Фуқаролик давлати илмоний давлатнинг ўзгинасидир
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Фуқаролик давлати илмоний давлатнинг ўзгинасидир
Иордания режими Умматни чалғитмоқчи
Иордания режимининг «олтинчи мунозара ҳужжати»да «қонун мустақиллиги давлат асосидир» номли сарлавҳа остида қуйидаги сўзлар келди: «Фуқаролик давлати дастурга ва барчага одилона татбиқ этилувчи қонунларга таянади, чунки у илмоний давлатга маънодош эмас, сабаби, фуқаролик давлатида дин жамиятнинг ахлоқ ва қадриятлари низомини қуришда асосий омилдир, у дастуримизнинг ажралмас қисмидир, бизга Росулуллоҳ САВда намуна бор, ўшанда ул зот Мадинаи Мунавварага ҳижрат қилганларида барча қабила ва жамоалар билан алоқаларни тартиблаштириш мақсадида Мадина ҳужжатини ёзганлар». Яна бундай дейилган: «Қонун мустақиллиги билан унинг адолатли татбиқи бўлмаганлиги, бугун кўриб турганимиз аҳволга тушишда бош омил бўлган».
Биз Ҳизб ут-Таҳрир-Иордания вилояти аъзолари, Пайғамбарлик минҳожи асосидаги рошид Халифалик давлатини барпо этиш орқали исломий ҳаётни қайта бошлаш йўлида жиддий ва холис фаолият олиб бораётган эканмиз, фикрий ва сиёсий кураш йўли билан маъруфга буюриш ва мункардан қайтаришдан келиб чиқиб ҳамда Росулуллоҳ САВнинг бугун Иордания ва бутун оламдаги Уммати Исломия орзиқиб кутаётган Ислом давлатини барпо этишдаги тариқатларига эргашган ҳолда ҳаракат қилаётган эканмиз, қуйидагиларни таъкидлаймиз:
Фуқаролик давлати мафкураси илмоний давлат мафкурасининг ўзгинасидир ва у илмоний давлатга маънодошдир. Лекин режим ва у ердаги илмонийлар мусулмонларнинг илмоний давлатни рад этганларидан ҳафсалалари пир бўлгач, унга бўлган чақириқ ноғорасини пастроқ чалишни истаб, илмоний давлат атамасини фуқаролик давлати атамасига алмаштиришди, сохта атамаларни қўшишди, масалан, «фуқаролик давлатида дин асосий омилдир», «исломий манбага асосланган фуқаролик давлати» каби кўплаб адаштирувчи атамалар билан заҳарга асал аралаштиришга уринишмоқда, одамлар онгига – бу Исломга душманлик қилмайдиган, унга зид келмайдиган давлатдир, деган нарсани қуйишга уринишмоқда.
Фуқаролик давлати тушунчаси илмоний давлат тушунчасининг ўзгинаси бўлиб, Ислом ақидасига тамоман зиддир. Чунки унда ҳокимият Аллоҳ Субҳанаҳу ва Таолога берилмайди, аксинча инсонга берилади. Бугун фуқаролик давлати Исломий давлат ўрнига илгари суриладиган бўлиб қолди. Яъни дин давлатдан ажратилган, дин сиёсатдан, қонунчиликдан, ҳатто давлатнинг барча муассасаларидан узоқлаштирилган давлат таклиф қилинадиган бўлиб қолди. Аслида, иккала давлат ҳам битта маънони англатади. Қонун ва дастур мустақиллигининг ҳеч қандай дахли йўқ. Чунки ҳар қандай давлат тарифидан очиқ маълумки, ҳатто қонун ва дастурлардаги фасоддан яққол кўриниб турадики, қонунчиликда шахсларга ва халқ томонидан сайланган кенгашга таянилади, Исломнинг қонунчилик манбаига, яъни Китобу суннатга эмас. Дастурига дин жамиятнинг ахлоқ ва қадриятлари низомини қуришдаги асосий омилдир, деб ёзиб қўйиш билангина давлат Ислом давлати бўлиб қолмайди. Чунки Исломдаги бошқарув то ҳокимият мутлақ Аллоҳ Субҳанаҳу ва Таоло учун бўлмагунча асло рози бўлмайди, қонунчилик манбаларидан бирига айланишини қабул қилмайди. Чунки Исломий давлатдаги қонунчилик манбаи ёлғиз Исломдир. Аллоҳ Таоло бундай деди:
وَأَنِ احْكُم بَيْنَهُم بِمَا أَنزَلَ اللَّـهُ وَلَا تَتَّبِعْ أَهْوَاءَهُمْ وَاحْذَرْهُمْ أَن يَفْتِنُوكَ عَن بَعْضِ مَا أَنزَلَ اللَّـهُ إِلَيْكَ
«Улар ўртасида Аллоҳ нозил қилган нарса билан ҳукм қилинг, уларнинг ҳавойи нафсларига эргашманг ва Аллоҳ сизга нозил қилган ҳукмларнинг айримларидан сизни (буриб) фитнага солиб қўйишларидан эҳтиёт бўлинг» [Моида 49]
Юртдаги низолар, коррупция ва фитналарга қонун мустақиллигининг йўқлиги сабаб эмас, бу Умматнинг бугунги ҳолатига муқаррар омил бўлмаган. Бунинг бирдан-бир сабаби Исломнинг бошқарувдан ва давлатдан четлатилганидир, башариятнинг барча алоқа-муносабатларида Исломни ҳакам қилмасликдир. Энг рост сўзлагувчи бўлган Аллоҳ Таоло бундай демоқда:
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ
«Ким Менинг эслатмамдан юз ўгирса, бас, албатта унинг учун танг-бахтсиз ҳаёт бўлур ва Биз уни қиёмат кунида кўр ҳолда тирилтирурмиз» [Тоҳа 124]
Бунинг сабаблари жумласига, ҳукмдорларнинг кофир ва мустамлакачи душманларга тобеликлари, душманни юрт ва фуқаро устидан ғолиб қилиб, терроризмга қарши кураш ниқоби остидаги Исломга қарши курашида у билан ҳамкорлик қилишлари ҳам киради. Душманнинг Исломга қарши курашидаги қуролларидан бири эса, фуқаролик давлатидир. Душман бундан Уммат билан холис даъватни етказаётганлар ва уларнинг ҳақиқий уйғониш лойиҳаси ўртасига, яъни фақат Аллоҳнинг шариати ҳукмрон бўлган Исломий давлатни барпо этиш лойиҳаси ўртасига тўсиқ қўйишни кўзлайди.
Исломда давлат башарий давлатдир. У Ислом ақидаси устига қурилган сиёсий вужуд бўлиб, инсонлар ишларини исломий шариат билан бошқаради. Ушбу давлатда ҳукмронлик-мустақиллик шариатникидир, Уммат ёки халқники эмас, қонун чиқарувчиларники ҳам эмас. Ундаги раҳбар халифадир. Халифа ўз ҳукмронлигида байъат орқали Умматга таянади. У ҳозирги замон тили билан айтилаётган «диний давлат» ҳам эмас, чунки Исломда дин билан давлат ўртаси ажратилмайди ва Ислом давлатининг ўз фуқаролари билан бўлган муносабати ғамхўрлик ва раҳмат муносабатидир. Ислом давлатида этник озчилик, деган нарса ҳам йўқ, чунки у бошқариш ва ишларни тартиблаштиришдир, шу боис давлат ўз фуқароларидан ажратилмайди, балки уларнинг ҳар бири билан бир хил назарда муомала қилади, ирқи, ранги, жинси, дини… ва бошқа жиҳатларидан ажратмайди.
Энди, режимнинг Росулуллоҳ САВ ёзган Мадина ҳужжатини фуқаролик давлатига далил қилаётганига келсак, бу ғирт бўҳтон ва одамларни адаштиришдан ўзга нарса эмас. Бу билан фуқаролик давлатини Исломий давлат билан ниқоблаяпти. Мадина ҳужжати эса бир манҳаж бўлиб, унда мусулмонларни бир-бирлари билан ва уларга эргашганлар билан бўладиган муносабатлари белгиланган. Шунингдек, унда яҳудийлар зикр қилинган ва уларга маълум шартлар қўйилган, яҳудий қабилаларининг мусулмонлар билан қандай муносабатда бўлишлари белгиланган. Бундан очиқ кўриниб турибдики, яҳудийлар билан мусулмонлар ўртасидаги муносабат Исломни ҳакам қилиш асосида бўлган, айни муносабат Ислом салтанатига бўйсунувчи муносабатга айлантирилган, яҳудийларни Ислом давлати манфаати талаб қилган ишларга чеклаб қўйилган, яъни яҳудийлар ҳам Ислом давлатининг фуқаролари, деган эътиборда чекланган. Хўш, ушбу давлат қаердаю фуқаролик давлати қаерда?!
أَلَا سَاءَ مَا يَحْكُمُونَ
«Огоҳ булингизким, улар (бу қилмишлари билан) энг ёмон (яъни, ноҳақ) хукм чиқармоқдалар» [Наҳл 59]
Умматни адаштиришга, фикрларини заҳарлашга, миясига қоғозга ўралган ва диний тус берилган атамаларни қуйишга бўлган барча уринишлар ўтмайди энди. Чунки бугун фуқаролик давлати илмоний давлатнинг айнан ўзи эканига Уммат онги етади. Энди у фуқаролик давлати деган нарсага аҳамиятини қаратмайди, бу фикрнинг тақдири унутиш ва ахлат қутисига ташланиш билан тугайди. Режим бўлса, шундан бошқа нарсага ярамайдиган давлат орқали Ислом динини четга суришга, шаръий қонунчиликни ҳаётдан йўқ қилишга уриниб ётибди. Бундан олдин ҳам Иордания режими илмонийлик тарғиботларидан атиги бир сиқимига ўзининг заҳарли тупугини тупуриб, ўзига тобе ахборот воситалари орқали тарқатган эди. Буни у Ислом давлати бутун Умматнинг талабига айланганини, бу талаб рўёбга чиқишига қош билан қовоқ ўртасича вақт қолганини англагани сабабли шундай қилмоқда. Аммо яқинда золимлар қай оқибат сари кетишаётганини билиб олурлар.
يُرِيدُونَ لِيُطْفِئُوا نُورَ اللَّـهِ بِأَفْوَاهِهِمْ وَاللَّـهُ مُتِمُّ نُورِهِ وَلَوْ كَرِهَ الْكَافِرُونَ
«Улар Аллоҳнинг нурини оғизлари билан ўчирмоқчи бўлишади, Аллоҳ эса, гарчи кофирлар истамасалар-да, Ўз нурини тўла ёйгувчидир» [Саф 8]
Ҳизб ут-Таҳрирнинг
Иорданиядаги матбуот бўлими
Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">jordan_mo@hizb-ut-tahrir.info
