بِسْمِ اللهِ الرَّحْمٰنِ الرَّحِيم

Америка манфаатларини рўёбга чиқариш учун Афғонистон ва Покистон мусулмонлари қони тўкилишига йўл берманг

Афғонистоннинг Турхам минтақасида Афғонистон ва Покистон қуролли кучлари ўртасида рўй берган тўқнашувлар ҳар икки томондаги холис мусулмонлар тинчини бузди. Чунки бу тўқнашувда иккала тарафдан ҳам бир неча киши ҳалок бўлди ва жароҳатланди, минтақа аҳолиси жисмоний, иқтисодий ва моддий зарар кўрди! Аммо иккала юртдаги ахборот воситалари ҳақида айтадиган бўлсак, уларда ватанпарварлик ва миллатчилик чақириқлари тўлиб кетди. Ҳокимият тахтида ўтирган золим ҳукуматлар ва кофир манфаатига хизмат қилувчи жамоалар эса бу ҳодисани миллий манфаатга боғламоқда ҳамда ҳар икки тарафдаги мусулмонлар ўртасида адоват ва нафрат қўзғашга уринмоқда!

Ҳизб ут-Таҳрир бу ҳодисаларни тушунтириш, Америка давлати режаларини ҳамда Афғонистон ва Покистондаги малай ҳокимлар иштирокини баён қилиш учун бу ҳодисаларни бир неча бандлар орқали шарҳлашни лозим деб топди:

1 –    Бу минтақада Америка амалга оширишни хоҳлаётган режа минтақада Ҳиндистон ва Хитой ўртасида кучлар мувозанатини вужудга келтиришдир. Америка мана шу режасини амалга ошириш учун Покистон эътиборини Ҳиндистон билан чегарадош минтақаларидан Қабилалар минтақасига буриш керак деб билди. Бунинг учун Афғонистон ва Покистон чегарасида икки халқ ўртасида ихтилоф ва адоват чиқариш лозим бўлди. Турхамдаги икки халқ ўртасида юз берган охирги тарангликлар мана шу сиёсатни амалга ошириш учун қилинган ишлардир. Ҳақиқатдан ҳам бу икки давлат қўшинлари АҚШнинг стратегик манфаатларини рўёбга чиқариш учун Ашраф Ғаний ва Раҳил Шариф каби малай ҳокимлар буйруғига жавобан бир-бири билан жанг қилди.

2 –    Бу ҳодисалар Жон Керри тиклаган малай ҳукумат хавфсизлик билан таъминлай олмаган ҳамда иқтисодий тараққиёт ва сиёсий барқарорликни пайдо қила олмаган бир пайтда рўй бермоқда. Одамлар жанубдан шимолгача чўзилган хавф ва беқарорлик туфайли автомобил йўллари орқали сафар қилишдан қўрқадиган бўлиб қолди. Сўнгги пайтдаги автомобил йўлларида бўлаётган одам ўғирлашлар хавфсизлик масаласи қанчалик қалтислигини кўрсатиб турибди. Бу эса одамларни ҳукуматга нисбатан ғазабини оширмоқда. Афғонистон ҳукумати эса Турхамдаги ҳодисалардан ўзининг қонуний давлатлигини сақлаб қолишда фойдаланмоқда.

Ҳукумат шунингдек ёш аскарларнинг миллий туйғусидан фойдаланиб, уларни мусулмонларга қарши урушишга ундаяпти.

Ҳар қандай ақлли одам биладики, кофир чизган чегаранинг икки тарафидаги мусулмонлар ўртасида бўлаётган уруш икки давлатнинг малай ҳокимлари АҚШнинг минтақадаги манфаатларини таъминлаш учун ўйнаётган саҳна ўйинидир. Яна шу нарса аниқки мусулмонлар тоғут ҳокимларнинг ваҳший стратегияси қурбони бўлишмоқда.

Афғонистон ва Покистон халқи Исломий Умматнинг бир бўлаги бўлиб, уларнинг ақидаси биттадир. Бу икки юртдаги халқ тарих давомида ҳақиқий душманлари кофирлар эканини билишларини исботлашган ва кофир қаршисида шижоат ва жасорат билан туришган. Масалан Совет Иттифоқига қарши жиҳодда Покистон халқи ўзларининг биродарлари бўлмиш Афғон халқи билан бирга бўлишди ва қочқинларга уйларидан жой беришди. Ҳатто Покистон халқи бугунги кунда ҳам афғон халқига ўз уйи ва шифохоналаридан жой бермоқда. Уч миллион афғон халқи Покистонда яшамоқда. Бир неча йиллардан бери афғон халқи бошдан кечираётган зулмнинг сабаби эса Покистоннинг тоғут ва золим ҳокимларидир. Шунинг учун Афғонистондаги мужоҳидлар билан тоғут ҳокимларни ажратиб олиш керак бўлганидек, Покистон халқи билан тоғут ҳокимлари орасини ажрата билиш керак.

Ҳизб ут-Таҳрир биладики, Покистон ва Афғонистон ўртасидаги тўқнашув мусулмонларни заифлаштириш учун қилинган ишдир. Бундай тўқнашувлар қатъан ҳаромдир. Шу боисдан бу аскарлар нима мақсадда ўлмоқда деган савол берилиши шарт.

Шунинг учун армиядаги барча холис кишилар ва Аллоҳнинг динига холис сиёсатчилар икки юрт ўртасидаги адоват ва тангликларни бартараф қилиш, ҳамда кофирлар ва малай ҳукуматларнинг фитналарини пучга чиқариш мақсадида тизгинни қўлга олишлари керак. Шунингдек улар ягона сиёсий етакчилик остида жисмоний ва моддий кучларини бирлаштириши лозим. Стратегик жиҳатдан олиб қараганда, икки юртдаги жисмоний ва моддий кучни Пайғамбарлик минҳожи асосидаги Халифалик низоми остига бирлаштириш минтақадаги мустамлака сиёсатига чек қўйишга қодир кучни вужудга келтиради.

Биз бир-бирларимиз билан урушишдан тийилишимиз лозим. Пайғамбаримиз САВ бундан огоҳлантириб айтадилар:

«لاَ تَرْجِعُوا بَعْدِي كُفَّارًا، يَضْرِبُ بَعْضُكُمْ رِقَابَ بَعْضٍ»

«Мендан кейин бир­бирингизни ўлдириб, куфрга қайтиб кетманг». Бухорий ривояти.

Ҳизб ут-Таҳрир                                                                        15 рамазон 1437ҳ

Афғонистон                                                                               20 июн 2016м

0

0

Related posts:

Хоин режим Американинг Покистон устидан доимий босқинчилигини таъминлаш учун ҳаракат қилмоқда Афғонистоннинг янги президенти америкапарастликда аввалгисидан фарқ қилмайди Миллий коалиция ва миллий координацион ҳайъат «Женева-3»га замин тайёрлаш учун Америка ечими бўйича қадам ташлаш билан Аллоҳ ва Росули чизган чизиқдан чиқмоқда Ливан халқаро сиёсатчилар болғаси билан регионал ва маҳаллий малайлар сандони ўртасида