بسم الله الرحمن الرحيم

Ожизликни хис қилиб ҳидоят топган қиз

Инсон қадри… Яратган тарафидан бир инсонга хадя қилинган бебахо ҳаёт қадри… Қолаверса Охират хаёти учун пойдевор кўйиш мақсадида инъом этилган ҳар бир кун, ҳар бир дақиқа қадри… Ва ўтаётган дақиқаларда ёнма-ён келаётган имкониятлар қадри… Ва бу имкониятлардан фойдалана олиш учун инсонга берилган қодирлик қадри… Ва юқорида санаб ўтилган хар бир бебахо ва қадрли нарсаларни англаб етиш ва идрок қила олиш учун берилган ақл-идрок ва тафаккур қадри…

Яратган Роббимиз орамиздаги саноқлигина ақли ожиз кишилардан бошқа барчамизга юқорида келтирилган бебахо ва бой бериб қўйилса оқибати хатарли бўладиган сифатларни ва неъматларни инъом қилди. Лекин кўпчилигимиз бу бебахо неъматларни қадрига ета олмаяпмиз. Буларни қадрига етиб, Роббимиз буюрган ўринда ишлатишдан бизларни нима тўсяпти??!…

زُيِّنَ لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللّهُ عِندَهُ حُسْنُ الْمَآبِ

 “Одамларга аёллардан, болалардан, тўп-тўп тилло ва кумушдан, гўзал отлардан, чорвадан, экин-тикиндан иборат шаҳватларнинг муҳаббати зийнатланди. Улар дунё ҳаётининг матоҳидир. Аллоҳнинг ҳузурида эса, ҳуснли қайтар жой бор”.                                                                                                              (ОлиИмрон-14)

Албатта ҳар замон ва маконда инсонларни Аллоҳга итоат қилишдан тўсувчи омиллар кўпинча Аллоҳ томонидан уларга берилган пул, бойлик, бола-чақа ва мансаб бўлиб келган. Лекин чуқур тафаккур қилиб фойда ва зарарни фарқлай оладиганлар учун бу нарсалар дунёнинг ўзи каби ўткинчи ва вақтинчалик неъматлардир.

يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَنْ ذِكْرِ اللَّهِ ۚ وَمَنْ يَفْعَلْ ذَٰلِكَ فَأُولَٰئِكَ هُمُ الْخَاسِرُونَ

"Эй иймон келтирганлар. Молларингиз ва болаларингиз сизни Аллоҳнинг зикридан чалғитмасин. Ким шундай қилса, бас, ана ўшалар ютқазувчилардир". (Мунофиқун. 9)

Аллоҳнинг менга битган тақдирига кўра 1996 йилнинг ёз ойида икки қўлим ва оёқларим ишламайдиган ҳолда дунёга келдим. Шўрлик ота-онамнинг бормаган шифокору табиблари, ўқитмаган домлаларию қилмаган тадбирлари қолмади. Аллоҳ бир ишни ирода қилса унга бошқа бир илож топгувчи йўқ экан. Хеч қандай уринишларнинг фойдаси бўлмади. Мендан кейин оиламизда яна 3 фарзанд дунёга келди. Алҳамдулиллаҳ ҳаммалари соппа-соғ.

Оиламиздаги иқтисодий аҳвол танг бўлгани учун отам билан баб-баробар онам ҳам тирикчилик важида ҳар куни ишга кетишади.

Ҳаётим давомида не-не азоб ва хўрликларни гувоҳи бўлмадим.

Бир синглим ва икки укамга куним қолиб, уларни ҳам жонларига тегиб кетдим.

Менга бир бурда нон ва бир пиёла сув бериш устида чиқадиган жанжалларни адоғи йўқ эди. Шундай кунларда "Мен ўзи нима учун дунёга келдим?? Азобланиш учунми?? Ёки азоблаш учунми?? Мени бу дунёда бор бўлишимдан мақсад нима ўзи?? Йўқ бўлганим ҳамма учун яхши эмасми??…" каби саволларни ўз-ўзимга қайта-қайта берар ва жўяли жавоб топа олмай яна тақдирга тан берар эдим. Шундай қоронғу кунларнинг бирида онам уйимизга бир аёлни бошлаб келдилар. Айтишларича бирга ишлар эканлар. Онам мен ҳақимда кўп гапирганлари учун бир кўриб гаплашай деб келган экан. Мен у аёлни навбатдаги дам солувчи бир отин бўлса керак деб ўйлагандим.

Онам эшикдан кира солиб аёлни меҳмонхонага таклиф қилиб мен ўтирган уйни эшигини аста ёпиб кўйдилар. Лекин аёл мен билан суҳбатлашиш учун келганини ва меҳмон бўлиб бошқа сафар келишини айтиб қаттиқ туриб олди. Онам ноилож меҳмонни мени хонамга таклиф қилдилар. Ноила опа мен билан гуёки соппа соғ инсон билан кўришгандек кўришиб сўрашдилар. Бундай дейишимни сабаби мени биринчи бор кўрган инсонлар аҳволимни кўриб ўз туйғуларини яширишга куч топа олмай гапираётган гапларини ҳам унутиб қўяр эдилар. Ноила опа онамдан бизни ёлғиз колдиришларини илтимос қилдилар ва мен билан узоқ суҳбат қурдилар.

Субҳан Аллоҳ!!! Эй Аллоҳим!!! Сабр косам тўлиб бораётганини билиб менга нажот фариштасини юбордингми!!! Наҳотки мендай мажруҳ, хатто ўзига ҳам хизмат кила олмайдиган инсоннинг бу дунёда яшашдан бирор бир мақсади бўлса?!! Наҳотки мен ҳам ҳаётда ўз ўрнимни топа олсам?!! Наҳотки шу бир бурдагина ҳаётимда бирор маъно бўлса?!! Ахир бу мўжизаку!!!

Ноила опа хайрлашиб уйимиздан узоқлашар экан, мен кўз ёшларимни тўхтата олмаган ҳолда уни ҳаққига тинмай дуо қилар, шу умидбахш инсоннинг борлиги учун ва Аллоҳим уни менга юборгани учун беадад шукроналар ўқир эдим. Шу билан бирга мен энди аввалги ноумид бир мажруҳ қиз эмас, балки яратилинишидан бир мақсад кўзланган, мақсад бўлганда ҳам жуда буюк мақсад кўзланган бир ақлли, онг ва тафаккурга эга бир қизга айланган эдим.

Асосийси шуни билдимки мен дунёга адашиб келиб қолмаганман. Мени буюк Аллох Ўзига итоат қилиб яшашим учун юборган. Мўжазгина бўлсада ўз ҳаётим бор ва мен бу ҳаётим учун ўз имконият даражамда жавобгарман. Аллоҳ хеч кимдан тоқатидан ташқари нарсани талаб қилмайди. Ва У хеч кимга зулм қилмайди!!! Тўғри, Аллоҳим мени бошқа инсонлардан ожизроқ қилиб яратди, лекин инсонийлик бурчимни англаб етишим керак бўлган асосий неъматлардан бебаҳра қилмади. Охиратим учун асқотадиганларини берди. Шулардан баъзиларини санайдиган бўлсам: гарчи оёқ-қўлим ишламасада ақлли инсонман. Ҳайвондан онгим ва тафаккурим билан фарқ қиламан. Ва хайвондек яшашдан ор қиламан!

Сизларчи?! Эй менинг диндош опа-сингилларим!!! Аллоҳ Таъоло сизларни бу дунё неъматларидан фойдаланишингиз учун имконият бермадими?!! Оёқ-қўлларингиз ўзингизга беминнат хизмат қилиб турибди. Оёқларингиз қаерга хоҳласангиз олиб боради. Қўлингиз эса дастурхондан нимани хоҳласангиз олиб беради. Шу соғлигингиз билан ота-онангиз ва турмуш ўртоғингизни кўзларини қувонтирасиз. Фарзандларингизни эҳтиёжларини қондиришга ҳаракат қиласиз. Шу соғлик каби Аллоҳ сизга берган барча неъматлардан тўлалигича баҳраманд бўла оласиз. Мен хозир сизга биргина соғлик неъмати ҳақида эслатдим. Аллоҳ сизга берган бошка неъматларни эса ўзингиз инсоф билан сархисоб қилиб олаверинг.

Лекин шу бехисоб неъматларни шукрини адо қиляпсизми?! Шукрини адо қилиш қайндай бўлади дерсиз балки?!

Шукрини адо қилиш бу ўзингизни яратган ва ана шу неъматлар билан неъмантлантирган Роббингизни танишлик билан бўлади! Аллоҳ сизга берган ақл, онг ва тафаккурни ишга солиб яратилинишингиздан бўлган мақсадни англаб, ўша мақсад йўлида қадам ташлаш билан бўлади. Қадам ташлаганда ҳам Аллоҳдан келган буйруқ ва қайтариқлардан иборат қонун-қоидаларга сўзсиз итоат қилиб, ҳаётингизни шу асосда тартиблаштириш билан бўлади!!!

Шундай қилмас экансиз ҳаётингизни инсоний ҳаёт деб атаманг!!!

Ҳизб ут-Таҳрирнинг Ўзбекистондаги медиа офиси аёллар бўлими

Омина Рашидова

20.11.2015й.