда сизиб чиққан бир видеолавҳа орқали Ғарб ҳазорати нақадар тубанлашганига бутун дунё гувоҳ бўлди. Бу видеода АҚШ президентлигига республикачилардан номзод Дональд Трамп аёл ҳақида шу даражада ҳақоратомуз гапирганки, ундан Ғарбнинг аёл кишига эркаклар ҳирсини қондирувчи бир мато сифатида қараши яққол намоён бўлган.

Агар Покистон режими аёл номусига нисбатан чиндан ҳам қизғанувчи бўлганда эди, эркагу аёлни фаҳшга ундаётган муаммоларни илдизи билан ҳал этишга киришган бўлар эди. Масалан, ёшлар орасида қўли юпқалик сабабли қари йигит ва қари қиз бўлиб қолиш муаммосини ҳал этиш, жамоат жойларида эркаклар билан аёллар аралаш юришларини тақиқлаш, аёлларга шаръий либос кийишни фарз қилиш, аёлларнинг ясан-тусан қилиб юришларини тақиқлаш, телевидениедан ва электрон сайтлардан аёл кишини эркак ҳирсини қондирувчи оддий мато, деб қаровчи Ғарб дунёқарашидан келиб чиққан кўрсатувларни намойиш этишни тақиқлаш… каби. Агар бу режим аёл номусига нисбатан чиндан ҳам қизғанувчи бўлганда эди, эркак ва аёлларга таълим программасида, ахборот воситаларида, масжидларда ва бошқа ерларда Исломнинг ижтимоий ҳаёт ҳақидаги тушунчаларидан маърифат берган бўлур эди. Бироқ режим шундай қилиш ўрнига, таълим программасини ёшларни Исломдан узоқлаштирадиган ва динларидан сабоқ бермайдиган тарзда ўзгартиришга чиранмоқда. Булар ҳам камлик қилганидек, давлатнинг барча муассасаларида ғарбча маданиятни, унинг турмуш тарзини ёйиб, кўр-кўрона ғарблашишга тарғиб қилмоқда. Ваҳоланки, Ғарб юртларининг ўзида оналик, оталик, ҳурмат ва номус қадриятлари сариқ чақалик қадрланмайди. Аммо бу нарсаларни Навоз Шариф ва унинг гумашталари хаёлларига ҳам келтиришмайди, уларнинг асосий ғам-ташвишлари курсиларига маҳкам чирмашишдир, ҳатто бунинг учун охиратларидан ҳам воз кечиб юборишади.

Режимнинг «номус» қонуни лойиҳасини қабул қилиш билан қилган бундай қабиҳлиги, фақат Навоз Шарифнинг ҳокимиятни йўқотмасликка уринаётганига далолат қилибгина қолмай, балки юрт мусулмонларига аччиқ ҳақиқатни, Исломнинг ҳокимиятда даражама-даража татбиқ этилишига норозилик билдиришлари шарт, деган ҳақиқатни ҳам эслатади. Чунки даражама-даража мафкураси айни йўлнинг афсусланарли оқибатларига олиб келади, шу билан бирга, Исломга найранг ишлатиб, вазиятдан Исломга ҳужум қилишда фойдаланаётганларга ниқоб сифатида ҳам хизмат қилади. Шунинг учун мусулмонларга генерал Зиё даврида «исломлаштириш», номи билан ишлаб чиқилган қонунлардан фойдаланмаслик вожиб бўлади! Бирин-кетин келаётган ҳукуматларнинг ижтимоий муаммоларни ёлғиз Исломнинг кенгқамровли ечимлари билан ҳал қилиш ўрнига, ўзлари ишлаб чиқаётган қонунларини инкор этишлари лозим. Албатта, бу иш фақат Пайғамбарлик минҳожи асосидаги рошид Халифалик давлатидагина амалга ошади. Шунинг учун биз, эркагу аёл, ёшу кекса дохил барча мусулмонларни кенгқамровли Исломни татбиқ этмоқ учун, шу орқали номусларни ҳимоя қилиш, ҳурматларини қайта тиклаш ва ҳаммасидан ҳам муҳими, Аллоҳнинг ризосига ноил бўлиш учун Пайғамбарлик минҳожи асосидаги рошид Халифаликни барпо этишга даъват қиламиз.

يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّـهَ مَا أَمَرَهُمْ وَيَفْعَلُونَ مَا يُؤْمَرُونَ

«Эй мўминлар, ўзингизни ва аҳли-оилаларингизни ўтини одамлар ва тошлар бўлган дўзахдан сақланг. У (дўзах) устида қаттиқдил, қаттиққўл ва Аллоҳ ўзларига буюрган нарсага итоатсизлик қилмайдиган, фақат ўзларига буюрилган нарсани қиладиган фаришталар турур»    [Таҳрим 6]

Ҳизб ут-Таҳрирнинг Покистондаги матбуот бўлими

Twitter: http://twitter.com/htmediapak

Facebook: http://www.facebook.com/pages/Naveed-

Butt-Media-Office-HT/116266191744214

e-mail: Этот адрес электронной почты защищен от спам-ботов. У вас должен быть включен JavaScript для просмотра.">htmediapak@gmail.com

Webpage: www.hizb-pakistan.com

0

0

Related posts:

Миллий фаолият режаси АҚШ режасидир Кашмирни озод қилиш учун фақат хоин ва қўрқоқ кимсагина БМТ ва халқаро ҳамжамиятдан ёрдам сўрайди Ҳозир Ҳиндистон зўравонлигига барҳам бериш вақти етмаган бўлса, қачон етади?! Мустамлакачи Ғарб диний эркинликни таъминлаш баҳонасида Покистон таълим дастуридаги Исломнинг ҳар қандай изини йўқ қилмоқчи!