بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Республика бошқаруви бизга Лозаннада Британия зўрлаб тиқиштирган лойиҳадир

Шу кунларда Туркия 29 октябр республика ташкил топган кунни байрам қилмоқда. Бу байрамни давлат биз инқилобга уриниш бўҳрони оқибатларини ҳис қилаётган…, ҳамон қандай бошқарув бўлиши устида баҳс-мунозара кетаётган…, ички курашлару «террористик» ҳужумлар ҳамон давом этаётган…, одамларни камбағаллик ва ишончсизлик қамраб олган… бир пайтда ўтказмоқда. Республика бошқарувини давлат халқ истаги билан ташкил топганини иддио қилади. Аслида эса, у мусулмонларга зўрлаб ўтказилган бўлиб, бизга худосизлик, қашшоқлик, бошбошдоқлик ва туғёндан ўзга ҳеч нарса келтиргани йўқ. Бу бошқарув лойиҳасини Британия ўзининг ички малайларининг Халифалик давлатини бекор қилиб, Исломга қарши курашиб, Туркияда илмонийликни кенг ёйиш орқали у билан ҳамкорлик қилишлари шарти билан тузиб берган.

Дарҳақиқат, Британия биринчи жаҳон урушидан сўнг Умматнинг бебаҳо хазинаси ва унинг бирлигини муҳофаза этиб турган Халифалик давлатини йўқ қилишга қаттиқ ҳаракат қилди. Мустафо Камол тайинлаган Исмат Энунуга Лозанна анжуманида Британ ташқи ишлар вазири лорд Керзон томонидан тўртта шарт қўйилди: Халифалик бошқарувини бутунлай бекор қилиш, халифани сургун қилиш, унинг ҳамма мулкларини мусодара этиш, илмонийликка асосланган, бошқача ибора билан айтганда, республика бошқарувига асосланган давлат барпо этиш.

Ҳар қандай мусулмон рози бўлмайдиган бу хоинона келишув турк парламенти томонидан қаттиқ эътироз билан қаршиланди. Чунки Мустафо Камол билан Исмат Энуну Британияга бермоқчи бўлаётган бу нарса, мусулмонлар бир неча асрдан бери ҳимоя қилиб жанг қилган ва ҳеч қандай баҳо билан ўлчаб бўлмайдиган нарса эди. Бироқ Мустафо Камол республика бошқарувини алдов, тил бириктирув, зўрлик билан тузишга муваффақ бўлди ва 29 октябр куни парламентда бундай деди: «Бу бошқарув бутунлай бекор қилиниши керак эди, бироқ мен унинг республика бошқарувига ўзгартиришга, унга сайланган президент раҳбарлик қилишига қарор қилдим». Шундай қилиб, мусулмонларга республика бошқаруви зўрлаб ўрнатилди. Лекин инглизлар Лозанна битимига имзо чекишмади ва 1924 йил 3 март куни Халифалик бошқаруви бекор қилинди…

Эй мусулмонлар!

Республика бошқаруви – сизларга тасвирлаб беришганидек – ҳокимият халққа бериладиган тузум эмас. Аксинча, сизларнинг устингизга куч, мажбурлаш, алдов ва тил бириктирувлар орқали ўрнатилган тузумдир. У бурунлар жирканадиган даражада бадбўй бошқарув бўлиб, инглизлар уни ўзларининг мустамлакачилик режаларини амалга ошириш учун атайин танлашган. Биз бу республика бошқаруви башарасини мустақил маҳкамалардан, «Тақрир-сукун» қонунларидан, шайх Саид ва искилиплик имом Отифга нисабатан қилинган ишлардан, турк тилида айттирилган азонлардан, майдонларда амалга оширилган дорга осишлардан, гўзаллар маликаси конкурсида қатнашган Кериман Халисдан, қашшоқлик ва йўқсинликдан, худосизлик бўлган илмонийликдан ҳамда энг улкан ёлғон бўлмиш демократиядан… яхши таниймиз. Бу тузум парламент қарори асосида қабул қилинган бошқарув эмас, балки Лозанна анжуманида бизга Британия томонидан зўрлаб тиқиштирилган лойиҳадир. Биз Лозанна битимидаги шартларга рози бўлиш билан фақат юртимизни йўқотмадик, балки бундан ҳам каттароқ нарсамизни: Умматнинг олий даражасини сақлаб, мусулмонларни ҳимоя қилиб турган Халифалик давлатимизни бой бердик. Чунки инглизлар Лозанна орқали биздан фақат ҳокимиятимизни тортиб олишмади, балки республика бошқарувини ўрнатиш ва Халифаликни бекор қилиш орқали Ислом билан Қуръонни ҳаётимиздан ажратишга муваффақ бўлишди.

Шундай экан, сиз мусулмонлар, нега мана бундай бошқарувга ҳавас билан боқмоқдасиз?! Ахир, демократик парламент бошқаруви ҳам, демократик президентлик бошқаруви, иккаласи ҳам ўзида фақат битта номни мужассамлайди, у ҳам бўлса, илмоний республика бошқарувидир.

Ҳеч шубҳа йўқки, мусулмонларнинг ҳақиқий бошқаруви, Аллоҳнинг изни ила, яқинда барпо бўлажак Пайғамбарлик минҳожи асосидаги рошид Халифаликдир. Биз сизларни ушбу Халифалик бошқарувини барпо этишга ҳаракат қилишга ва фаолият қилаётганларни қўллаб-қувватлашга даъват қиламиз.

Ҳизб ут-Таҳрирнинг Туркиядаги матбуот бўлими

Web: www.hizb-turkiye.org

E-Mail: Этот адрес электронной почты защищен от спам-ботов. У вас должен быть включен JavaScript для просмотра.">bilgi@hizb-turkiye.org